Aku tuchum ngenang jerita lama maya aku nemuai ngagai Canada begulai enggau GM ke dulu suba dalam taun 1992. Tiga iko kami di sempulang dua iko pemesai ari Ministry of Transport enggau EPU. Batang pejalai nemuai ngagai penyangkai kapal di Montreal, Vancouver enggau upis indu penyangkai kapal di Ottawa, mansik atur enggau structure sida laban perintah Malaysia deka numbuhka siti port authority ti megai semua upis penyangkai kapal. Sida di Canada udah ngaga atur bakatu. Maya nya aku agi nyadi legal officer, nya kebuah aku dibai GM enggau iya.
Kami ngagai Ottawa dulu, datai ba airport, beg siku ari pangan kami (Haji ia diatu) enda temu,teberayan ditepu ba bilun ke mansang ke bukai. Kami lalu check in ngagai hotel, nya meh haji tak ngeluh ngenang diri ke nadai gari kena nemuai ngagai Canada Ports Authority ari siti. Ngiga ba pasar ke semak hotel kami nadai kedai bejualka kot. Ka ngiga ka bukai ari nyu udah lemai, tambah enda nemu menua. Eh, enda ngawa ku pemesai ari EPU, nginjau kot aku nuan, aku bisi mai dua iti kot. Au meh ku iya, tang aku nemu iya sigi enda puas ati laban pemesai tubuh seduai enda sama, apai tuai EPU tinggi agi, besai agi tubuh ari haji. Iya ga aku nemu haji kami nya sigi urang ke smart begari, ngena utai branded magang, selalu mutong kot ari Sparkmanshop di KL. Nama deh ari siti, ia kami ka nurun ngagai upis nya, peda aku tudah haji tak enda tentu manah gamal ngenatka diri ngena kot ke besai sereta lengan ti panjai, bendar amat ia narit-narit lengan kot ke atas, ngicha ka bisi ayan jari tudah tuai. Kasih aku meda iya. Puji Tuhan lemai nya beg iya datai di anjung airline.
Ari pengasai tu, aku enggau apai Maie sigi selalu nyimpan gari kena betukar ba hand luggage maya bejalai kelebih agi ngagai menua tasik, enggai ke beg tak laun datai, pechuma kitai bebelika gari. Pama enggi kitai indu, angka enda tusah begigaka gari ke umbas tang enti kot urang lelaki, tusah amat ngiga kot ke udah sedia ti ngam putong enggau sais ba tubuh. Tambah mega mar rega.
Ari Montreal kami ke Vancouver. Kami dibai urang merarau ba palan endur makai seafood dia. Dia pemesai di Vancouver madahka bini iya baru udah beranak, bulih anak lelaki. Oo, ku GM kami, patut meri kami cigar nuan, ku iya. Ketawa pemesai nya, nadai aku mai ku iya, tang aku meda iya baka ke impressed, laban GM kami bisi nemu tradisi omputih ke bakanya. Kira well-read enggau cultured meh GM kami nya, ukai urang ke enda nemu utai. Udah nya aku lalu nanya sekalika pemesai nya berasal ari Scotland laban nama pun iya munyi nama urang ari sepiak nyin. Oo, ku iya, aki ini aku endang datai ari nyin, pindah ka Canada ku iya. Kami berandau, enda putus-putus meh randau, mayuh utai dikenang.
Ia kami udah tembu makai, kami ngirup kupi. Enda mukai-mukai tak teraik meh apai tuai ari EPU naka penginggar-inggar nya. Udah iya teraik iya lalu nyebut alhamdullilah. Aku lalu merening pemesai omputih, meda gamal iya blanching, kedua omputih berumban ngelap mulut ngena napkin. Aku merening GM kami, iya merening aku, udah nya sama malik ke bukai. Aku malik ngagai bala kami, peda aku haji enggau pemesai ari Ministry nadai nya nya gamal. Pemesai ari EPU nama deh, tak baka mayau ke udah makai chit, puas ati laban kenyang makai ikan salmon enggau clam chowder. Ah deh.. deh.. ku ati aku din, nama ga sekeda kitai tu enda sekena, iya ga bepangkat besai, iya ga enda nunda adat basa omputih. Ambis poin GM ke nemu pasal cigar…….Ba adat basa sekeda pupu bansa, sigi ok teraik enggau inggar, udah nya alhamdulilah, laban meri terima kasih ngagai Tuhan ke meri pemakai. Tang ba adat basa urang putih, sigi enda ok, tu siti pemali ba sida, sigi ngelanggar adat basa enti kitai teraik ba mua urang.
Hi hi, ila enti sema kita duduk berimbai enggau urang ke teraik, kuingka mua ke bukai, enggaika kesuh utai ke diteraik kena sium kitai, pama nempuh, anang enti udah makai buah rian tauka petai……
Au, pulai ngagai jerita pemesai ke teraik, taun siti tu kemari aku bisi enggau konferens di Kuching, diau ba Hilton. Ia ka tama lift, bisi berapa iku lelaki sama tama, aku ngasaika diri diperening urang. Udah nya kami ka tama ba bilik endur konferens, siku ari apai tuai ke sama pansut ari lift lalu nanya aku, nuan sanu ku iya. Aku tekenyit, apu patut aku ngasaika diri diperening urang, itu tadi ku aku. Au ke aku, malu ke diri enda ingatka iya. Aku tu ku iya, nyebut nama, kitai begulai ngagai Canada kelia ku iya. Aku meda nama nuan ari list nama urang ke enggau konferens, ku iya, tu nyu betemu enggau nuan ku iya. Apu ku ati aku din, apai tuai teraik tu paduhal. Aku lalu betabi lalu kami duai berandau enda lama. Manah tudah tuai, agi ingat, manah jaku. Nya meh, ari bala ke dikelala, bisi kedua ke meri macham-macham pengasai….ke nyadi buah kenang, ke ngasuh kitai tuchum maya gawa.
Kami ngagai Ottawa dulu, datai ba airport, beg siku ari pangan kami (Haji ia diatu) enda temu,teberayan ditepu ba bilun ke mansang ke bukai. Kami lalu check in ngagai hotel, nya meh haji tak ngeluh ngenang diri ke nadai gari kena nemuai ngagai Canada Ports Authority ari siti. Ngiga ba pasar ke semak hotel kami nadai kedai bejualka kot. Ka ngiga ka bukai ari nyu udah lemai, tambah enda nemu menua. Eh, enda ngawa ku pemesai ari EPU, nginjau kot aku nuan, aku bisi mai dua iti kot. Au meh ku iya, tang aku nemu iya sigi enda puas ati laban pemesai tubuh seduai enda sama, apai tuai EPU tinggi agi, besai agi tubuh ari haji. Iya ga aku nemu haji kami nya sigi urang ke smart begari, ngena utai branded magang, selalu mutong kot ari Sparkmanshop di KL. Nama deh ari siti, ia kami ka nurun ngagai upis nya, peda aku tudah haji tak enda tentu manah gamal ngenatka diri ngena kot ke besai sereta lengan ti panjai, bendar amat ia narit-narit lengan kot ke atas, ngicha ka bisi ayan jari tudah tuai. Kasih aku meda iya. Puji Tuhan lemai nya beg iya datai di anjung airline.
Ari pengasai tu, aku enggau apai Maie sigi selalu nyimpan gari kena betukar ba hand luggage maya bejalai kelebih agi ngagai menua tasik, enggai ke beg tak laun datai, pechuma kitai bebelika gari. Pama enggi kitai indu, angka enda tusah begigaka gari ke umbas tang enti kot urang lelaki, tusah amat ngiga kot ke udah sedia ti ngam putong enggau sais ba tubuh. Tambah mega mar rega.
Ari Montreal kami ke Vancouver. Kami dibai urang merarau ba palan endur makai seafood dia. Dia pemesai di Vancouver madahka bini iya baru udah beranak, bulih anak lelaki. Oo, ku GM kami, patut meri kami cigar nuan, ku iya. Ketawa pemesai nya, nadai aku mai ku iya, tang aku meda iya baka ke impressed, laban GM kami bisi nemu tradisi omputih ke bakanya. Kira well-read enggau cultured meh GM kami nya, ukai urang ke enda nemu utai. Udah nya aku lalu nanya sekalika pemesai nya berasal ari Scotland laban nama pun iya munyi nama urang ari sepiak nyin. Oo, ku iya, aki ini aku endang datai ari nyin, pindah ka Canada ku iya. Kami berandau, enda putus-putus meh randau, mayuh utai dikenang.
Ia kami udah tembu makai, kami ngirup kupi. Enda mukai-mukai tak teraik meh apai tuai ari EPU naka penginggar-inggar nya. Udah iya teraik iya lalu nyebut alhamdullilah. Aku lalu merening pemesai omputih, meda gamal iya blanching, kedua omputih berumban ngelap mulut ngena napkin. Aku merening GM kami, iya merening aku, udah nya sama malik ke bukai. Aku malik ngagai bala kami, peda aku haji enggau pemesai ari Ministry nadai nya nya gamal. Pemesai ari EPU nama deh, tak baka mayau ke udah makai chit, puas ati laban kenyang makai ikan salmon enggau clam chowder. Ah deh.. deh.. ku ati aku din, nama ga sekeda kitai tu enda sekena, iya ga bepangkat besai, iya ga enda nunda adat basa omputih. Ambis poin GM ke nemu pasal cigar…….Ba adat basa sekeda pupu bansa, sigi ok teraik enggau inggar, udah nya alhamdulilah, laban meri terima kasih ngagai Tuhan ke meri pemakai. Tang ba adat basa urang putih, sigi enda ok, tu siti pemali ba sida, sigi ngelanggar adat basa enti kitai teraik ba mua urang.
Hi hi, ila enti sema kita duduk berimbai enggau urang ke teraik, kuingka mua ke bukai, enggaika kesuh utai ke diteraik kena sium kitai, pama nempuh, anang enti udah makai buah rian tauka petai……
Au, pulai ngagai jerita pemesai ke teraik, taun siti tu kemari aku bisi enggau konferens di Kuching, diau ba Hilton. Ia ka tama lift, bisi berapa iku lelaki sama tama, aku ngasaika diri diperening urang. Udah nya kami ka tama ba bilik endur konferens, siku ari apai tuai ke sama pansut ari lift lalu nanya aku, nuan sanu ku iya. Aku tekenyit, apu patut aku ngasaika diri diperening urang, itu tadi ku aku. Au ke aku, malu ke diri enda ingatka iya. Aku tu ku iya, nyebut nama, kitai begulai ngagai Canada kelia ku iya. Aku meda nama nuan ari list nama urang ke enggau konferens, ku iya, tu nyu betemu enggau nuan ku iya. Apu ku ati aku din, apai tuai teraik tu paduhal. Aku lalu betabi lalu kami duai berandau enda lama. Manah tudah tuai, agi ingat, manah jaku. Nya meh, ari bala ke dikelala, bisi kedua ke meri macham-macham pengasai….ke nyadi buah kenang, ke ngasuh kitai tuchum maya gawa.
2 comments:
Nice post, Aunty!
Enti bisi bala kaban/sebilik ngajar pasal utai baka tu, manah ga. Sida Apak & Mak aku nemu utai ka mali laban ka suah begulai enggau orang.
Datai ditu suba ulih madah utai ka mali, laban enda sebaka adat. Thank God, they were doing perfectly as they already are. :)
Ga ia endu Flo, enti enda expose ka culture urang bukai dini kitai nemu social taboo sida.
Blessed new year ngagai nuan.
Post a Comment