Nitihka tradisi kami menyanak ngelamatu, tiap taun (muti taun 2008 suba kami enda ke Sibu) kami sigi shopping ke Sibu kena 30hb, lalu mai bala uchu. Taun tu gintir uchu Mas enggau Pawa dibai kami shopping. Sida uchu ke lelaki enda memunyi laban udah dibai taun dulu agi suba.
Umbas ia ga pengerami kami serumah, tiga malam beturut-turut berengkah ari 30hb kami berami. Malam 30hb bala bekaraoke enggau betaboh sereta ngajat. Malam 31 bala main telematch ke urang besai tuai enggau anembiak, sereta ngajat. Malam 1hb bala bekaraoke enggau poco-poco. Sida ke nembiak memain dataika dini ari. Tua apai Maie laban ke enda nakal sigi mulai kediri tindok ma udah ngalih malam. Ga ia lain ubah kitai udah tuai, enda nakal.
Kami menyanak begulai enggau sida indai Muntai menyanak, nganti maya ke makai ba ruai lemai 31hb.
Ngenatka telan, sama duduk nganti main berengkah, kena malam 31hb.
Gambar sida ipar aku sebilik. Pawa, Nun enggau Riti sama masang baju baru dibeli ba Sibu.
Bala ngintu ngut.
Anak menyadi aku Isaac, gaga udah bepekit ngumpul gula batu. Isaac nanya indai iya kemaya pulai, enda best ditu mami ku iya, angat amat, nadai aircon. Gamal nuan ku aku, ila enti udah bisi karan ba rumah kami, enda aku madahka kita aku masang aircon ku aku nganu iya.
Anak menyadi aku Abraham, ma iya udah meda urang memain, lalu ngendoh iya pulai ke bilik.
Jacqueline Layut, anak Yang-Gantung-Kibong-Yang.
Uchu Alexson Gap & Rita Alicia Riti.
Bala uchu nunga screen, meda CD urang belagu. Sida nganti main ke ka dibuka udah tembu makai bebala mayuh di ruai malam 31hb.
Main ti diungkup ka kami ke indu.
Bala anak mit bepekit ngumpul gula batu.
Main meling tin ai 20 kali, mayuh sida enda tan laban sebening..
Bala bini nyendiaka diri bemain, tu ruti ba pinggai. Ba baruh tu penyadi ruti nya, di empa laki sida, laki sida enda tau megai utai, jari dipelawikka di belakang. Sapa dulu abis makai ruti, nya meh ke menang.
Maie enggau Nunek.
Wilson, Ndut, Nicholas enggau Lawrence, ngantika memain baru.
Bala duduk bekerimbi nganti main berengkah.
Igat, Lingga, Kumo, Unjah, Awing enggau Ngindang meda urang ke bepekit main.
Tr William Bansa nguluka nembiak iya ngirup ai pengayu.Tu benung nganti jam chukup pukul 12 tengah malam. Setengah jam sebedau nya aku nguluka kami serumah besembiang, muji, nyembah enggau beterima kasih ngagai Allah Taala.
1hb, kami nerima bala pengabang ari Rumah Agup.
Sekeda pengabang kami menyanak.
Bilik penuh, nyu duduk ba mua pintu bala pengabang.
Nerima pengabang ari Rh Agup.
Ba bilik dapur indai Kumo: Narih, Nyah enggau indai Kumo.
"Aunty Maie" enggau bala anak petunggal iya ba bilik dapur indai Kumo.
Ngabang ba bilik indai Thomas (anak menyadi apai Maie)
Ngabang ba bilik apai Kumo (anak menyadi apai Maie)
Ngabang ba bilik Lua (anak menyadi apai Maie)
Kami serumah malas durok sida Rh Agup lalu ngabang ngagai sida lemai 1hb.Tu Tr Agup bejaku ngelaluka penatai kami serumah.
Bala indu dara Rh Agup nguluka kami ke indu ngerebahka ranyai.
Tu bala sida lelaki, meruan bisi ranyai siti ga ke direbahka sida.
Kami ba bilik apai Maureen kena 2hb.
Kami merarau ba bilik apai Maureen kena 2hb.
Happy girl, 2nd night at the long house.
Lonely girl, 5th night at the long house. Macha ba bilik dapur serumba lemai. Acih ulu, missing Urang Sekeda iya laban enda ulih betali alau ketegal reception ti jai ba rumah panjai kami. Mami, ku Maie, there's a certain attractiveness to this place. I can like it if only we have electricity and piped water. It's so hot, we are cut off from the rest of civilization pia ku Maie. Kati ku enggau deh sulu, merinsa dulu meh kitai nganti ka bisi kemudahan ti bakanya. Nya meh tak siang malam injin api kami menyanak derut-derut, muti diketuka sejam dua enggaika kelalu angat.
Enti nadai kebuah ti berat kami sigi enda nurunka pasar Selangau laban enggai pedis isi terentak dalam kerita ketegal jalai ti udu jai. Diatu jalai rangkai, tang besenggar enggau bebatu besai. Udah kami sembiang ari minggu kena 31hb, apai Maie begadai-gadai driba pulai ke rumah laban kami meli sesarah ai lemenit, enggai ka pechah butol ketegal terentak nengah jalai ti jai. Jalai Sg Dijih sigi udah bisi lebih ari 25 taun, ga aku jadi enggau apai Maie suba (1984) sigi udah bisi jalai nya. Tu nyu masuk 25 taun, agi ga jalai mengkang jai. Diatu maya kemarau, naka ia pengangat sereta debu tama ba ruai. Nti bisi karan, sigi ditutup sida pintu enggau jendila maya siang ngicha ka kurang agi debu, tu nama. Ai ulih ngenyadi, kena mandi ulih ngepam ai pegong. Ka mandi ngagai sungai Meruan kamah ga ai din laban kena tusul sida ari Rh Agup. Pia ai sungai nya mit amat. Enda ngutuk bala anak enda poh ba rumah panjai. Ka betelipon reception ga enda manah. Ka mai laptop jai ga reception, tambah nangika karan ti enda stable ari injin api, nda alah ga laptop jai. Ka be aircon nadai ga karan. Ka mandi enggau bebasu utai ulih ngelimat ga ai. Me, I' m resigned to the fact that at the end of the day, amidst all the hardships, I just have to count my blessings and thank God for it all.
Enti nadai kebuah ti berat kami sigi enda nurunka pasar Selangau laban enggai pedis isi terentak dalam kerita ketegal jalai ti udu jai. Diatu jalai rangkai, tang besenggar enggau bebatu besai. Udah kami sembiang ari minggu kena 31hb, apai Maie begadai-gadai driba pulai ke rumah laban kami meli sesarah ai lemenit, enggai ka pechah butol ketegal terentak nengah jalai ti jai. Jalai Sg Dijih sigi udah bisi lebih ari 25 taun, ga aku jadi enggau apai Maie suba (1984) sigi udah bisi jalai nya. Tu nyu masuk 25 taun, agi ga jalai mengkang jai. Diatu maya kemarau, naka ia pengangat sereta debu tama ba ruai. Nti bisi karan, sigi ditutup sida pintu enggau jendila maya siang ngicha ka kurang agi debu, tu nama. Ai ulih ngenyadi, kena mandi ulih ngepam ai pegong. Ka mandi ngagai sungai Meruan kamah ga ai din laban kena tusul sida ari Rh Agup. Pia ai sungai nya mit amat. Enda ngutuk bala anak enda poh ba rumah panjai. Ka betelipon reception ga enda manah. Ka mai laptop jai ga reception, tambah nangika karan ti enda stable ari injin api, nda alah ga laptop jai. Ka be aircon nadai ga karan. Ka mandi enggau bebasu utai ulih ngelimat ga ai. Me, I' m resigned to the fact that at the end of the day, amidst all the hardships, I just have to count my blessings and thank God for it all.
6 comments:
Manah amat gamal rumah panjai kita, Rita. Tau dikumbai rumah teres Iban, ukai rumah panjai! :-)
Dor,
Kira pia meh nya, tang mayuh rumah panjai kitai Iban diatu baka rumah teres. Bisi sepintu dua kami serumah ke bisi rumah di nengeri ba RPR, nya sida ngumbai diri empu apai Sali, rumah panjai digaga enggau manah, rumah ti endur diau ba nengeri digaga belubah. Munyi ku jaku siku ari kami ke sama gawa enggau aku ditu, nusi saut iya maya bala anak iya ke nanya kebuah iya ngaga bilik ti manah di rumah panjai "ee, kati ku enda, tanah tumpah darahku" ku iya. Aku lalu nyaut, eh ukai bakanya, tanah ai menua aku, pia!
I really enjoy reading your blog indai maie. A subtle blogger. Well written and ingenious post. Do u mind if i address you auntie? It sounds more 'mesra'. he he. If it is wrong do tell me. I have the tendency to address people wrongly. *sigh* bad social skills.
Heck, i've been reading all the post from 1.00pm to 5.00 pm! Weeeee~ lol. Our rumah panjai looks really merry during the gawai celebration and i've been missing the fun. My fault indeed for staying at my crib all day long being rude by refusing to socialize with people.
Anyway, greetings from RPR residents. Anak apai Maureen tok. May auntie have a great week.
selalu lalu ngagai ruai nuan 'indai Maie' pia keh aku ngagau nuan deh nyamai agi.Selalu mega ngabas blog Maie seduai Sudan. Sebaka meh rumah panjai kitai mina enggi kami benasit mimit bisi karan. Ai nadai merinsa amai maia kemarau. Jalai alun bakanya mega balat jai. Enda nemu kemaia meh bulih insur lama amai kitai rumah panjai udah merinsa laban nadai kemudahan bakatu.
Hi anak apai Maureen,
Nemu macha blog nuan neh, meda tak imun amat deh. Pia meh kitai, mesti ka nemu2 betundi sekali sekala ni ku dik? auntie agi biak kelia enda diau di bilik kami maya gawai, sigi di ruai endur, ke setak-kesetak kami bejalai. Dia endur randau & uti ti ngait ati, dia meh endur ruai dilanda kami...
Hi Mama Doyee,
Au, selamat bekelala, meri tabi ngagai nuan.
Baik rumah panjai kita bisi karan, kami semua nadai. Nya meh lama amat ga kitai tu udah nganti, lalu ga bedau datai kemudahan bakanya ba rumah panjai. Aku dua taun berunggu bisi bejalaika Indonesia, ku kitai merinsa agi ari menua kitai menua urang din, tang nti nuan meda jalai sida sigi stidi, bebelakin magang, taja ba menua pesisir. Jalai amat mit, sempit, tang manah, enda baka nggi kitai ditu. Suba aku bisi ama bansa Indon ari Pontianak, nya ia selalu gut-gut muchau maya gawai laban ke diasuh ngelimatka ai. Ee ku iya, di menua kami din bisi ai paip, ba kampung rumah kami, nggi kita semak pasar nadai ga ai ku iya. Bah, kati ku nyaut pengamat ti bakanya?
Post a Comment