Feast of Epiphany, the last day of Christmas

Saritu kitai ngintu Hari Besai Pemandang tauka Epiphany. Tua dadi sembiang di St Charles, Selangau pagi tadi lalu benasit amat laban Bishop saritu meri missa sereta saritu mega Bishop madahka St Charles nyadi parish ti baru, megai Selangau, Skuau enggau Tamin, berengkah ari 1 hb 1 taun 2010. Paderi (rector) St Charles nya Fr Andrew Tan. Congregation sama gaga, sama betempik jari ngelaluka berita nya. Puji Tuhan, awakka parish ti baru numbuhka pengawa meritaka injil ngagai bala ti agi bedau nemu pengerindu Allah Taala.

Igat aja ke ulih pulai enggau tua apai iya ngintu Krismas. Baik ga nya, taja aku enda betah Maie & Sudan, pama meh bisi bujang sigat aku dikayam. Thank you Lord for the son. Thank you for having me for Christmas, pia ku Igat sms udah iya datai di KL. The pleasure was ours son.

Gavin Jerome Man, 18+, my youngest. "Man" ngangkatka nama niang aki dadi ke ngadaka entua aku ke indu. "Jerome" nama confirmation iya, ngangkatka saintly scholar, a doctor of the church.

Taun tu kami menyanak semina ngintu enggau diri sekaban sereta bala pangan. Indai sereta akak aku sebilik enggau kami menyanak makai tengah ari hari Krismas, dah nya kami alu ngabang ngagai bala pangan sereta kaban belayan. Nyu malam baru kami tiga nerima pengabang. Tu nah sekeda gambar kami.

Taun tu bala ari rumah panjai bisi nemuai. Tu uchu Imas enggau Bek, anak Tuai Rumah kami.

Pangan lama aku, indai Tim, begulai enggau bala kaban belayan
Bala ari rumah panjai
Ann-Marie Jeburi, anak Julie.
Bini TR Agup ari Dijih enggau indai Ir Jawan.
Yam seng, jam nyu udah pukul 9.30 mlm, bala ka mupuk ngagai rumah anak petunggal dadi ke mai sembiangka anak iya ke pulai sekula ka Uni.

Pangan lama, Nura. Kami lekik-lekik ninga seduai indai Tim nusi jerita sida SIDs ke raun ka KL pun bulan 12 tu kemari. Sida nemuai ngagai Parlimen, ka meda Parlimen baum. Penemuai sida kin di atur siku pemesai politik ditu, datai din sida diangkut ngena bas ke bechap'Jabatan Orang Asli". Ia sida datai ba gate, sida di asuh security pansut ari bas, asuh urang baris, bejalai kaki ka bangunan Parlimen. Nyampau penyauh sida bejalai, ia ga gap amat begari. Ia meh niki tangga, dirara urang, di asuh bejimat-jimat meda sida bekasut tunjik. Datai din enda di asuh urang bejaku, enda di asuh urang segau-segau, tak enda engkeretik sida. Malam nya maya ke makai enggau pemesai baru sida iya nemu sida enda patut digaga bakanya. Eh, kada enda dikumbai urang indu orang asli kita deh, ga kita ngena bas chap nya, ku aku. Pemadu meh enda ku Nura. Kasih kita kumbai urang jakun, ku aku. Bala lekik-lekik, wey, dini enda dirara urang enggai ka tegelinchir niki tangga, kumbai urang enda teleba ngena kasut tunjik kita, ku aku. Nura nusi pemesai ke enggau sida makai nyu keberai ai mata bai pemendar ketawa ninga jerita sida.

Ga ia urang di Malaya din ke jakun, enda nemu gamal kitai Iban ditu. Uji kitu sida nemuai meda pendiau kitai. Ari kami ke sekula din kelia dataika diatu (nitihka utai ditusi sida nembiak ke sekula di Malaya diatu), agi meh bala urang Malaya ngumbai kitai ditu jakun, kumbai diau ba puchuk kayu. Kasih mati, kemaya kitai tu ke kala begitang diau ba puchuk kayu.

Ba rumah Jawan.
Igat mai bala kaban iya makai lemai siti. Sida tu geng sama altar servers, diatu sama nampung pelajar di luar Bintulu.

Tua dadi pulai ka rumah panjai lemai 31 ngintu taun baru din. Meruik sa ngut, bala ngelulun pulut. Laban ke laun datai, enda kiruh aku, udah disangkung sida ipar aku bilik sepiak. Pia mega bilik aku udah dituchi indai Kumo. Terima kasih Tuhan ke kaban belayan ke mentas ati. Tu sida ke nembiak, berami malam nya. Udah ngelaluka taun baru, tua dadi sama tinduk urung pukul 1 pagi. Bala nembiak bekaraoke, betanda sampai jam 5 pagi, semadi dadi ngasuh sida badu enggaika LCD projector enda tan anggat.

Tumu pagi 1 aribulan kami meipar-ipar nurun ka Selangau, makai mi "spisil" ku ipar aku. Kita melanja, ka makai duit sawit kita, ku dadi nganu bala menyadi iya. Au, ku sida. Tu gamal mi spisil, gulai ikan tapah. Tua melaki bini makai mi guring basah aja. Ila ngasuh tukay Big Bowl ngajar sida manduk mi, enda chun magang mi di Selangau sepi aku.

And apa yang tidak menghairankan, ayam mata aku sempat mai urang gawa kena 2 aribulan, 9 iku urang dibai iya maja sawit....Ka masang ku iya, niki rega sawit taun tu. Barang ia meh ulu...