Tabi semua, lama aku enda bekunsi jerita enggau kita, bara segau-segau ngelamatu. Lama aku enda ke Miri, ka mansang kin ujung minggu tu laban kami sebuat, bala raban home cell group deka enggau urang seminar "Growing in holiness", kena 21-22 hb Dua. Urang ke bejaku datai ari USA, siku paderi ke kala ngajar Fr Dom ba Franciscan University di Ohio lalu siku indu. Tu sigi chapoh bala, aku nyadi driba kami.
Au, tengan minggu tu kemari aku bisi ka Kota Kinabalu, bisi baum din begulai enggau bala Petronas & MLNG. Endang ke baka, enti kami kin enda nemu enda bekutak ngangkut seafood pulai, sa ketam, undang rimau, undang kb, kerang ke mesai genggam anak mit, sa lukan, ikan, dataika fresh beef, laban kami di Bintulu suba nadai fresh beef. Suba meruan sedia bala anak mit entuting kitai, minta gaji ngangkut utai ke dibeli mai ngagai kedai ujung ke endur urang mungkus enggau batu ais. Tang sekali tu tak nadai sida, kenu ku siku ari kami sebuat laban bala urang ke datai enda beradat (Pilipin, Indon) udah diburu pulai nya kebuah nadai agi bala anak mit ke minta upah bakanya. Pia mega market nyu udah mindah ba endur parking kerita laban market suba benung digaga - sekalika nya nyadi market baru tauka enda aku enda nemu, nadai endur betanya. Tang ari penemuai aku ngagai Sabah Port dua taun ti udah, sida iya madah kempeni sida Suria Capital deka ngaga waterfront dia endur commercial & leisure centre.
Nya meh sebengkah pengerindu aku ke KK, mayuh amat seafood. Malam ari kami makai ba Ocean Seafood, sepiak Promenade Hotel ke endur kami diau - restaurant nya pin mayuh udah diubah, suba kedai kayu, atap pia aja, diatu konkrit, siling ia tinggi amat & tiang bebesai dalam nyin. Ni enda ukai main pengelaku restaurant nya, taja mar rega pemakai, tang urang mengkang datai dia laban pemakai sida nyamai. Aku nyima-nyima enti makai seafood, enda berani enggau urang makai lukan, kerang & ketam laban ke allergic.Bisi sekali kami menyanak enggau indai aku chuti ke KK, nyu pedis perut & sakit indai aku enggau Sudan udah makai ba Ocean. Ku seduai laban balat amat makai undang rimau. Nya alai malam nya aku tak ngemataka bala kami sebuat makai lukan, ketam. Ee sanu, ku bala ari MLNG, lapa nuan enda makai tu deh. Eh ku aku, enggai ka ngaru. Lalu sida nundi aku, apu tusah amat enti ngaru, ukai bisi urang tukang ngaru ditu...kena aku, ia ga aku siku aja ke indu..ila kita, bisi ari aku nundi kita.
Ari siti kami pulai ngena Maswing. Sigi suah nadai mayuh penumpang bilun ba flight sector nya, nya alai kami dibagi urang penuduk ngambi pemerat ulih diachir, kena nimbang bilun awakka enda ringgar. Enti ba kami ke ba port /shipping industry, ballast ku kami nganu utai nya.Nya alai kami tak nenggali siku ba siti baris. Datai indu siku, pakai lawa, muka cantik, tubuh shapely, tinggi & jaku omputih naka iya, nadai endur mantah leka. Ukai iya Cina pelaba aku, ari slang iya, angka bumi tang nama bagi suku kaum aku enda nemu. Maya ke nganti ba lounge ba airport iya duduk semak kami, gila enda tekuit ati bala aya-aya ke enggau aku meda iya maya nya... hmm, maklumlah indu bajik.. Tak tama meh indu bajik dalam bilun lalu nganu stewardess laban pedis ati di asuh urang duduk di belakang, ukai ba kerusi lumur 1A ke di booking iya dulu. Enti bakatu ku iya, nadai guna aku booking nyu sepeneka kita nukar penuduk. Kami sebuat lalu techengang ninga iya laban iya bediri ba mua penatai, bejaku omputih, nyawa umbas iya pengginggar.....Bala kami udah duduk ba baris lumur 2 & 3. CEO ke duduk ba baris lumur dua lalu malik ngagai aku ba belakang, Haji ke duduk ba baris seberai aku lalu merening aku, sama-sama nagunka pala. Wah ku haji. Enti iya ka besilih penuduk enggau aku I don't mind ku aku nyebut ngagai CEO & haji. Meda indu bajik nya tak majak, sampaika madahka diri ka komplin, nya alai stewardess lalu ngasuh lelaki ke duduk ba 1A mindah ke belakang. Nasit ga lelaki nya sporting, lalu angkat meh tudah. Indu bajik meh ke duduk dia. Kami sebuat pin lalu sama ngesuhka seput, lega munyi ku urang.
Tiga iti utai ke diperatika aku ari penyadi nya ti ka dikunsi aku enggau bala pemacha. Keterubah, enda manding amat peda aku enti kitai pakai lawa, muka cantik, pangkat ada (ari jaku omputih iya tentu iya bisi pelajar, kada enda pangkat eksekutif ), tak nganu urang ba mua mayuh, mantaika pemama diri. Bahasa macam perempuan jalanan. Labuh amat maruah, lenyau magang dignity..so ill-graced. Gaya iya ke classy nyu tekalanya turun ngagai tikas ti baruh. Sorry lady, our initial esteem of you plunged to the pit.
Kedua, indu bajik enda te control ka diri empu. Ari iya ke enda ulih nguntrol diri, iya ngemalu diri empu. Ku iya betul meh iya, patut meh iya ringat, tang ba kami ke meda, nadai meda pemetul bakanya, peda kami tak pama, peda kami tak enda ulih natka pengeringat iya. Munyi ku urang, true colour udah pansut....
Ketiga aku mandingka ulah indu bajik enggau stewardess nya. Ba aku stewardess nya menang sari nya laban taja indu bajik balat muchau, stewardess tetap cool, tetap nyebut jaku enggau basa, dataika meri indu bajik pom kena ngisi komplin, dataika nulung indu bajik ngisi sekeda utai ba pom nya, sereta ngerandau indu bajik udah nya. Enti aku pam ke indu bajik malu aku, laban urang ke di anu enda ngemanaka anu iya, tang mengkang bejalaika pengawa enggau manah. Pia mega stewardess nya pelaba aku baruh agi pelajar ari indu bajik, tang udah nunjukka basa ti 1st class........
Nya, nama runding kita ke lelaki,.. bakani kita stimet nilai urang indu? Ari gamal? Ari pemanah tubuh? Ari jaku? Ari basa? Tell me.
Au, tengan minggu tu kemari aku bisi ka Kota Kinabalu, bisi baum din begulai enggau bala Petronas & MLNG. Endang ke baka, enti kami kin enda nemu enda bekutak ngangkut seafood pulai, sa ketam, undang rimau, undang kb, kerang ke mesai genggam anak mit, sa lukan, ikan, dataika fresh beef, laban kami di Bintulu suba nadai fresh beef. Suba meruan sedia bala anak mit entuting kitai, minta gaji ngangkut utai ke dibeli mai ngagai kedai ujung ke endur urang mungkus enggau batu ais. Tang sekali tu tak nadai sida, kenu ku siku ari kami sebuat laban bala urang ke datai enda beradat (Pilipin, Indon) udah diburu pulai nya kebuah nadai agi bala anak mit ke minta upah bakanya. Pia mega market nyu udah mindah ba endur parking kerita laban market suba benung digaga - sekalika nya nyadi market baru tauka enda aku enda nemu, nadai endur betanya. Tang ari penemuai aku ngagai Sabah Port dua taun ti udah, sida iya madah kempeni sida Suria Capital deka ngaga waterfront dia endur commercial & leisure centre.
Nya meh sebengkah pengerindu aku ke KK, mayuh amat seafood. Malam ari kami makai ba Ocean Seafood, sepiak Promenade Hotel ke endur kami diau - restaurant nya pin mayuh udah diubah, suba kedai kayu, atap pia aja, diatu konkrit, siling ia tinggi amat & tiang bebesai dalam nyin. Ni enda ukai main pengelaku restaurant nya, taja mar rega pemakai, tang urang mengkang datai dia laban pemakai sida nyamai. Aku nyima-nyima enti makai seafood, enda berani enggau urang makai lukan, kerang & ketam laban ke allergic.Bisi sekali kami menyanak enggau indai aku chuti ke KK, nyu pedis perut & sakit indai aku enggau Sudan udah makai ba Ocean. Ku seduai laban balat amat makai undang rimau. Nya alai malam nya aku tak ngemataka bala kami sebuat makai lukan, ketam. Ee sanu, ku bala ari MLNG, lapa nuan enda makai tu deh. Eh ku aku, enggai ka ngaru. Lalu sida nundi aku, apu tusah amat enti ngaru, ukai bisi urang tukang ngaru ditu...kena aku, ia ga aku siku aja ke indu..ila kita, bisi ari aku nundi kita.
Ari siti kami pulai ngena Maswing. Sigi suah nadai mayuh penumpang bilun ba flight sector nya, nya alai kami dibagi urang penuduk ngambi pemerat ulih diachir, kena nimbang bilun awakka enda ringgar. Enti ba kami ke ba port /shipping industry, ballast ku kami nganu utai nya.Nya alai kami tak nenggali siku ba siti baris. Datai indu siku, pakai lawa, muka cantik, tubuh shapely, tinggi & jaku omputih naka iya, nadai endur mantah leka. Ukai iya Cina pelaba aku, ari slang iya, angka bumi tang nama bagi suku kaum aku enda nemu. Maya ke nganti ba lounge ba airport iya duduk semak kami, gila enda tekuit ati bala aya-aya ke enggau aku meda iya maya nya... hmm, maklumlah indu bajik.. Tak tama meh indu bajik dalam bilun lalu nganu stewardess laban pedis ati di asuh urang duduk di belakang, ukai ba kerusi lumur 1A ke di booking iya dulu. Enti bakatu ku iya, nadai guna aku booking nyu sepeneka kita nukar penuduk. Kami sebuat lalu techengang ninga iya laban iya bediri ba mua penatai, bejaku omputih, nyawa umbas iya pengginggar.....Bala kami udah duduk ba baris lumur 2 & 3. CEO ke duduk ba baris lumur dua lalu malik ngagai aku ba belakang, Haji ke duduk ba baris seberai aku lalu merening aku, sama-sama nagunka pala. Wah ku haji. Enti iya ka besilih penuduk enggau aku I don't mind ku aku nyebut ngagai CEO & haji. Meda indu bajik nya tak majak, sampaika madahka diri ka komplin, nya alai stewardess lalu ngasuh lelaki ke duduk ba 1A mindah ke belakang. Nasit ga lelaki nya sporting, lalu angkat meh tudah. Indu bajik meh ke duduk dia. Kami sebuat pin lalu sama ngesuhka seput, lega munyi ku urang.
Tiga iti utai ke diperatika aku ari penyadi nya ti ka dikunsi aku enggau bala pemacha. Keterubah, enda manding amat peda aku enti kitai pakai lawa, muka cantik, pangkat ada (ari jaku omputih iya tentu iya bisi pelajar, kada enda pangkat eksekutif ), tak nganu urang ba mua mayuh, mantaika pemama diri. Bahasa macam perempuan jalanan. Labuh amat maruah, lenyau magang dignity..so ill-graced. Gaya iya ke classy nyu tekalanya turun ngagai tikas ti baruh. Sorry lady, our initial esteem of you plunged to the pit.
Kedua, indu bajik enda te control ka diri empu. Ari iya ke enda ulih nguntrol diri, iya ngemalu diri empu. Ku iya betul meh iya, patut meh iya ringat, tang ba kami ke meda, nadai meda pemetul bakanya, peda kami tak pama, peda kami tak enda ulih natka pengeringat iya. Munyi ku urang, true colour udah pansut....
Ketiga aku mandingka ulah indu bajik enggau stewardess nya. Ba aku stewardess nya menang sari nya laban taja indu bajik balat muchau, stewardess tetap cool, tetap nyebut jaku enggau basa, dataika meri indu bajik pom kena ngisi komplin, dataika nulung indu bajik ngisi sekeda utai ba pom nya, sereta ngerandau indu bajik udah nya. Enti aku pam ke indu bajik malu aku, laban urang ke di anu enda ngemanaka anu iya, tang mengkang bejalaika pengawa enggau manah. Pia mega stewardess nya pelaba aku baruh agi pelajar ari indu bajik, tang udah nunjukka basa ti 1st class........
Nya, nama runding kita ke lelaki,.. bakani kita stimet nilai urang indu? Ari gamal? Ari pemanah tubuh? Ari jaku? Ari basa? Tell me.
No comments:
Post a Comment