Monday, August 24, 2009

Selamat Ari Pengada ke 22, Sayau!

Erica Sarah Sudan at 5 months.


Erica Sarah Sudan at 3 years, on her birthday. As mischievious as the smile. She climbed windows and staircases.
Erica Sarah Sudan at 3 years, tired after raun-raun at Pontianak in 1990.

Erica Sarah aka Bungai Terong (http://ericasudan.blogspot.com/) during Christmas 2008.

Nuju anak aku ke dikerindu, ke dikesayau, ke bagas, ke mentas ati, selamat ari pengada ke 22 taun ngagai nuan saritu. Taja kami enda begulai enggau nuan, nuan di ati belama. Awakka Allah Taala merekat nuan belama, awakka Iya nyaga ngemataka nuan, meri nuan pengerai, pengelantang, pengerindu, pengeliat ati, pengering, awakka nuan mujur ba pelajar enggau semua pengawa bukai, Amen.

Saturday, August 22, 2009

Return of the Beloved Son

Igat datai pagi tadi, chuti seminggu. Tengah ari tadi kami merarau, indai enggau anak menyadi aku dua iku bisi nemuai. Igat ari kemari udah mesan ngasuh aku manduk lauk ke diketengukka iya - daun ubi guring enggau sayap manuk panggang. Acih ulu, lagi-lagi daun ubi, lagi-lagi sayap manuk! Aku sigi gagau berengkah ari lemai kemari - udah berapi lemai aku lalu berengkah ngaga pineapple cheesecake (favourite Igat) enggau banana cake. Nyau pukul 9.30 malam baru aku tembu.

Bala ketawa ninga aku nusi jerita Sudan. Tua Sudan berandau ba talipun kemari lalu iya nusi diri tusah ati maya pulai hari raya ila ketegal enggai dibai tua apai iya makai lauk "sihat", lauk rebus-rebus. Aku ka nganjung nyawa makai aku Mi, ka makai utai nyamai, enggai aku dibai seduai dadi makai utai sihat-sihat, pia ku Sudan. Ee, anang irau di anak, enda aku mai kita makai utai bakanya. Tu adi nuan datai pagila udah distok aku meh peti ais dia ku aku. Bala pangan Maie ke nemuai sarinya pin ngerara peti ais aku kusong, muti bisi buah enggau sayur mimit... nama guna aku nyimpan utai mayuh, ukai bisi makai, mesa ni utai di empa tua dadi.

Apai enggau bala anak.



Igat Besai (Belayong), indai aku & Kulan.

Indai aku. Eh, nyau baka anak mit aku makai endu, nyau bisi labuh sebelah baju utai dipakai, ku indai. Nya alai sepiak baju iya basah, udah ditipuk enggau ai...

Tu pineapple cheesecake, di idang Maie begulai enggau fresh strawberries & chocolate syrup.

Nuju Sudan: Bakatu utai ka dipakai nuan Met?

Thursday, August 20, 2009

The Lord gave and the Lord has taken away

The message was brief, it said "Father Wan is critical in ICU Miri GH. Please pray now". It was 4pm last Tuesday, 18 August. I was alone at home, under strict orders to have bed rest after a bad back sprain. Daphne, who took leave to mind me since dadi was away in KL, had gone to pick up Cris from the airport. I immediately prayed the Divine Mercy, pled with God to spare his life, told God that He needs a shepherd for His flock, so heal him, please Lord. Whilst praying my cell phone went ting tong ting tong, signalling the arrival of new messages. Prayer done, I read new messages to say that he had passed away and another to say that that was a false alarm, his heart stopped (or, as Daphne said, went asystole) for 15 minutes but they managed to revive him. Then began the calls to pray for him, to pray for God's mercy to preserve his life.

Wednesday came and the report from Miri was bad. He was on machines to keep him going. I called Pat and we decided to pray for God's will to be done. If it is Your will Lord that Fr Wan should survive, let it be done, Lord. But if it is Your will that he should go, let Your will be done too, Lord.

This morning Daphne smsed to inform that he could go anytime, he was in real bad shape: acute renal failure, suffered heart attack, high acidosis, eyes were dilated, not responsive to light. Stephen, the head of our Visiting the Sick ministry smsed, asked everyone to pray the divine mercy during mercy hour. So it was at 3pm today, in unison, from our respective locations, at home and offices, we surrendered Fr Wan to the Lord's mercy and prayed for his peaceful death. At 8.45pm tonight, the long suffering servant of the Lord breathed his last. Dadi and I prayed the rosary for his soul. I turned to Job in my grief, trying to find comfort from Scriptures. "The Lord gave and the Lord has taken away, blessed be the name of the Lord!" (Job 1:21). "We accept good things from God; and should we not accept evil? (Job 2:10). I recalled the thanksgiving mass and dinner held for him last month, to mark his 32nd anniversary as a priest. He came to our table, invited us to visit him in Long San, said its a beautiful place, said we got rooms with nice view, asked us to contact someone to arrange for transportation and said na huh, the road is fanstastic, don't worry.....little did we know then that that was to be our last supper with him. We will miss you terribly Father.

O Lord, have mercy on the soul of Father Anthony Wan. He died in hope and may he share the glory of Your resurrection. Let perpetual light shine upon him O Lord, and may he rest in peace, Amen.

Friday, August 14, 2009

Semadi

Ari nyau jauh malam, tang mata aku enggai tinduk, nya alai aku blogging. Tua dadi bisi ngulu farewell dinner ke bala staffs kami ke deka pincin tadi. Aku ta semadi amat enggau, tang dadi keran amat ka mai aku, iga nuan enggai deh, nyadi kaling aku la nuan, nama pengawa nuan nyadi Uging di rumah kediri legi ku dadi. Hmm, semadi meh, ketegalka darling mai aku ka kaling iya, nurun ga aku. Ka best amat aku gali melapik ba sofa, meda TV tauka macha bup, betelipun enggau bala anak....

Aku lalu begari berumban-rumban, ga aku bara jengkak-jengkak exercise tadi, nya meh maya beradu nyau peluh nerusan. Enggai lekat makeup. Ah, merinsa ndar kita tu ku ati aku, mutapka peluh, tak enda bekerejasama enggau aku, enda nemu aku ke berumban. Udah ga ngerangkaika buok, udah ga sigi enda nemu iga ngesep buok enggau manah (ia enda nya kebuah aku bebuok pandak, ketegalka nadai pengelandik enggau urang ngesep buok bemacham stail). Di ajar hairdresser ke suah endur aku masu/ngesep buok aku bakanika ngesep buok: madam ku Jeniffer, kamu mesti pakai hair dryer yang kuat, macam saya pakai, baru dapat kasi rambut mati ku Jeniffer, enti buok udah "mati" baru ka disugu, disep enggau manah. Au, ngiga meh aku hair dryer ti ku iya, bisi tetemuka ba Farley, tang ma aku ngena enda ga aku nemu ngaduka buok manah baka enggi tukang guntin, baka enggi urang. Eh kapa, barang baka ia meh ku aku, asal enda chukak-chukak buok, enda la ta baka Minah Tunggit gamal kitai nurun gawa & ngulu function.

Dah nya pasukka baju, rigau-rigau ngiga accessories ke patut kena nipak baju. Ga aku cherida, barang kemas, tinchin, gelang enggau tenggak gula batu tak din dia endur aku engkah, ba jemari gelas di baruh, ba dresser, ba altar, ga ma ka ngena abis sarang kutak dibuka, ngiga ni bagi ke ka dikena. Minggu tu kemari aku ka KL, peda deh sepiak antin ta agi ba kucik beg ka selalu kena aku travelling. Nya sigi gaya aku. Wei, utai gula batu meh ku aku madahka apai Maie ma ia ngehaha (munyi ku uhang Dijih) aku ngena accessories baru, - hmm ia meh, tenggak gula batu Monet, antin gula batu Liz Clairborne, kutai munyi ku Dor; nya siti agi penyakit ti tusah dibuai, ka amat meli utai gula batu. Apai Maie enda memunyi, angka iya ngira manah agi diatu enda baka maya aku agi zaman jahiliah menya munyi ku Melayu, udu amat kami sida Idu, sida Nuai, bebelika emas. Tua Nuai raun ngagai New Zealand sempat meh meli emas. Ia ga enggai mit utai dibeli, nyau kaling-kaling meh tenggak dikena, nyau baka ke disepu lenggan ma dipasangka sa gelang....ma bisi pengawa SIDS tak kebelik emas bala, ga kami kala dirara siku penghulu suba. Aku gi nguluka urang amu bakanya. Ukai semina amu, tang vain, tang showy, munyi ku omputih. Ba chukup, nyampun, kelia. Bidik maya nya nadai mensia jai baka diatu ke ka ngeragut barang kemas. Diatu, dini ka ngena emas kuning nya agi..di trade in aku enggau precious stones, ka digalauka bala anak, tang Maie enggau Sudan tak enggai ngena. Tak pandang mereka. Ee, nadai kami begunaka utai nya Mi, nya ke kebelik kena nuan nya baru kami ka, ko nganu kitai. And by the way, ku penemu aku manah agi kitai indu ngena barang gula batu, ambi kitai enda diragut urang. Barang gula batu memanah, mayuh amat fesyen, ni pemilih kitai kena nipak gari, ia ga enti chun sigi striking amat dipeda, ia ga rega jauh lebih murah ari emas (enti kitai enda milihka bisi brand).

Au pulai ngagai jerita semadi. Semadi aku pansut ari rumah ma aku udah pulai gawa. Ga enti bisi utai dibeli sigi terus ngagai supermarket ma pulai ari upis, ngambi enda nurun baru udah datai di rumah. Aku muti mindah malam ari dua enggau ari tiga laban cell group meeting enggau holy hour. Kalimpah ari nya aku mindah ma bisi nemuai ngagai bala kaban, tang diatu laban ke jerebu, laban ke penyakit H1N1, tak enda beundang pangan diri bala. Ku sa anak tua apai sida nadai life, tuchum dalam ati aku ninga sida munyi nya. We've been there, done that, children, in our young days. Now those things do not hold much appeal anymore. After a day in office, to be able to curl on the sofa and read or watch Hallmark movies, CSI or murder mysteries and a cup of coffee and cheesecake is bliss at our age... kita badu enda meh anak, agi biak, baru pansut ari kerungan. But that is not to say kami duai apai kita enda game ga, bisi maya game, agi tau dikenyadi, tang with the right company, good ambience, agi ga ulih masang lagu "Your Cheating Heart & Duduk Berimbai" (lagu wajip dadi, ga enda nemu mai lagu bukai deh, selalu off tune...) enggau keruncung sa Pauline Linang kelia for me...Neh, ni kita nemu poco-poco, wai anak?

Thursday, August 6, 2009

Kala indu enda ingatka anak diri empu


Kala indu enda ingatka anak diri empu,

lalu enda rinduka anak ti diadaka iya? (Isaiah 49:15)

Dadi (sms): Kasih bini enggau anak aku, berumban-rumban breakfast, nurun tumu pagi...dini seduai diatu.
Aku: Sempat kenduai bfast, baru otw KLIA.
Driba : Flight akak pukul berape?
Aku: 11.35 pagi
Driba: Lame le akak tunggu nanti.
Aku : Tak pe, demi anak, akak rela tunggu bejam-jam.

Dua minggu ti udah, Igat sakit, pedis pala, pedis rekung, batuk engggau chelap angat. Nangi aku, angka ta penyakit ti benung ngerawanka mensia di serata dunya diatu. Udah berubat ngagai lutor luar, Igat gerai. Enda mukai-mukai seminggu udah nya iya sakit baru. Kami baru pulai sembiang ari minggu minggu tu tadi lalu Igat telipun madahka diri sakit baru. Aku ngasuh iya betemu enggau lutor lalu ngasuh iya minta throat swabs. Seari-arinya kami tiga gagau laban bala pangan merarau di rumah kami: sida Rose (anak iya Osbert godson tua apai Maie) menyanak bisi datai ari KL, lalu bala pangan Maie ari KL & Kuching pin bisi nemuai. Aku mega mai pangan aku Monica enggau sida Eileen menyanak (indai Priscilla, best friend Maie kenyau ari kindy kelia). Lama amat kami berandau, merarau berengkah ari pukul satu, sampai ngirup kupi maya ngalih ari. Maie, Pris enggau Cris ngelayan bala temuai ke biak, tua dadi ngelayan bala pangan lama. Nyau pukul 5 lemai baru bala pulai.

Udah pemulai temuai baru aku ulih telipun nanyaka berita Igat. Dadi udah telipun maya ngalih ari, Igat nusi diri udah ngagai lutor. Maya aku ke telipun Igat nusi diri benung sakit amat, pedis pala, ma chelap ma angat. Iya madah lutor muti meri iya antibiotic ke bisa agi enggau panadol.

Udah aku ninga Igat agi sakit, aku lalu tusah ati. Peda aku dadi nadai pengirau, tak majak be sms. Lalu nyida aku, meda dadi tak enda sama nangi baka aku. Eh, nama utai dikirauka nuan, ok Igat deh, udah berubat ngagai lutor ia tadi, pia ku dadi, majak ga be sms baru.
Lebuh aku ke dikempiaka dadi, aku lalu ingatka jaku nabi Isaiah ke ditulis aku ba pun jerita tu. Aku lalu nudukka diri ba bilik sepiak, pia keberai ai mata, pia sembiang rosary enggau divine mercy, pia besampi, nyerahka Igat ngagai ibun Indai Maria Dara Tuchi.

Sapa indai ke enda tusah ati enti anak sakit ba menua urang, kelebih agi maya bisi penyakit ti bejangkit baka kediatu, sapa indai ke enda beraie ka anak ti pedis, sapa indai ke enda berasai enda puas ati enti enda ulih ngibun anak ke sakit, sapa indai ke enda sedia nganti anak mikul pemedis, enti sema ulih diganti, ngambika anak enda pedis, awakka kitai ke tuai ke pedis, laban kitai teleba agi nyepi pemedis. Aku lalu minta saup Pat (godmother Igat) sama besembiangka Igat. Pia aku betelipun ngajar Igat bakanika ngibun diri empu. Telipun ngagai warden sida nadai nyaut ga ajuh inya. Udah dadi ka kiruk-kiruk makai baru iya nguang aku, merap aku lalu menyamai ati aku. Anang tusah ati nuan, ku dadi, enti iya balat bisi urang ngibun iya. Enti iya agi ga sakit pagila, ukai semina nuan aja, aku tu chuti meh, sama kin tua ngibun iya, pia ku dadi. Nyamai mimit ga ati aku. Malam nya aku enda tentu ulih tinduk, hand phone sigi enda dipadam, aku udah mekat Igat telipun ngagai aku enti bisi nama-nama hal.

Puji Tuhan tumu pagi ari siti (ari satu) Igat madahka iya bisi baik agi, tang agi batuk enggau pedis rekung. Seninjik aku sigi bisi pengawa di KL, aku lalu bekejang kin ari dua. Datai din pukul 6 lemai, aku lalu mai Igat bemalam enggau aku ba hotel. Igat lalu nusi iya dianjung warden ngagai klinik pukul 2.30 dini ari ketegal sendat seput. Iya enda telipun madahka tua apai iya, nadai meh seduai ulih kitu malam ari, pia ku Igat. Ninga munyi nya aku lalu mutus nganjung Igat peresa enggau silik. Taja iya nadai chelap angat, iya agi pedis rekung enggau batuk. Aku mai Igat ngagai HKL (Hospital Kuala Lumpur) - aku enda nganjung iya ngagai spital prebet laban sida enda ngambi throat swabs, tambah ari berita ti diayanka ba surat kabar, spital perintah bisi protokol ti silik enti sida nyangka urang sakit H1N1.

Kendua menyanak datai di HKL jam 7.45 malam, tama ngagai A & E, lalu diasuh urang ngerijista ba OPD. Aku lalu tekenyit meda mensia naka pemayuh ba OPD, benung bebaris nyuaka kad enggau ngambi gintir. Perening aku ke kiba, perening aku ke kanan, peda aku anak mit, besai tuai, tak beterengkung batuk, tak chelap angat gamal. Naka meh tu deh deh ku ati aku. Aku lalu besampi, minta serayung the Precious Blood of Jesus, ngambi semua ka bisi dia enda dijangkit penyakit ti disenakut. Udah ngerijista aku lalu diasuh urang nyuaka kad ngagai bilik siti. Dia dua iku urang gawa, lelaki (angka dresser kini), nanyaka pemedis, ngambi blood pressure enggau pengangat tubuh. Sida lalu meri tua Igat siti pom, di asuh ngagai lab. Ngemayuhnya ga mensia ba lab. Udah urang ngambi darah Igat, tua nganti ba bilik sepiak. Din ngemayuhnya ga mensia, bebaris baru, bisi 30 minit nganti baru results blood test Igat keluar. Aku lalu sempat macha results blood test, peda tak within range magang ga. Aku ingatka Maie nyebut ngagai aku empai lama tu kemari, lutor ulih nemu sekalika kitai bisi kuman ari pemayuh WBC - enti count iya tinggi reti nya sigi bisi kuman ba tubuh.

Sejam tua menyanak degi-degi nganti ke betemu enggau lutor. Pia ga, mensia tak penuh, ni bala anak ke tinduk dipangku, ka ampit kerusi duduk ba kerusi, ka enda ampit duduk ba pemanggai semin ke ba tisi pintu cheremin. Peda aku siku anak laut kira umur 7 taun rising-rising nyabak, mua baka ke chelap angat, apai iya bara tinduk duduk sepiak iya. Kasih amat aku meda iya, aku lalu besampi, minta Jesus negu nembiaknya enggau jari penyuman Iya, awakka nembiaknya gerai. Maya ke nganti aku sempat sembiang rosary enggau divine mercy, sembiang dalam ati, minta pengasih Tuhan ka semua ka bisi ba spital nya, awakka semua suman. Bedau abis dekad rosary aku indu misi nganggauka Igat, tua menyanak lalu tama betemu enggau lutor, siku indu tambi. Iya meresa dada Igat, nanyaka pemedis, lalu madahka Igat dehydrated. Ari nya tua menyanak ngagai farmasi ngambi ubat. Nyau jam 11.05 malam baru tua tembu, lalu pansut ari A & E. Puji Tuhan ke pengasih Iya, baka ke dipadah, tak datai teksi, tak ka apai tuai tambi nganjung kami duai pulai ka hotel sereta enda ngechaj sebarang, ngena meter. Terima kasih Tuhan ku aku, Nuan ngirumka pemanah kena muai penyai - driba ke nganjung kami duai ka HKL nyayat tua menyanak, enda bemeter.

Tiga jam kami duai ba spital, aku lelak amat, dibai aku pulai ka hotel Igat, din tua ngudar room service ku aku (tua bedau makai, laban sebedau nurunka HKL tua sempat enggau cocktail ba executive lounge). Tang Igat madahka diri ka supper, ka makai braised pork ribs ba Jln Alor, lama amat aku enda makai babi mi, ku Igat. Kin tua iya, tak makai asi manah meh tua iya, ga sama lapar. Tembu makai bakanya tadi ga, tak pansut ari restaurant, lalu bisi teksi mansa, lalu ka nganjung tua Igat pulai ngagai hotel. Tua iya diau ba hotel Melia, semak amat tang aku nyau kelalu lelak, nya alai enggai bejalai. Manah apai tuai tambi nya, ngena meter kin. Udah mandi Igat lalu nyium penyium, merap pemerap, laban lelenggau. Mula aku datai enggai iya nyium aku, semina ka diberap, laban iya nangika diri sakit. Berandau meh tua menyanak. Igat nusi bala pangan iya sms, nanyaka pengerai iya. Nama nuan megauka urang mi, ku Igat. Eh, nadai aku megauka urang deh, Aunty Pat ke madahka bala pangan bukai, minta sama besembiangka nuan ku aku. Nemu magang meh bala geng aku mami, ku Igat. Nya manah ku aku, ngambi mayuh agi ga urang besampika nuan. Tua menyanak laun tinduk malam nya, laban berandau.

Tu utai ka diperatika aku maya ba HKL:-

1. Urang ke gawa ngintu pengerai dia manah amat, manah jaku, mentas enggau urang sakit, mimit nadai meh aku ninga sida nenggil urang, ga pemayuh mensia, nyau beratus-ratus iku malam nya. Lembau kedua nyau tiga empat kali ka rauh-rauh nganggauka nama, enda meh ninga, empa pemayuh urang. Hm, enti bisi microphone manah agi ku ati aku din, kasih bala indu misi rauh-rauh pedis rekung nganggauka mensia.

2. Kita ke bedau beranak, ingat, anang ngaga nama anak panjai-panjai tauka nama ti tusah disebut. Kasih aku ninga bala indu misi nyau bebendar nyebut nama bala anak Melayu ka bedirit tiga iti, ka bisi ngambi sepil jaku Arab, tambahka enggau bin enggau binti agi. Kelimpah ari nya enggaika sida diketawaka urang enti nama tak panjai-panjai sereta nyelai. Pia mega lelak ngisi pom enti nama panjai, kadang-kadang nyau enda umbas ruang endur nulis nama.

3. Sekeda apai indai sampal bebai ka bala anak, nyengkaum sida ke gerai. Salah amat tu ku ati aku, spital tu palan endur urang sakit, palan endur penyakit. Tak baka buyah ke nabakka diri ngagai api sida tu mai anak ke gerai kitu.

4. Bala ke gawa ba HKL chekap amat ngereja pengawa. Muti ba lutor aja lama nganti laban semina dua iku aja lutor ke gawa malam nya. Ba farmasi, aku lalu ngitung berapa iku urang ke ulih dibela sida dalam kandang 20 minit - maya aku ngambi lumur, sida benung mela pesakit lumur 5820, gintir Igat lumur 5860. Kira 20 minit udah nya nyau datai gintir Igat - retinya sida mela 2 iku pesakit dalam kandang seminit. Ba klinik bayar di Bintulu tu nadai meh sida ulih nyuaka ubat ngenyampatnya.

Enti urang ke gawa ba semua spital baka sida ke gawa ba OPD A & E di HKL, naka penyamai rayat berubat, lempung agi ga pemedis enggau penusah ti diasai enti urang mentas enggau kitai. Malam nya aku besampi minta Allah Taala merekat semua sida ke gawa ba spital dia, awakka Iya meri sida pengering, pengerai enggau pengaga ngereja pengawa.

Au, Igat naka pengaga bemalam enggau aku. Tu nah, gambar anak bengkang aku.


Tu gambar benung breakfast ba hotel. Tu real treat Mami, ku Igat, merinsa amat makai utai ba kantin di kolej din, nyau puas, ku iya.

"Mummy, I am my father's son. I don't like trying something new" pia ku Igat. Dah aku pulai bejalaika pengawa ba Putrajaya lemai nya, tua Igat nurun makai. Tua iya mansa siti kedai makai ka nyual cantonese food ari Hong Kong, ba endur basement Parkson suba, aku lalu mai iya nguji makai dia, tang iya enggai, enggai enda ba Noodle House. Kin ga tua deh, ku aku. Ku jaku ka makai ba Dragon-I di Pavilion, tang kendua menyanak sama lapar, nya alai enggai nganti agi, laban Pavilion jauh agi ari Hotel Melia.

Tu ba mua Pavilion, semak ai panchut ti baru.

Pagi tadi sungkam lam tua Igat nurun laban iya bisi kelas pukul 8 pagi, nya alai aku nganjung iya ngagai kolej dulu, udah nya aku lalu teruska airport, lama aku nganti, nyau 3.5 jam nganti flight. Tang munyi ku aku nganu driba airport limo ke mai tua Igat pagi tadi, "tak pe, demi anak akak rela tunggu bejam-jam". That's not a sacrifice on my part, anything done for love is a joy and a blessing, praise the Lord!



Saturday, August 1, 2009

Anang perasa, anang saru

Sekali agi aku nyadi Uging saritu: dua iku kaban ke enggau Maie sekula ari KL enggau Kuching bisi nemuai ngagai kami lalu sida udah keluar ngirup sereta meli utai kena manggang, sida ka ngagai tebing tasik Tg Batu lemai legi manggang din.

Subsidi minyak injin api & injin sepit.
Dadi udah nurunka Skuau tumu pagi tadi, kami sebilik ampit diberi urang subsidi minyak injin api - subsidi ti disemayaka perintah maya rega minyak ti balat niki taun siti tu kemari, baru disuaka urang ujung minggu tu. Kenu ku TR kami penyampau RM700 sepintu - sayau enti enda di ambi ku dadi, pama meh kena aku ngaji urang gawa ba sawit. Tang aku iran amat ga merati, bakani upis DO di Selangau netapka sapa ke bulih enggau sapa ke enda bulih. Kebuah pia, bisi tiga iku kami serumah ke sigi bisi injin api, ke seruran masang injin api belama (kena injin masu gari, kena bepedaka TV) tau enda bulih. Kasih aku ke sida, kelebih agi laban dua iku nya sigi urang ke beratka pengawa rumah panjai, ke kisuk, sama melaki-bini, ngintu penatai bala pemesai, kelebih agi bala YB ke datai. Siku (gawa di Bintulu) mungkang chuti minggu tu kemari ngambika ulih ngulu kursus JKKK di Sibu, ti dipejadi MP Selangau. Aku lalu berat-rat mekat dadi ngasuh TR kami mansik kebuah tiga iku nya enda diberi ungkup, sereta ngasuh TR ngiga chara bakanika sida tiga tau diberi ungkup. Anang perasa ku ati aku din, meda sida nya nyamai dipegai, enda ningkah penemu mayuh, seruran ka bekerjasama, enda alah sida tak ngelidas, kada ulih pujuk. Enti upis DO deka mansik sapa ke amat bisi injin api, injin sepit, ukai nya tusah sida ngenataika diri ba rumah panjai kami, enda datai 10 minit rumah kami ari pasar Selangau. Ngelantak kening langkau injin api kami serumah ba ujung bilik, pia ku enggau.

Pandak
Bisi dua minggu ti udah siku pemesai di upis bisi nyebut utai ti enda nyamai didinga. Udah tembu baum, kami pansut ari bilik, udah nya iya lalu madahka pengurang pemuas ati ketegal bala indu ke diambi kami gawa apin lama ti udah enda berapa peninggi. Aku lalu jampat nyaut iya, 'Eh, God judges the heart", ku aku. Majak ga iya nyebut, ni nuan deh sanu ku iya nganu aku, "you are about 5 feet" ku iya. Atai apai tuai tu ku ati ku din. Aku lalu bejagang, "You are judging people from their physical attributes only. Thank God, God judges the heart. If God judges like you do, habislah kami ni". Mua iya pin bebali, lalu guai-guai iya nyurutka diri, udah dimeriam aku. Kapa enda ku ati ku din. To me if people think they are God's gift to women or men, they should really look at themselves first, not the face or figure but the soul.....even if their soul is spotless (more so if their soul is spotless), they should realise that all are God's creations and God makes everyone, everything beautiful. Evil comes from us. Beauty is in the heart, for from the heart arise all decisions to love, to hate, to do good, to do evil, to fear God, to do to others what we want others to do for us. That's precisely why God judges the heart. Gamal enda ulih di ubah, kenu ku urang tuai, tang ulah, runding enggau ati ti jai ulih diubah, ngambi kitai dipeda Allah Taala holy and blameless in His sight, munyi ku Bup Kudus (Ephesians 1:4).

Anang saru, aku enda pedis ati enti sema iya ngumbai aku pandak, kapa aku kiruh ka iya, munyi ku indai aku ke kala ngajar anak menyadi aku ke kala sensitive dikumbai urang pandak, utai ke ulih kitai ukai bepanggai ba peninggi enggau pemandak kitai. Kedua, aku ukai bansa urang ke nadai pengarap ba diri empu (insecure), enti aku bakanya, angka ga jaku iya tau numbuhka tanda tanya ka pengurang diri empu, ti tau ngenusahka ati. Ukai aku ngumbai diri mayuh penemu, tang enti aku enda nemu ngereja pengawa, aku enggau naka ulih belajar awakka nemu. Enti aku enda nemu, lalu aku nemu utai ti di asuh gaga sigi enda ulih dipelajar pia aja enti nadai urang ngiring, aku lalu terus terang madah ngagai management aku enda nemu, nama utai ti disalam.

Utai ti ngasuh aku gidan lebuh aku ngelabuhka jaku munyi nya laban nama kaul pemandak tauka peninggi enggau pemagas, pemanah ati enggau pengelandik ngereja pengawa? Nya utai ti dipeguna. Kedua, aku gidan ketegal apai tuai nya udu amat milih urang ke diambi gawa. Siku nembiak enda diterima iya ketegal tudah ke gemu, di asuh iya kurus dulu baru tau ngelapurka diri kereja ba kempeni kami. Nyau stress tudah nembiak nya tadi; aku nemu laban nembiak nya pangan semak Maie maya sekula suba, dataika saritu. Manah ulah nembiak nya, bisi basa, pintar meh nembiak nya. Udah ke stress, nyau enggai nembiak nya nerima pengawa ba kami, iya lalu bulih gawa ba upis perintah, nyadi siku pemesai. Nya, enda sayau kempeni kami enda bulih urang ke tau dilatih nyadi siku urang ke landik gawa ketegal ulah apai tuai tu tadi. Aku lalu berunding, enti sema kami bisi begunaka tulung nembiak nya ma bisi hal, bakani enda kami ulih ngenebalka mua minta tulung, kumbai enda bisa sain nembiak nya diatu. Suba bisi ga sekali, indu manah tubuh, tinggi, sereta numbas iya ga pemanah gamal. Indu nya dikanggauka interbiu, tang enda bulih. Nusi bala ke ba interview panel, madahka indu nya "kau". Eh, ku apai tuai tu tadi, nama enda di ambi kita deh? Peii, munyi ku Andan.

Pagi ari siti peda junuk-junuk apai tuai nya tama ba upis aku, ka meda utai ti di asuh sida karang aku ngambika nyukung peminta kempeni kami ngagai perintah besai. Diperatika aku, nadai nya-nya gamal iya, baka ke enda ingatka jaku aku kemari. Udah iya macha utai ti digaga aku, iya lalu muji utai ti digaga aku, manah ku iya. Nya ia, ku ati aku din, aku tu enda makai jaku puji dik aku tu sambi sambi....Udah nya nyau ka buya nesal ga aku, bangat tak bos urang ke di embalka aku kemari....