Sunday, June 15, 2008

Ngiling Bidai

TR William Bansa enggau TR Agop ngiling bidai.

Kami serumah ngiling bidai kena 14 hb kemari. Baka selama, maya ngiling bidai kami kunsi meli pemakai - munuh jani, manuk, ngaga penyaram, ngupak enggau lauk bukai. Semua nya di bela & dipanduk ba bilik Tuai Rumah. Taun tu kami mai anembiak rumah panjai ke besemak enggau kami begelumu, ia nya Rh Agop enggau Rh Unggat. Tu sekeda ari gambar kami. Bala nyau enggai badu poco-poco, mungkang bc persembahan ari tiap iti rumah. Aku enda tentu masuk duduk, di tarit bala sida ke nembiak "inek, ajar kami inek"... Tengah malam surrender inek, laban lelak ..... aki lama udah bedengkur, enda makai bulu, enda dibantaika iya Enda Kempang Duduk Berimbai malam nya.
Tu uchu Simba, benung pemisi semester diatu.
Itu dia. Met, Pi, peda seduai Yang Gantung Kibung Yang, enda ngetu belajar poco-poco malam nya. Aku nyu enda masuk duduk laban seduai indai Umban minta ajar. Suba maya gawai enggai enggau urang belajar iya. Yang lelaki duduk aja, merening Yang indu betanda.
Tu bala uchu, ba bilik ipar aku. Sida tu raban kediri, raban meda TV, enda kiruh enggau urang taui ke beselimban karaoke & poco-poco. Ma ka makai utai baru sida pansut ke ruai, udah nya tama bilik baru.
Tu bujang sigat aku, buan anak petunggal iya, Allister Gap (anak Nyala). Maya tu serumba lemai.

Igat benung ngaga homework di bilik, tang Moses ka amat begulai enggau iya, nyu nepu kediri minta pangku. Bendar indai iya ka ngambi tang iya enggai, ka begulai enggau Igat.

Tu nah, gamal manchal, enda ngetu kin-kitu malam nya dataika iya tinduk. Nemu nunda urang poco-poco, mansang surut, mansang surut udah nya bepeling iya.

"Inek, gambar kami inek" pia ku dara mit tiga iku tu: Jemai, Umban & Nayan (twins).


Wednesday, June 11, 2008

Last segment on Bali

98% Balinese beragama Hindu lalu nitihka agama sida, sida dibagi ngagai 4 iti kelas (caste system). Kelas ke pemadu tinggi digelar Brahmana, kedua Kesatria, ketiga Wisya enggau ke empat Sudra. Dulu menya sida enda tau belaki-bini enti enda ari kelas diri empu. Tang kenu ku Pak Agung, diatu enda agi bakanya. Tang sida agi ngena tikas bansa.

Aku nanya Pak Agung bakani ka ulih nemu bagi kelas sida. Pak Agung madahka aku ari nama, bakatu. Kelas Brahmana - nama sida bepun ari Idi Bagus (lelaki) enggau Idia Ayu (Indu). Kesatria - Agung (lelaki) Isteri (indu) Wisya - Ngakan enggau Sudra - Eloh (short form "E" ba depan nama). Nya alai E. Nyoman ke tour operator ti endur Pak Agung gawa ari kelas Sudra enggau Pak Agung ari kelas Kesatria.

Taja sida enda ngiruhka kelas agi, sida agi meri basa ngagai raban Brahmana ari jaku sida. Jaku kena berandau enggau sida Brahmana jaku alus, lalu nama sida dikanggau Idi Bagus tauka Idia Ayu. Enti kelas ke baruh agi suka ati, kasar jaku enggau pangan diri ku Pak Agung. Tu nyu munyi sida Jawa ke ditusi Pak Armando ngagai aku di Jogjakarta. Sida Jawa pin bc bansa bangsawan, nya alai jaku kena berandau enggau urang bangsawan jaku alus agi.

Ari besai sida di Bali dikumbai Nyepi - amat enda inggar sida iya ngintu ari nya. See, how different culture sida ari enggi kitai, kitai betabuh, bekaraoke penapat inat maya Gawai!
Puji Tuhan, enda milih dini-dini endur raun, tetap bisi gerija Katolik endur sembiang ari minggu. Kami menyanak sembiang sunday mass ba gerija St Joseph di Denpasar.
Peda cultural influence ba payung ba penatai.
Choir sida best amat, tak dini-dini sembiang ba Indonesia sigi manah amat nyawa choir sida. Udah communion, siku indu belagu solo for thanksgiving, manah amat nyawa, munyi penyanyi professional pia ku Igat. Indeed bala Indon mayuh gifted, artistic, people. Puji Tuhan.

Gawai ba rumah panjai

Taun tu kami serumah enda balat bebelanja maya Gawai, laban rega barang ke niki magang. Sinu ninga sebana sida di rumah. Suba rega beras 50 kg semina RM120 tang sebedau Gawai rega udah niki RM200. Bala ipar aku enda bumai laban sida besawit. Puji Tuhan ga laban bisi penatai ari sawit ti ulih meri sida ia pengidup. Ke balat amat muai belanja nya minyak disel kena ngidupka injin api, mesin masu gari & semua utai elektrik ke diguna ba rumah panjai. Bedau minyak niki, Tuai Rumah bebelanja RM40 ke kos diesel semalam maya Gawai kena ngidupka audio visual system ti kena kami rami. Tu udah niki, enda iran aku enti mayuh rumah panjai petang maya malam ari.

Laban ke bara bejegau, aku enda tegaga ke utai taun tu, semina ngiri penyaram aja kena 31 May. Aku meli kek ari Dayang Salhah di Kuching, maya kami ke pulai chuti ari Bali. Aku meli buah ulu enggau kuih sepit ari bala indu Melanau ari Mukah ke datai bejual ba tamu di Selangau. Manah & nyamai utai digaga sida, ia ga affordable amat. Laku amat.

Aku rindu amat maya sebedau Gawai, antara 28-31 hb laban maya nya bala ke gawa ba nengeri & menua bukai mayuh pulai. Laban rumah panja kami ke dipansa sida, mayuh sida ngetu. Nya alai tumu agi kami menyanak pulai ke rumah, tumu agi ga kami ngintu gawai laban ke nerima penatai bala ipar, aya, ibu, anak menyadi, uchu. Apai Maie mayuh amat kaban belayan, tak sebatang Dijih, Sebatu, Sebakong, ni ke ba batang Mukah. That's the best part for me, meeting, eating, sharing.

Siti agi pengerindu kami menyanak nya ngemataka lori & kereta mansa rumah kami mai jemari, kerusi, tilam ke dibeli urang ke pulai bejalai. Enda tau enda, tiap-tiap taun sigi bisi bakanya belama. Ku pangan aku Nuai ke ari Tebarong, Skrang, din bakanya meh, bedau Gawai bedau kitai Iban bebelika utai. Pasar Selangau anang ngira pemayuh mensia, nyau bebintis bebelika belanja. Apai Maie nyau muchau nurun ari 30 hb ka meli ai menit, enda nyadi laban enggai jam ba jalai nuju kedai di tebing ai.

Must have and must do on 31 May - Apai Maie & Tuai Rumah nyayat jani. Gambar keterubah di atas - bala anak menyadi Apai Maie nyayat jani
Indai Kumo & Indai Kubu mela manuk

Apai Nyelang aka Jugam (laban nama iya Beruang) ngelulun ka aku jani, manuk, pulut.
Yours sincerely baru tembu nyediaka manuk & jani ti ka dilulun. Baru udah makai tunu babi, udah nya keberai ai mata ngenang Maie & Sudan ke jauh di menua urang. Ka amat dua iku nya makai babi Iban panggang.

Udah mansau lauk, aku mai bala ipar, bala anak & uchu makai tengah ari ba bilik aku. Tu ba dapur aku, maya kami lunch kena 31 May. Chapoh bala uchu, rindu amat sida ngirup cream soda ke dalam butol kacha chelum/gadung (ai menit ku kitai kelia). Sida nengali butol siku-siku. Nun ke pama agi nyau mechahka butol...

Tu sekeda bala ari ulu Dijih ke bisi ngetu ba kami ngalih ari kena 31 May. Peda, laban ke betanam sawit, sida baja di tusun ba bilik dapur. Tua apai Maie nadai store besai ba belakang rumah, muti umbas endur nyimpan injin api.
Bala kami serumah ngabang ngagai ruai aku kena malam 31 May maya kami makai bebala mayuh ba ruai.
Bala uchu, malam 31 May enggau ipar aku bilik sepiak, Apai Nyala (baju burak) & anak anak iya Nyala (baju chelum).

Mak Win & Mak Sira, malam 31 May.
Ngirup ai pengayu.
Enda tentu ngirup bala taun tu laban tembu bepoco-poco, tambah mega kami serumah udah meli widescreen & LCD projector baru kena karaoke. Bala anak mit seronok amat laban ulih meda tukis & cartoon ba screen besai.
Bala pengabang. Kami menyanak enda putus-putus nerima pengabang kena 1hb Enam. Nasit amat bc Jemi bebasu pinggai & bala anak menyadi apai Maie nulung ngidang pemakai. Gawai tu menu aku enda mayuh, semina pansuh manuk, jani panggang, daging chapi masak hitam, kari ikan, asi pulut, asi goreng & sayur champur.
Bala pengabang ari Rh Eding, Ulu Dijih. sida Ir. Jawan Kiroh menyanak
Bala indu Murut ari Lawas. Sida jadi enggau anak petunggal apai Maie.
Bridget Jawan & anak iya, ngabang ba ruai sida apai Lalai.
Tu ba bilik ipar aku Jelek.


Tu sida Tr William Bansa sebilik.

Bala sida Jabu sekaban
Nyala & family
Udah kami lepa pengabang kira pukul 5 lemai, sekeda kami ke ka bepoco-poco, kena exercise laban udah balat makai utai se ari-ari nya.



Melah pinang uchu Stephanie Empurung (Tindo) 30 May

Kami serumah ngulu pengerami melah pinang ngagai Rh Eding Kiroh di Ulu Dijih kena 30 May. Urang ke nikah nya tanah uchu, Stephanie, indai iya anak menyadi apai Maie. Stephanie baru tembu belajar nyadi nurse, ia bisi diploma ba nursing. Laki iya mega ba medical line, agi belajar lab technology.

Uchu Melissa enggau Chadom nyadi bridesmaid & best man.


Apai Stephanie, Igat Empurung ngelaluka penatai bala isan iya ari Skuau ke ngambi indu.
Bala indu band temaga mai pengantin indu pansut besanding.

Ba bilik urang indu. Indai urang indu ngena baju purple.

Tuesday, June 10, 2008

Ho Chi Minh, Vietnam 2-7 June 2008

Aku nguluka seraban kami enggau Asean Ports & Shipping Conference & Exhibition ngagai Ho Chi Minh City, Vietnam berengkah ari 2 ngagai 7 June. Dadi enggau Igat di irit aku, laban seduai agi chuti. Enda ulih begambar iga, laban ke gawa kin. Dadi & Igat nadai pengawa bukai, makai-makai. Tiap jam pukul 5 lemai, kami tiga enggau cocktail ba Executive Lounge. Enti udah makai dia, aku udah kenyang, tang seduai agi ulih dinner. Udah aku mutap, seduai lalu dua ari beturut-turut ngagai gym and sauna.

Ho Chi Minh by night.

Gambar HCM ari rooftop hotel ke endur kami diau


The famous Vietnamese pho (noodle) soup.

Dadi makai oyster ba Amigo, siti Western restaurant ti tebilang ba Ho Chi Minh.

Tua Igat nguji makai dessert ke dijual sida ba roadside stall. Mayuh bengkah asi, dicampur coconut cream enggau mung bean paste.

A real good steal is embroidered linen tablecloth. Murah amat. 8 seater (2.5 metres ) enggau 1.8 m round muti b/w RM42 - RM50. Aku lalu ngangkut ka souvenir enggau meli ka tiap iti bilik rumah panjai kami, kena topping mija maya bisi pengerami. Apai Maie nangi enggai ka dicheck Kastam, tang puji Tuhan urang enda ibuhka kami menyanak ke mansa green lane ba KLIA.

Ukir kayu, kera enggau rampa menua - Pemisi ke Bali Bagi 3

Tu sekeda gambar kerja jari sida. Aku rindu amat meda ukir kayu. Ba Tanah Lot aku tepeda ka pasu kayu ti tinggi di ukir sida baka bungai lotus. Manah amat. Ia aku ka meli, sida iya enda nerima credit card, aku nyau kurang cash. Apa daya...ila nemu aku, enda ibuh maie mayuh rupiah, tang mai US dollar laban sida nerima USD. That is, if there is a next time, angka ka bejalai ngagai menua Asian bukai ga, laban nya menua ke semak tang enda di gagai.
Siling ba hotel Ramayana.


Ku Pak Agung madahka aku, urang ke tukang kerja jari sigi belajar ari mit, kelebih agi ari aki tauka apai sida ke sigi nyadi tukang. Sekeda family business ngaji tukang ngaga ukir.


Peda pengekur sida, nyentukka atap tebelian diberi sida shape. Enggi kitai ditu tak rectangle aja. Peda gaya sida nusun keping atap, ngambi tisi bisi nyerungap.
Kalimpah ari artistic, bansa Indon sigi resourceful. Tu peda sida ngena buluh ke siling.

Tu siling restaurant China ke endur kami tiga makai ba Kuta. Siling nya digaga ari bila rutan, di anyam.Tu gambar pintu bilik hotel ti endur kami diau. Pintu dilapis ngena tikai lampit. Cool, classy, amat ngemansangka industry handicraft sida iya. Kerja jari sida di export ke luar negara, ukai semina dijual ngagai bala penemuai.
Did I say sida resourceful? Peda, ibu tu ngaga mobile massage centre right ba Kuta beach. Utai ti diguna iya bedagang semina siti kain (endur kitai gali maya iya ngurut) enggau iya empu. Kin kitu iya ngiga customer, charge ia Rp20,000. I bet iya bulih enda kurang ari Rp200,000 besari-sari.
Ba Uluwatu mayuh amat kera. Urang enda diberap kera, aku ga di berap kera ari belakang. Lalu enchaie aku, geli ke kera. Nasit kera lalu ngelepaska diri ari belakang maya aku ke rari.
Tu tebiang pantai ba Uluwatu. Tebing pantai sida sigi manah amat, ai chiru, gadung churak. Tua Igat bisi ampit swimming ba Kuta. Dulu ari nya Igat watersports ba Nusa Dua.Tu gambar sawah benung disedia ka endur nanam padi.

Tu sawah padi ti tebilang ba Tegalalang. Sida ngena sistem endur ai diisi ngagai parit kena ngisi ngagai sawah ti digaga sida be petak enggau begigi-gigi. Nya kebuah ba bukit pin umai sida, padi paya meh ditanam. Dini kitai menua tu bisi ngena teknologi bakatu. Ia simple, tang effective. Enti umai bukit kitai ditu, sigi bepanggai ba ai ujan. Padi sida 3 kaki aja peninggi, sida ulih bumai 3 kali setaun. Nya dadi nundi Igat, enti rega beras majak niki, enti nyau tusah bulih beras enggau pemakai bukai ila Igat, bumai tua, mayuh tanah tua ba tembawai kitai di Luau. Ahem.. good luck ngagai seduai menyanak ti ka mai teknologi Bali ngagai Dijih.

Tu ba Kintamani, menua ti ba tanah tinggi, bisi lugan ti nyadi ari volcanic crater. Ba seberai din bisi pendam kaum Trunyan - bangkai sida enda di tumbak ba tanah, tak di engkah ba atas tanah pia aja. Kenu ku Pak Agung, nadai bau, laban bisi sebansa kayu ti ngeluarka wangi dia. Mula ia kami udah ka nemuai kin. Enti kin merau, tang urang dia lalu ka nyayat kami menyanak, minta bayar ti mar, enda nitihka rate ti disebut Pak Agung. Meda bakanya dadi enggai, tambah meh ku dadi, don't tell me nuan ka ngambar bangkai, mali ku urang. Amat nya ku ati aku din, enda alah tak nitih utai. Nya kami enda nyadi. Sida bansa Trunyan nanam kubis enggau mayuh bengkah sayur ba tisi lugan tu.
Tu street peddlers ba Kintamani. Sida tu tengik amat ngasuh kitai meli utai. Enti kitai enggai bisi muchau sekeda sida. Tu meh meri bad experience ba Kintamani. Rampa menua manah, tang urang ke bejual kurang basa.


Lugan ba Kintamani

Kebun sayur ba Kintamani.

Tebing tasik ba Tanah Lot.