Thursday, March 25, 2010

At the Eleventh Hour, Nyau ka Enda Sempat Da

Aku seruran mai ati ti andal lebuh mansang ngulu seminar ti di atur gerija. Aku andal amat ke Allah Taala negu ati aku, ngambi aku berubah, ngelengka ke penyai sereta ngangkatka pemanah. Pia mega aku arapka Roh Kudus meri aku penemu baru, nyadika lalau pendiau aku enggau kami sebilik. Tiap iku ke ngulu seminar sigi bulih nimet (grace) tauka berekat ari Allah Taala: kadang-kadang nyata amat, ditemu kitai berekat nya, tang kadang-kadang enda di temu kitai semadi kitai nemu belematika ia ba utai ti nyadi ba pengidup kitai. Penemu belematika utai tu meh ti dikumbai wisdom, siti pemeri ari Roh Kudus.


Fr Gino, diberi Allah Taala pemeri ulih nyumanka semengat enggau tubuh kitai. Nengah healing service sari nya, iya madahka mayuh bala ti suman ari penyakit - sakit kanser, pedis belakang, leukemia. Pia mega mayuh bala bulih penyuman semengat - badu ringat, badu tusut pikir, badu mikir diri empu nadai guna, ngelengkaka pengawa ti jai, enggau mayuh macham penyuman. Kedua nyu rong-rong nyabak, ketegal nesal ati, kedua alu muji, meri terima kasih ngagai Tuhan Jesus, ke pengampun enggau pengerindu Iya.


Sapa ke begunaka penyuman? Tiap iku kitai ah, keba Bup Kudus madah semua mensia udah bepenyalah lalu jauh ngejang ari mulia Allah Taala - "All have sinned, all have fallen short of the glory of God" (Roman 3:23). Seminar baka Life in the spirit seminar tauka healing seminar ngadaka awak ti manah amat endur kitai berubah. Kebuah pia, urang ke diambi nyadi ketuai seminar bisi pemeri diberi Allah Taala - pemeri nyumanka urang, pemeri bejaku, pemeri ngajar, baka Fr Gino enggau Fr Rufus Peirera. Roh Kudus deka bekereja nengah sida nyumanka kitai ari penyai.

Aku ukai nyebut utai sengapa, aku nyebut utai ti amat, laban aku empu udah bulih penyuman ari ke ngulu seminar. Don't play-play munyi ku Pua Chu Kang, ma kitai be amat-amat muka ati ngagai Roh Kudus, Roh Kudus sigi deka bekereja ba ati kitai. Roh Kudus deka nukik ati ktai, madahka kitai ni bagi penyalah kitai, alu berindik ari nya kitai nesal ati, sampai nyabak sikuk-sikuk, kitai minta ampun ngagai Allah Taala, kitai besemaya ngelengkaka penyai, kitai naka ia gaga ketegal udah dilepas, badu agi nyadi ulun dosa.

Aku udah belematika reti jaku "ulun dosa" - bakani ku kitai nyadi ulun dosa? Ngambika nyamai diterang, aku nyema ke urang ke gian ngirup ai bisa, ti ngujungka sida mabuk belama - enchelak sari, ari siti palau baru. Ketegal ke mabuk, sida enda tentu gawa, suah belaya enggau bini anak, kedua nyamah, kengka duit ti ulih kena meli ai bisa..Aku nemu amat utai tu laban mayuh amat udah dipeda di Dijih din, kedua bala diri empu ke bakanya. Nya meh bulan siti ngagai bulan siti, taun siti ngagai taun siti, palau belama
. Nemu iya pengawa nya enda betul tang iya enda tebuai ka penyai nya. - tu meh reti ulun dosa, enda ulih ngesaika diri ari penyai. Trapped ku jaku omputih, enslaved by sin. Nya alai penyakit ti bakatu beguna ke master healer - the mighty Holy Spirit, the Paraclete, the Advocate, the Teacher. Ma Roh Kudus udah ngesuh asuh kitai sigi tepelepi kitai wai, don't play play; sigi suman kitai wai, ukai bula-bula. Enda ka kitai bulih penyuman ti bakatu?

Aku nemu tiap iku kitai sigi ka bebaik enggau Allah Taala, sigi ka nyadi anembiak ti kudus, ti dikerinduka Allah Taala, laban pengerindu ti udah ditanam Allah Taala ba ati kitai ngasuh kitai rindu baka Iya ke rindu. Pia mega tiap iku kitai deka ke pengidup meruan, bulih penyelamat. Tiap iku kitai mega deka ka Allah Taala nyaga, ngemata ka kitai, merekat kitai, nyumanka penyakit kitai, muai pengirau kitai, menyamai ati kitai. Nya alai anang be empai-empai, anang besentai wai, kala 11th hour bedau lalu, enti udah tu kada sempat agi deh (Mathew 20:1-16) ? Nyu niru slogan Obama, 'Yes we can! Yes to change!" Maya tu meh maya ti manah endur kitai berubah, laban tu musin Lent. Nabi Joel nganggauka kitai ngasuh kitai berubah

Ngesal ati kita enggau pengabis iya, ngulit,
nyabak sereta bepasa lalu pulai ngagai aku.
Asuh ati kita nesal bendar ka penyalah kita,
anang semina nyarik ke gari utai dikena.
Pulai baru ngagai Tuhan ti Allah Taala kita,
Iya nelap sereta kasih ka semua mensia
Ati Iya liat selalu ingat enda kala bula ke semaya
Iya endang seruran ka ngampun,
Iya ukai semina deka ngukum (Joel 2:12-13)

Kalimpah ari ke enggau seminar, kitai mega ulih suman ari kitai ke mutus ati ka berubah, be amat-amat nesal ati, minta Allah Taala ngampunka kitai. Roh Kudus sigi sedia ngelepaska kitai ari penyai. Ku Fr Dom kitai tesabak kediri ketegal kitai nesal amat ke penyalah kitai. Sorrowful for our sins. Ba kami ke Katolik, kami ngaku penyalah ba paderi lalu nerima sakramen bebaik (reconciliation).

Nyu nusi diri empu, taja aku suah enggau seminar, taja aku bulih penyuman, agi jauh amat pejalai aku, mayuh amat pengamah agi malut aku. Baka duku aku, bedau lurus tempa, agi tumpul, enda bekilat, nya alai disepuh belama ba entilang api, awakka ulih nyadi duku ti manah, ti tajam enggau perechi ba mua Allah Taala. Tu meh proses refining, purifying, ti disebut ba Bup Kudus. Aku besampi ngagai Allah Taala, awakka Iya nyawangka ati aku, nerima pengerindu enggau pengasih Iya. Aku besampi minta Iya ngiring aku, ngambika aku enda tegelinchir nyu enda te angkatka diri.

Bala raban cell group Iban ari Bintulu.
Bala kaban ari Bintulu. Dorothy, Eileen & Rosalind.
Gemu amat nuan diatu, pia ku Helena nganu aku, alu ditempik iya punggung aku. Nya sigi baka gaga kami sekaban, semenua.
Sekeda ari 630 iku bala indu ke ngulu seminar. Ke mayuh agi ari Miri, dah nya ari Bintulu, Marudi, Limbang, Brunei, Kota Kinabalu, Sibu, Kuching enggau Kuala Lumpur.

Maie, my firstborn. Tu keterubah ia kendua menyanak ngulu seminar begulai udah iya besai. Benung tua iya ngirup ba airport lebuh aku ke nganti bilun mulaika diri ka Bintulu, Maie meri ka aku surat ti ditulis iya nuju aku. Ku iya, suba iya ngasaika aku semak amat (reti nya aku busy body, kaypoh, selalu ngerara), tang udah enggau seminar tu iya sedar ke penyemak aku nya ukai utai ti nekul, tang utai ti manah laban aku seruran bisi enggau iya berandau, seruran mending, seruran ngiring iya, kelebih agi ba senentang pengarap. Udah iya mida ke diri empu enggau siku pangan iya ti madahka diri tusut runding, enda lantang ati, tang enda nemu nama utai ti nanggul, iya beterima kasih ngagai Tuhan ketegal aku bisi, kati ku nuan wai anak, kaypoh?

Pia mega iya madahka aku iya ngasaika diri kurang enti dibanding enggau Sudan, envious, laban Sudan bagas mela, bagas belajar. Ia lapa nuan bakanya ku aku, semua kitai sebilik patut gaga sereta beterima kasih ngagai Allah Taala laban meri Sudan ke kitai. Nuan pin bisi pengelebih, nuan mentas ati, forgiving, nuan spiritual, ku aku. Uji nuan belematika jerita sempama ti ditusi Jesus pasal urang ti di ambi urang ke ngempu kebun anggur bekereja, ku aku madahka Maie. (Mathew 20:1-16). Enda milih pengelama sida iya gawa (kedua ari pagi, kedua nyu udah niki ari, kedua tengah ari, kedua pukul tiga, kedua pukul lima, sejam da sebedau urang ngetu gawa - tu ti dikumbai the 11th hour ti di sempama ka jaku omputih), semua sida nerima gaji ti sama. Baka tuan kebun ke meri gaji ti sama taja pengelama sida ke gawa enda sebaka, bakanya mega pengasih tua dadi tetap sebaka ngagai kita tiga menyadi ku aku. Sudan bansa ke gawa ari pagi, tang deep in my heart I have this unshakeable faith that my first born will make it before the 11th hour ba pengawa ke mela. Sempat iya, enda iya temil agi ila, puji Tuhan. Fr Dom madahka sampi kitai ke indai bisa laban kitai besembiang from the heart!

Friday, March 19, 2010

Seilu-ilu

Tua dadi baru udah meda Sudan bekejang, ia pulai saritu, bemalam semalam di KL dah nya ngena flight jam 7 pagi pagila ka Jogja. Bakani asai di tinggalka anak? Seilu-ilu amat laban Sudan lebih kurang baka aku. Sama enda betah. Nya nuan enda ngasuh aku tama boarding school suba Mi, uji nti aku ba boarding school suba nda aku chonggek bakatu, ku iya. Nama kurang diatu deh, berapa taun nuan udah sekula mindah ari rumah ku aku. Amat, tang bakanya belama asai ati aku. Pi udah teleba agi, suba iya ba Perth & Glasgow enda suah pulai, enda baka aku, nya alai iya betah agi, pia ku Sudan. Nya, nuan patut betah agi laban ulih suah pulai ku aku. Belai mata anak enggau indai.

Enda betah tua apai iya, Sudan rajin amat mela, ma lemai peda udah sedia jus digaga iya, peda bisi aja utai di empa kena ngirup lemai. Pia mega iya ka kiruh manduk lauk, enda ngudah. Sudan selalu nyium, merap, gaga ka tua apai iya. Apai iya teda dikayam iya, diketuk-ketuk, digama, ditekan-tekan ba sebelah dada, perut, belakang, rusuk, endur iya pritis nyadi lutor ke meresa tubuh. Ka ga dadi, sepengaga Sudan, ningkap ku Sudan, ningkap ga dadi, telentang ku Sudan, telentang ga dadi. Ninga mata apai iya enda tentu terang, di tes ia dadi asuh meda idung iya, dah nya jari iya dikepai ari sepiak-sepiak alu nanya apai iya sekali ia bisi meda. Ku iya ngecik field vision. Dah nya nyebut dadi, gerai aku deh Met? Tau bebini siku da aku deh? Tua menyanak nyu nyerauh, apu bisi amat dianjung nuan neh, buk nyu buban, mata parul ku aku. Nuan anang mayuh macham D, pia ku Sudan.

Aku tu seruran ka dimakeover Sudan, iya ngajar ni bagi shadows ka chun ka urang tuai, asuh iya tuchum dulu sebedau nyapu blusher ba kuyu ngambi chun ba apple kuyu. Nemu aku ku aku, udah meda tukang makeup Oprah ngajar ba TV. Meda ta nda chun peda aku deh Mi, aku makeup nuan, au, pia ku Sudan. Eh, kapa nya, aku enda entu bemakeup enggau urang, lebuh ka tampik ka shadow, parut ka mascara, lebuh enggai lipstick aja. Skin care baru aku enda ninchai, sigi dijaga aku amat. Ba runding aku laban aku ke enda pandai bemakeup, manah agi dikurang ke ngechat mua kitai, ngambi ka enda salah. Nti nyu balat makeup, nda manah dipeda (laban nda pass ngena), nyu baka indu utai sebelah nya kitai. Enti urang ke pandai be makeup sigi rindu kitai meda, nda pia.

Mesti exercise belama seduai, jaga pemakai, pia ku iya ngajar tua dadi. Di asuh nyadi vegetarian, ngambika apai iya gerai agi. Aku tu ka, enda beleman makai, apai urang nya enda tau enda makai dagin, taja enda mayuh, mimit aja, tang enda tau enda nyadi ka sera nyawa.

Tua dadi sama machai lemai tu, dadi pulai ka Dijih, meda urang gawa pagila, sida ka ngerachun rumput ba sawit. Aku nganti flight ka Miri, benung ba airport aku ke blogging tu, ka mansang ngulu seminar ke di atur gerija ke kami ke indu ba Imperial Hotel. Kami deka di ajar Father Gino Henriques, tua Maie sama enggau, pia mega sekeda raban cell group aku ari Bintulu.

Pama ga tua melaki bini enda kediri lemai tu, tang aku sinu ka Sudan, kediri-iri bemalam ba Tune hotel malam tu. Ka bemalam di KL, alang-alang amat laban datai nyu pukul 6 lemai, pagila pukul 5 pagi mesti datai ba airport ga, keruan nganjung diri makai enggau tinduk aja. Kami menyanak ke pemisi empai lama bemalam ba Tune hotel laban flight tumu pagi enggau malam ari, tak seilu-ilu amat ba hotel nya. 5 star experience for 1 star price pia ku Air Asia bedagang ka Tune hotel, tang enti kitai bisi endur milih, tau dikelaungka hotel nya, laban ari pengasai aku, enda 5 star experience sereta ukai 1 star price. Kami bebayar RM181 ka siti bilik semalam, nya lebih kurang baka rega 3 star hotel. Amat beresi, tang bilik kelalu sekut, nyu nadai endur begelih. Pia ga nadai endur manggai ka beg, engkah dibaruh nadai ga jalai. TV sigi nadai. Jamban sekut-sekut, kenu ku sa anak kada umbas endur urang ke tinggi nyengkutungka kaki ba jamban nya. Enda nemu aku utai, nyu sendat seput asai. Malam-malam di dinga kitai urang be irit ka beg ba luar, setuk-setuk. Kami menyanak nyua 2 iti bilik, pintu kedua iti bilik sama lekat, nyu regup-regup ka muka. Tua dadi keterubah iya diau dia, nya alai aku sakai, enda nemu hair dryer ke perlu dibayar enti ka ngena. Dani tumu pagi ka ngerangkai ka buok, enggai idup hair dryer, ke sepiak ngagai bilik sa anak, nya baru urang madahka aku. Ee, ku aku, tak beduit magang, kain mandi bayar, RM5 siti. Ngemayuh nya ga urang diau dia, receptionist madahka kami sida fully booked seminggu-minggu nya. Nti bisi bilik kusong ke munggang jam sigi di sua sida: 3 jam RM60 rega. Dini enda kaya sida Ananda Krishnan & Tony Fernandes. BTW, aku baru nemu nama reti "AK" enggau "FD", ke kena ngelar flight Air Asia maya kami ke pemisi empai lama, di padahka Sudan. AK nya Ananda Krishnan, FD nya Fernandes, siti agi ngambi nama shareholder siku da agi, asai ka PZ ka initials, enda ingat aku.

Nyu ngerichau, ngetu dulu aku, naka tu aja utai ke ka dikunsi, dah tu ka nemuai ngagai ruai bala pangan bukai. Selamat ujung minggu ngagai semua.



Saturday, March 13, 2010

Don't leave Phuket without watching Simon's Cabaret

Au, sigi amat, anang enda meda Simon's Cabaret, tentu kita teperindang. Landik amat sida indu bajik tu betanda, belagu, belakun, tambah ke enggau lampu, sound system enggau stage props ti manah, asai ke meda cabaret ba Las Vegas kitai. Tiap malam bisi 2 iti show, penuh belama kenu ku tour operator ke endur kami meli tiket. Theatre tu ba Patong.
Sorry guys, enda tau ngambi gambar ba theatre. Kami semina bepeluang ngambi gambar bala indu bajik tu pengudah abis show, laban sida iya bediri berintai ba pintu pemansut, ngebai kami.
Enda saru kita? P.o.n.d.a.n. magang sida tu. Kati tau bisi kereban tubuh baka enggi kitai indu? Kenu ku sa anak madahka aku, silicon implant, hormone injection, kedua angka sex change.

Anang saru, sida iya belakun, belagu enggau manah, nadai telanjai, nadai enda senunuh, begari baka ke dipeda ba gambar tu meh sida. Professional amat sida tu merindang urang ke meda.

Ka amat begambar enggau kitai. Bala anak enda sporting, enggai begambar enggau sida.
Some more.
Ka tengah-tengah nya landik amat belakun, nyadi Barbie Girl iya, rindu amat meda. Naka iya bala betempik jari.
Sa menyanak nganti transport mai pulai ngagai hotel..
Tu pesaka bai aku pulai..
Thank you Lord, for the children.
Thank you Lord for the soul mate.
And thank you Lord for Your saving grace!

Tuesday, March 9, 2010

Bonding in Phuket

Sudan bisi pulai, pemisi 3 minggu. Nya alai kami menyanak lalu ngambi peluang pemisi diri sebilik ngagai Phuket, Thailand ujung minggu tu kemari.

Phuket siti pulau mua ka selatan Bangkok, tebilang nyadi siti endur pemisi ti dikerinduka mensia pupu bansa. Ketebal agi urang ke nemuai nya bala ribai, tiap taun bisi 3 juta iku urang nemuai kia. Tang sekumbang ekonomi dunya nyu udah surut, kurang agi temuai datai kin. Pemayuh tubuh sida ke sigi diau mendam ba Phuket muti 400,000 aja. Sebedau dagang temuai mansang suba (kira-kira berengkah ari taun 1972), batang dagang di Phuket nya nanam getah enggau ngulihka timah (tin). Diatu sigi dagang temuai ke dikemansangka perintah Thailand dia.



Dadi nyua MPV enggau driver mai kami menyanak raun. Aku rindu amat bakatu, laban ulih nanya mayuh bengkah utai ngagai driver, laban iya mega nyadi malin temuai. Mayuh amat utai ditanya mami, enda kasihka tudah M (nama driba) ke enda tentu nemu bejaku urang putih, pia ku Maie & Sudan mut-mut ari belakang. Ee, nda ninga kita iya nusi diri nemu bejaku urang putih ari ke riri bejaku enggau temuai ke dimalin iya, ku aku. Kasih ka iya meh aku tu, ngambi iya ulih pritis, pia ku aku.

Ba Thailand din kenu ku M, anembiak sekula semina di ajar ABC aja, just catch rat only, no rai, no spik English, pia ku M. No rai no spik ku iya nya no write, no speak. Aku rangap2 beratika reti "catch rat", udah nya baru aku meretika nya semina ngambika nemu ABC aja, pia ku iya. Nya meh aku lalu nanya iya nitihka stail jaku iya, asal meh iya mereti utai ku aku.

Aku meda M bisi nyelitka kain tajung enggau midul buda ba chermin kerita ke ba atas penuduk iya. Kapa nya, ku aku. O, tajung apai aku, kena ngiga nasit ku iya. Apai iya diau ba Krabi, 80 taun umur. Uh ku aku, nyu baka urang din ditu ke bebai ke towel urang sekeda....Maie lubah nangkap, udah nya baru ia nyerarat, "Mami!" lalu nempik lengan aku. Jera sida ka amat ngerara aku berandau. Aku ukai baka sida enti raun, sida meda utai pia aja, shopping, makai, tang aku ka nemu pasal menua ke endur raun, ekonomi menua nya, penusah sida, main asal, kalimpah ari endur ti manah dilawa.

M sebana dalam dua taun tu sigi surut penatai temuai, nya meh penatai iya sari nda sampai 1000 baht. Suba senang-senang bulih 5000 baht sari ku iya. Ni baka tuai perintah kita deh, rindu kita ka Abhisit, ku aku. Eh, nadai kami rindu, tak kakang-kakang mensia nya ngaga pemutus, "maybe, maybe", pia ku Abhisit. Thaksin not like that, ku ia, Thaksin can do, go, go, go. He bring money, we also got money, he bring business we also got business ku iya. Never mai black money, we also got a bit, so same-same grow, ku ia. Nya, nemu kita utai ku iya?

Kami menyanak manding ka urang Thai enggau urang Indonesia, urang di Indon peramah amat, lembut amat jaku, penuh amat budi basa. Ba Thailand enda berapa, kurang tuchum, sigi enda nanya kitai, ba hotel pin bakanya meh. Ku kami menyanak angka laban sida ke enda tentu nemu jaku omputih, nya sida bakanya.

Kami diau ba Burasari Resort, ba Patong. Patong tu ba pesisir pantai, sekut amat, laban mayuh hotel, endur makai, sereta mayuh agi temuai diau ditu. Tu sida menyanak begambar ba berinda hotel.

Ba bilik hotel

Ba bilik hotel

Sida anak sempat nyemerai ba kolam ai hotel.

Ba penama sepiak wing endur kami diau.

Ba Karon Beach. Ratus iku Matsaleh bejembi baka lachau, ngelaban panas, bisi kedua topless, nyu tegepang kami menyanak. Tengah-tengah raun pangan aku indai Tap bisi be sms. Ninga aku nusi bisi indu ribai topless, iya lalu nundi aku, bisi chachat sepiak baka enggi aku sida iya u?Atai indai tuai nya, sigi nemu ngasuh kitai ketawa. Enti kita ngelala indai Tap, nemu kita reti jaku iya tu. . Aku iran amat beratika sida ribai, datai ari menua chelap, enda teleba bepanas, tang naka penakal ga bejembui besari-sari. Kitai ditu ukai main rari ke panas, enda tan bepanas.

Manah amat pantai din, ai pin chiru. Aruh iya urang rindu nemuai kin. Urang ke pemadu untung nemuai kitu sigi bala ribai ke rindu mandi, bejembi, diving & snorkelling.

Tumu pagi kami menyanak breakfast laban ka bekejang ngena cruise boat raun ngagai pulau Phi Phi. Rega pemakai ba hotel enggau restaurant bisi murah agi ari enggi kitai ditu, kira-kira 20-30% baruh agi. Sida tiga menyadi sempat shopping, benung tua dadi ka salun - apai Maie berurut kaki, aku pedicure, nyu sinu meda kaki enda tentu di intu.

Pulai shopping sida nusi jerita diri empu, nyu ketiga kali kami meli utai baru asai ka nemu kami betawar, pia ku Maie. Aku lalu nanya berapa rega baju gaun ti dibeli seduai, disebut seduai rega, aku lalu nesal enda ngajar sida tiga bakani ku betawar ka barang. Bid from 50% off enti meli utai sebelah kaki lima baka ke ba pasar Patong. Enggi kitai ditu bisi rega dipandang, enggi din nadai rega di engkah, tak sepeneka ati urang empu kedai nyebut. Arapka udah tu ila sida iya nemu meh. Let them learn, never mind they made mistakes, pia ku apai tuai urang Dijih. Au meh ku ati aku din, as long as the mistakes are not expensive ones, sayau ga duit. Dah nya Maie sebana, nanchang perut aku udah tu Mi, nganti ke terima ujung bulan. Pia meh wai anak.


Raring to go, waiting for pick up for a trip to Phi Phi Ley.

Ari enam kami raun ngagai Pulau Phi Phi, kira 1 jam 20 minit ngena cruise boat baru datai din. Kami nesal amat ketegal program nyu enda nitihka utai ti dipadahka ba brochure, bisi diputung sida. Nya meh jimat enti meli tour package, laban sida mayuh enda tentu nitihka program. Ba Patong ukai mimit-mimit booth endur sida bedagang ke tour package, peneka ati kitai milih, sida agen dia ngambi komisyen.
Merarau ba Phi Phi Island - buffet, included in the cruise package. Ukai main ba brochure madahka pemanah pemakai, tang ke bendar biasa aja la, baka asi champur kitai di menua tu.

Dadi tukang ngambi ke kami ai & utai di empa ari bar ba cruise boat - free flow of coffee & soft drinks. Kami bisi diberi sida ruti, buah nanas enggau muffins.

Phi Phi island di peda ari deck kapal ti dikena kami, the Sea Angel.

Mother and son snorkelling at Monkey Beach. Aku enda changgih, enda ngambi gambar ikan enggau batu karang ke dipeda maya snorkelling. Di umpan tua Igat ngena ruti paun, nyu begau ikan nutu, tang enda ulih tangkap. Aku enggai jauh Igat, bejaga-jaga enggai ke tak nama-nama utai nyadi. Igat lalu complain ngagai bala akak iya, atai baka mami, enggai jauh aku, pia ku iya. Nda memunyi tudah diri, guilty as charged. Ila sida nyadi apai indai baru sida nemu asai ati aku. Enda patut indai labang anak burik, enda pia.

Siti cruise boat ke mansa kami ke snorkelling.

Enda mukai-mukai patung Maie besalah, nya nyu dibalut. Nya tudah tuai ta bejalai belubah-lubah...Sudan enggai ninggalka akak iya kediri ba boat, dadi enggau ke sinus tebantai, nya alai sida tiga dadi enda enggau snorkelling.

Monkey Beach.

Nda bisi ngambi gamal urang din apai tuai & indai tuai dua iku tu? Ba cruise boat, mansang ngagai Phi Phi Island.
Dalam cruise boat.

Ba Wat Chalong.

Apai & anak.

Malam kedua kami makai ba Kantok, restaurant ke ba hotel endur kami diau.

Kantok Restaurant tu berimbai enggau Floyd Brasserie, ngambi nama apai tuai ke pandai manduk lauk, Keith Floyd ke udah mati taun tu kemari. Floyd kala diau ba Burasari Resort lalu nudukka endur makai tu.

Ari sepiak aku ke duduk. Tudah diri nyadi tukang gambar. Dadi enda mai charger, nyu abis bateri camera aku, nyu ngena camera Maie. Maie enda ga mai bateri, nama nyu ari ke penudi ngenyadi ka telefon ngambi gambar.

Raban main asal hotel merindang kami ke makai lemai

Sita, nitihka jerita Ramayana & Sita.

Ba pentas ujung din endur bala ke nebah music.

Brunch ba Banana Leaf Restaurant ba Patong, enda jauh ari hotel ke endur kami diau. Pasal pemakai sigi bulih tahan menua Thailand, kami sebilik rindu amat makai pemakai sida. Tambah mega laban sida nerima mayuh temuai ribai, mayuh restaurant nyendiaka pemakai ribai mega. Sida menyanak tak every meal makai tom yam. Undang sida fresh magang.

Tom yam gung, brunch makai tom yam...

High tea makai tom yam.

Udah ikak raun meling Phuket, kami high tea ba hotel Marriott Courtyard, sepiak hotel kami. Igat ka makai pizza & dadi makai tom yam lagi...

We went to the Fantasea, a theme park. The package included buffet dinner and a concert.

Ba penama ngagai banquet hall ti endur kami makai sebedau meda concert. Enda tau ngambi gambar maya concert, nya alai nadai gambar. Rindu meda bala gajah bemain enggau raban main asal belagu & betanda. Lighting & sound system sida manah amat, Las Vegas quality production concert sida.

Ba penatai di Fantasea theme park.

Makai ba banquet hall. Besai amat hall tu, chukup endur 4000 iku urang. Peneka kitai ngambi pemakai, nya aku beratika ukai semina kitai ari menua Asia ke enda tentu nemu basa makai, urang matsaleh pin mayuh meh nampui, laban kelalu amu ngambi pemakai.
Mami & dadi ba Fantasea theme park.

Apai & anak & gajah.

Ila nampung jerita baru, kedua gambar ba kamera Maie, iya bara gagau bedau email ngagai aku.