I want to break free!...Ba piramid di Giza.Kami duai melaki bini pemisi ngagai menua Ejip pun bulan tu kemari begulai enggau 24 iku bala urang bukai.
Kami bemalam ba Cairo 2 malam, nemuai ngagai Alexandria se ari sereta cruise ngulu sungai Nil 4 malam, diau ba cruise ship. Ari Cairo kami ke Luxor nepan kerita api, 8 jam. Ari Luxor kami nepan cruise ship ka Aswan.
Ejip siti menua ke puang, laban semina 5% aja menua ulih endur diau sereta betanamka utai, kelebih nya padang pasir enggau menua puang. Pemayuh tubuh urang ke diau din 80 juta, lalu tiap taun pemayuh tubuh nambah 1.8 juta (ga ia peridi amat indu Arab). 90% urang din beragama Islam, 9% Christian (Coptic Christians). Enda milih indu Muslim tauka Christian, semua sida begari sama, sama ngena purdah. Sida ke biak ngena blaus sereta skirt panjai, suah tak denim skirt kena sida ia.
Batang penatai pemisi sida ari betanam, dagang temuai enggau minyak & gas. Ekonomi sida jauh tinggal ari kitai di malaysia, pia mega ari segi pemansang enggau tikas pengidup. Mayuh merinsa urang din, pemakai ta plant-based ke mayuh agi. Gaji urang kereja perintah din semina RM500 sebulan enti dipulaika ngagai duit kitai. Ga sida ngambi ulih amat ba temuai, enda tau tama jamban, enda tau megai beg ba airport, sigi minta tip. Ma ka ka jamban sediaka 1 pound (1 USD = 5 Egyptian pound).
Cairo kamah amat, pia ga bejerebu, bangunan tak kelabu magang-magang. Sampah dibuai sebelah parit sereta atap rumah ta penuh ditugongka sampah. Atap sida lurus (flat) ngambi nyamai endur nambahka bilik, ngaga siti tingkat ka atas. Ketegal ka mayuh tubuh sereta tanah ke tau endur diau enda besai, dia sida enda tau enda minta permit ari perintah enti ka ngaga rumah. Nya alai ngambika ulih nangkir rumah, sigi ditambahka tingkat. Sida diau sebilik apai indai enggau semua bala anak uchu. Urang indu nguaika bilik lelaki, semina anak lelaki enggau bini anak sida ke diau begulai enggau apai indai.
Menua din jarang ujan semina 10 tauka 15 kali aja setaun. Nya nyu nambahka pengamah, daun kayu nyu belang magang dipansa kitai. Diatu musin chelap, siang ari 20 deg malam 10 deg.
Alexandria bisi beresi mimit, tang agi jauh meh pemeresi ari kitai ditu.
Batang penatai pemisi sida ari betanam, dagang temuai enggau minyak & gas. Ekonomi sida jauh tinggal ari kitai di malaysia, pia mega ari segi pemansang enggau tikas pengidup. Mayuh merinsa urang din, pemakai ta plant-based ke mayuh agi. Gaji urang kereja perintah din semina RM500 sebulan enti dipulaika ngagai duit kitai. Ga sida ngambi ulih amat ba temuai, enda tau tama jamban, enda tau megai beg ba airport, sigi minta tip. Ma ka ka jamban sediaka 1 pound (1 USD = 5 Egyptian pound).
Cairo kamah amat, pia ga bejerebu, bangunan tak kelabu magang-magang. Sampah dibuai sebelah parit sereta atap rumah ta penuh ditugongka sampah. Atap sida lurus (flat) ngambi nyamai endur nambahka bilik, ngaga siti tingkat ka atas. Ketegal ka mayuh tubuh sereta tanah ke tau endur diau enda besai, dia sida enda tau enda minta permit ari perintah enti ka ngaga rumah. Nya alai ngambika ulih nangkir rumah, sigi ditambahka tingkat. Sida diau sebilik apai indai enggau semua bala anak uchu. Urang indu nguaika bilik lelaki, semina anak lelaki enggau bini anak sida ke diau begulai enggau apai indai.
Menua din jarang ujan semina 10 tauka 15 kali aja setaun. Nya nyu nambahka pengamah, daun kayu nyu belang magang dipansa kitai. Diatu musin chelap, siang ari 20 deg malam 10 deg.
Alexandria bisi beresi mimit, tang agi jauh meh pemeresi ari kitai ditu.
Dadi ba Giza.
Dadi ba mua penatai di Giza, melakangkan Sphinx.Kami bisi nemuai ngagai Cairo Museum enggau the valley of the kings- ia nya pendam ti endur nguburka bangkai 62 iku pharaohs. Semua pendam sigi udah disengkubang urang dulu kelia, semina tinggal bangkai sida aja (mummies). Semina pendam Tutankhamun ke enda ditemu sida, nya alai agi meruan baya ditemu Howard Carter ba taun 1922. Tu kebuah King Tut tebilang amat. Baya iya diayanka ba museum di Cairo. Ba Valley of the Kings & museum enda tau ngambi gambar, nya alai enda ulih nunjukka pemanah kereja jari urang Ejip dulu kelia. Dinding pendam sida pharaoh sigi penuh ditulis enggau hieroglyphic writings, nusi jerita pharaoh enggau enda tau enda, jerita ngintu pemati iya, nunjukka urang nge mummy bangkai, datai ngagai pejalai semengat iya ti deka di akim petara. Semua perengka tubuh dalam nyin di simpan dalam tajau, muti ati iya aja tinggal ngambika bisi diakim. Ati ditimbang, enti ia berat agi ari bulu burung ke ba dachin sepiak, reti nya pharaoh nya enda merintah enggau manah, nya alai ia deka diukum, dibuai ngagai dunya penusah, enti iya manah, deka tama ngagai paradise, kenu. Nyu munyi konsep kitai Kristian ke diakim Allah Taala sida tu.
Dadi & mami melakangka Sphinx.
Ba kedai nyual minyak wangi, aku begambar enggau indu Arab. Tu ka moden, ka bajik, ke mayuh agi enda dipeda gamal laban ngena purdah. Aku meli minyak wangi (oil tauka essence ke bedau digulai alcohol - minyak tu ke dikena nyadika base perfume D & G, Chanel YSL). Mayuh macham nama minyak wangi, kedua tau kena ngubat ampus laban iya berangin ma digulai ba ai angat. Kedua kena kitai indu. Wangi ke digaga ari bungai Lotus nya ke dikerinduka Nefertiti (bini Pharaoh Akhenaton ke bajik). Enti ngena, dititikka ba kening enggau baruh pending dua-dua piak (segi tiga), pia ku indu Arab ke bajik ke tinggi nya madahka kami. Bisi siti agi wangi ke benama "Secrets of the Desert" kena urang indu ma malam ari, di tataka ba segi tiga tebalit ku iya (ni ku kita meh nyagam utai ku iya). Laban ke rindu nunu minyak kena ngewangika bilik, aku lalu meli 5 bansa minyak nyengkaum frankincense.
Ba Cairo kami diau ba 5-star Movenpick Resort, sigi siti hotel chain ke tebilang di menua Eropah.
Merarau ba Hard Rock Cafe di Cairo.
Hard Rock Cafe
Begambar semak tebing sungai Nil di Cairo.
Ba penatai kubu ke digaga Salahdin kena ngelaban bala urang Kristian maya perang Crusades kelia.
Ba mua masjid Mohamad Ali.
Tu rampa bandaraya Cairo. Peda jerebu, bangunan tak bechurak kelabu aja aja.
Gambar patung petara Horus di Luxor. Luxor beresi agi ari Cairo.
Ba Hapshepshut Temple. Hapshepshut nya raja (Pharaoh) indu, iya enggai alah kasak urang lelaki, iya ka nunjukka iya mega ulih ngereja utai baka Pharaoh lelaki, nya alai iya ngaga rumah sembiang tu kena nyembah petara Amon (petara matahari), minta berekat petara.
Tu ba Karnak temple di Luxor. Rumah sembiang tu digaga mayuh bala Pharaoh, kena nyembah petara Amon. Malam ari kami bisi enggau urang meda show "Light & Sound", pandai sida ngeluluka utai, rindu amat ninga.
Ba Karnak Temple
Tu ba holy of holies ba temple, ti endur pharaoh nyimpan patung Amon. Utai ti baka perau nya endur patung Amon diengkah. Tiap pagi pharaoh ngunsut patung enggau minyak sereta nyembah Amon. Sekali setaun patung Amon dibai nemuai ngagai Edfu Temple ti endur bini iya Smut diau. Smut pun sama patung! Dia seduai kawin sebulan dalam setaun begulai pia ku jerita. Hai wai, patung sama patung kawin!
Urang Egypt dulu kelia nyembah mayuh petara, enti meda ba dinding ba kubur Valley of the Kings enggau ba rumah sembiang, tak jerita pharaoh enggau bala petara aja-aja ditulis ngena hieroglyps. Patut Allah Taala meri pengasuh ngagai Moses enda ngasuh urang Israel nyembah patung, semina nyembah Allah Taala siku aja, pia ku dadi nyebut.Ga maya nya urang Israel ga nyadi ulun di Egypt lalu kedua nyu teperasuk nyembah patung.
Mami
Cruising ba sungai Nil, peda pemanah panchar mata ari lebuh ia ka padam.
Tebing sungai Nil.
Tu gambar cruise ship kami, the Nile Ruby. Mayuh amat kapal bakatu mai bala temuai merau nengah sungai Nil. Tu dikumbai sida "floating hotels" din.
Tu ba restaurant ba Nile Ruby. Bilik hotel standard. Tiap ari bisi high tea atas deck. 5 kali makai sari, Indai Maie lalu betambah meh kilo...
Reception ba Nile Ruby.
Tu baka gamal cruise ship tauka floating hotels ke nengah sungai Nil. Sungai Nil sigi mayuh sejarah, kena bala Pharaoh dulu kelia. Aku lalu bebayangka Cleopatra merau dia.
Felucca sailing ba Aswan.
Early morning ba pasar Aswan. Lembau nungga kupi, tak bekerak gamal kedai nya, apa bulih buat, kami dibai tour guide kami kia.
Tu ruti filafel, di pakai sida enggau mayuh bengkah sayur sereta isi daging ke digulung-gulung. Tu ke dibantaika manah, bisi kedua ta di araka ba kaki lima, pia ga kamah, bedebu, pia ga bau tai jelu, pia ga mayuh sampah ba tisi jalai....
Sailboat ba Elephant Isle di Aswan. Pulau tu ke dipeling kami maya felucca sailing.
Makai ba Nubian restaurant. Peda tudah ke begendang, belagu ka kami deh, nyu kediri.
Nubian food - salad enggau humus. Aku semina makai hummus, digaga ari sesame seed, nyamai. Tang ka nyam-nyam makai enggau ruti filafel, ngingatka ruti ke di jembi sebelah kaki lima maya kami raun ba pekan Aswan.
Tu manuk enggau ikan dipanduk chara "Nubian".Enda masuk tua dadi makai.
Ngetu ba rantau jalai mansang ngagai Alexandria, Gaga amat bala laban dia bsii Coffee Bean, bisi cafeteria ke standard. We miss Malaysia!
Ba Alexandria
Tebing tasik mediterranean digambar ari dalam coach.
Ba tebing tasik Mediterranean, Fort Qaitbey. Tu enalan the Lighthouse of Pharos, siti ari 7 wonders of the ancient world kelia. Shortly udah begambar, Maie telephone "Dadi, uncle Sudin udah mati", pia ku iya. Tua melaki bini lalu ngetu, duduk sereta besampi. Kasih meh Judy enggau bala anak iya ditinggalka laki mati. Let perpetual light shine upon him O Lord, may he rest in peace.
Ba tebing tasik Mediterranean.
Siti agi gambar Fort Qaitbey ba Alexandria.
Ba siti park di Alexandria. Aku baru sedar, apai tuai uhang Dijih ta main meri tanda peace, nama mulaika pengingat maya zaman 60an kelia ulu? Zaman Woodstock?
7 comments:
Rindu meda gambar seduai raun... part pemeresi agik bisi kurang menua nyin paduhal... ee, geli gak aku meda ruti nyau dingkah segenda2 tisi jalai...
Hi Chris,
Nya meh enti kin sigi nganjung diir meda utai ti digaga urang kelia, enti pasal pemeresi enggau pemanah, jauh kitai ditu lebih beresi & manah menua. Enda betah enti lama din, tusah ka ngiga pemakai ke teleba di pakai kitai, semadi meh kitai ngelawa 5 star hotel.
Rindu amat meda gambar kita ka raun menua Egypt kin! Ni enda maya aku kin! Heheh, takut kena kidnap/serang terrorists esp ti begulai enggau westerners!
Dor,
Penangi nuan sigi enda misplaced, laban udah nyadi utai ti jai, bala pengeraun diserang religious extremeise sida. ba mua valley of the Kings, bala Japanese toursuts bc mati ditimbak suba, nya alai tight amat security enti kitai nemuai ngagai endur nya, nyu be scanning beg baka ba airport, pia mega enda tau ngambi gambar din. Bala ke nemuai ngagai tempel ba Abu Simbel (3 hrs drive ari Aswan) ngena coach ke berconvoy alu di escort tourist police, mai senapang. Bc aku nyimpan penangi, tak beserah ngagai Allah Taala aja meh maya nya.
Go to Egypt for the history, munyi ku pangan aku siku, sebedau utai lama nya rubuh ku iya!
mansa ruai nuan dulu... rindu amt aku maca ruai nuan... mayuh amat utai ke dikunsi ke nuan ba ditu...
aku lama mat berangan agai menua nya - maia ka ngajar world history kelia nyu aku ke nyinuk diri becerita nyu asai ka diri empu meda menua nya. Meda pemandai mensia kelia ngaga utai nunda ke akal engau pengering tulang
Hi Mel,
Terima kasih laban nemuai. Selamat taun abru ngagai nuan.
Wai Andan,
Aku pia meh wai, sigi rinduka history.Tour guide kami din (Egyptologist ku urang nganggauka sida, laban sida belajar pasal sejarah Ejip, sampai bisi degree) landik amat nusi jerita, nyinuk amat aku ninga.
Post a Comment