Almost a year ago, I was seized by a great fear

Lama aku udah ka bekunsi jerita enggau bala bloggers senentang utai ke nyadi ba pengidup aku nyau ka setaun ti udah. Somehow the right moment to share has been eluding me, until tonight. Malam tu tak balat amat asai aku ingin bekunsi jerita tu, nyangka laban udah disungkakka leka sampi maya kami sebuat sembiang intercessory tadi. Yes, I belong to the Intercessory ministry and we meet every Friday evening to pray for anything - the needs of the parish, communities, world peace, families, the sick, the priests and religious etc.. etc. We started the ministry in 2004, after attending the seminar given by Rev Father Vincent Lee, siku paderi katolik ari Singapore ke di beri Tuhan pengelandik bejaku lalu ari kuasa Roh Kudus, iya ulih ngiring kitai to conversion. The seminar called Sarawak Retreat, was like no other. The first time I went, I came back with a deep sense of spiritual renewal. It was awesome, it was life-changing and my family and I came back for more for consecutive years, so much so that Fr. Vincent teased us, nama enda masuk utai ke di ajar aku dulu suba pia, ku iya nganu kami. This is our 5th year in the ministry and aku agi mengkang rindu amat sembiang ke urang bukai laban maya ari bukai kitai selalu sembiang ke diri empu enggau diri sebilik, tang maya ari lima kami sebuat sembiangka urang bukai. Bup Kudus ngasuh kitai "to pray without ceasing" lalu Jesus empu madahka tiap iti sembiang sigi disaut Allah Taala. Enti kitai mensia ke bedosa nemu utai ke manah dipeguna anak kitai, lebih agi Allah Taala ke bekuasa nemu utai ke manah dipeguna kitai (Mathew 7:7-11).

Pulai ngagai jerita pengidup ke deka dikunsi aku, bakatu. Berengkah ari bulan satu taun 2007 suba, aku tak selalu ngelu pala. Tak asai ke nyerenggat isi bepun ari pegu datai ke punjung pala lalu start meh pala aku pedis. Suah ia pedis sepiak aja. Kelia aku sigi bisi migraine tang udah aku ke badu sekula aku nadai migraine agi. Nya meh enti aku pedis pala ba upis, maya enda ulih tat, tak betutup pintu aku gali, makai ubat, lalu muti angkat baru udah pemedis nadai di asai agi ketegal di penatka ubat. Meda bakanya Apai Maie lalu ngasuh aku peresa, tang aku enggai, legi beri lutor panadol tauka painkiller aja meh ku aku. Tang bc ari siti, balat amat aku pedis pala, nyau ka pitam. Nya meh aku lalu telefon Apai Maie minta anjung ke klinik. Silik ga aku diperesa Dr Lau, meda aku ke udah lama ngenatka diri bakanya, dia iya lalu ngasuh aku betemu enggau specialist, ngasuh aku CT scan. Clinical symptoms nuan ukai nunjukka utai ke jai ku iya, nuan enda nauseous, enda affected vision, tang manah kin, sekalika nuan ka ngagai Timberland tauka Normah ku iya. Aku pin setuju, nya alai aku lalu bekejang ngena flight tengah ari nya ngagai Normah laban aku sigi selalu berubat dia. Aku enggai di anjung Apai Maie, laban ulih ngadu kediri empu, ukai tak sakit raya ku aku.

Appointment aku pagi siti lalu sambil aku ke kin, aku lalu peresa tubuh mega. Aku di CT scan, udah nya mayuh meh utai bukai ke diperesa, darah ke diambi, udah nya lalu betemu enggau Dr Azizah, pakar sakit puan. Aku sigi peresa ba Dr Azizah belama tiap kali aku physical ba Normah. Udah nya mammogram, ia nya x-ray tusu. Pemadu begedi aku going through mammogram, iya ga pedis (dini enda, nyau penapat inat tusu dikepit, ari atas & baruh & ari tisi sepiak-sepiak), iya ga kitai topless, iya ga di asuh sida besengkauk ba pemegai ke lekat ba mesin, nyau baka kera asai aku. In my case tak dua kali aku di asuh sida iya going though the process. Nama sida tu bakatu ku ati aku, tak enda chun ngambar utai, enda mikirka trauma that I had to go through ku aku mut-mut dalam ati. Tudah indu Iban ke gawa dia manah amat, dini tudah ka ngasuh kitai pedis, iya pin bejalaika pengawa, tang nyepi utai ke pedis nyau kurang amat penyabar.

Aku tembu peresa nyau ngalih ari lalu sida ngasuh aku datai baru pagila betemu enggau bala lutor ke deka nerangka results semua peresa aku. Aku mulai kediri ngagai hotel. Baru datai aku di hotel, baru ka ngirup kupi enggau macha newspaper ba lounge, nyau memunyi telipon, urang indu, indu Iban ke ngadukan mammogram aku tadi, iya ngasuh aku tumu datai pagila laban ka di mammogram sekali agi, tadi enda terang ku iya. Au ku aku.

Pukul lapan pagi aku udah datai ba Normah, aku lalu di mammogram baru. Udah nya aku lalu betemu enggau bala lutor ke madahka aku results peresa, kelimpah ari a little bit anaemic, semua utai manah magang, nyengkaum CT scan, nadai utai menawa ba untak aku, puji Tuhan. Udah nya aku lalu betemu enggau Dr Azizah, iya lalu ngasuh aku duduk, lalu ngeso ka aku gambar tusu aku. Dia iya madah bc utai tumbuh ba tusu mua ari kiba, bc clump tang mit amat, nyau baka titik utai ke burak dipeda. Iya enda ulih temu ari gama aja, laban kelalu mit, ia muti temu ari mammogram. Aku lalu macha report radiologist, dia ia nulis ba report nya madahka clump nya "suspicious of maligancy". Tubuh aku pin lalu lemi, darah nyau berasai nurun kebaruh, aku lalu kesal, muti enda getar-getar. Dr Azizah madahka kena nentuka sekalika clump nya cancerous tauka enda, aku perlu di biopsy. Aku sigi enda kakang ga madahka diri ka biopsy lalu sida iya ngatur aku biopsy ari siti. Udah nya aku betemu enggau surgeon, Dr Goh. Aku lalu nanya, kati selalu cancerous utai ke bakatu? Dr Goh madahka aku anang irau, kadang-kadang benign ku iya.

Maya aku ke nganti sida ke nyendiaka papers & ubat aku, aku lalu telefon dadi & bala anak. Di dinga aku enda kesal munyi sida bejaku enggau aku, tang ke bendar iya ku sida iya nusika aku udah nya, nyau bendar ngenatka diri laban ka nyabak. Bala pangan cell group & intercessors lalu telefon, kedua sms, menyamai ati aku. Anang irau sanu, aku udah meh bakanya, tang in the end microcalcification aja ku pangan aku Pat. Siku agi pangan aku benama Pat mega madah, anang irau, ni enggi aku suba ke bc binjul ba pegu, enda meh cancerous. Sekeda pangan sms ke bible verses, kena merindang aku. Aku lalu sms ngagai sida iya, madahka "I am scared". Don't be scared Rita, ku sida, Jesus is looking after you right now, we will pray for you ku sida.

Indeed I was scared. The first lesson that I learnt is this, that no matter how strong your faith, penusah ke bakanya sigi ngasuh pengarap kitai beguyang. Ukai beguyang ketegal enda arapka Tuhan, tang beguyang laban takut, laban irau, nya meh baka ke enda pechayaka Allah Taala sigi nyaga kitai. After a while, I started to recite Psalm 23 dalam ati.."the Lord is my sheperd, there is nothing I shall want... even if I walk through the valley of darkness, I fear no harm, for You are at my side, with your rod and staff". With all the sms, phone calls and Psalm 23, aku slowly recover and udah semua utai tembu di adu, aku lalu mulaika diri ngagai hotel, nganti penatai dadi ke ngena flight pukul 4 ari Bintulu. Aku ngirup ba lounge lalu berandau enggau receptionist ke gawa dia, kena ngiburka diri. Enda lama udah nya dadi datai & lemai nya iya mai aku makai ba Ah Seng, laban nya enda jauh ari Crowne Plaza ke endur tua iya diau. Aku nadai tentu bc mood makai.

Malam nya aku enda tinduk semalam-malam. Aku takut. So the second lesson I learnt is this, utai ke balat amat ngenusah sigi laban kitai ke takut, aku ukai bc pedis tubuh maya nya deh, tang aku naka ia takut. Mayuh utai di pikir, kati ku dadi, bala anak, indai aku, bala menyadi, bala anak menyadi, bala ke sama gawa di upis.. enti amat kanser, kada dadi strong enough to go through the pain with me, kati ku bala anak agi mekang-mekang bedau tembu belajar, kelebih agi Igat ke baru Form 4.. Pia aku sembiang, pia aku nyaya ai mata. Di anti-anti aku peace to come upon me, di anti-anti aku penakut aku nyau, aku sembiang minta kasihka Allah Taala ngambi muai penakut aku, tang meh ukai Allah Taala enda nyaut, laban Iya nyaut semua peminta kitai, tang ketegal ke sigi bedau maya Iya nyaut, tauka sigi bc utai ke diasuh Iya asaika kitai dulu, aku enda nemu, keba ku Bup Kudus, our ways are not His ways, our thoughts are not His thoughts.

Ari siti 3 March 2007, it was a Saturday. Tumu tua dadi ke Normah, aku lalu dipasuk ke urang ba wad, dadi minta single room tang nadai agi laban wad penuh, nya alai di asuh sida kunsi enggau indu siku, nganti tengah ari legi bc kusong ku sida, enti nuan ka legi kami mindahka nuan. Enda ibuh ku aku, ditu tau meh, laban aku muti sari aja ba spital. Dr Goh madahka aku enti nadai complications aku tau pansut lemai nya mega. Udah begari ngena baju spital, aku di bai urang ngagai endur mammogram laban sida ka masukka dawai ba senentang clump nya, ngambika Dr Goh nemu dini endur mutong isi aku maya biopsy. Di jek sida ngena ubat penat aku, udah nya radiologist empu ngaduka prosidur nya. Nama deh, tak madai asai tusu, tak baka utai sengapa di enyak-enyak sida indu misi ba mesin, di ukir sida ngena pen kena ngelai endur clump. Nadai pemalu sepi aku, taja radiologist lelaki. Aku enda di asuh sida iya malik ngagai tusu, enggai ka luput meda darah, meda dawai ke dipasukka sida. Praise the Lord, aku berasai calm taja penakut agi remained at bay.

Aku tama ngagai operation theatre jam 12 tengah ari. Sebedau aku tama, dia indu misi lalu nanya aku, usual procedure deh, nanya ke nama enggai ka saru urang .. aku udah kala beputong appendix ba Normah suba nya alai sida bc rekod aku. Siku lelaki madahka diri anaestethist, lalu iya macha file aku. Oo, nuan former magistrate neh, agi biak amat nuan ku iya nganu aku. Apu, ku ati aku din, nyau baka ke sinu ke aku iya, as if tu amat-amat cancer ku aku. Keberai ai mata aku. Udah nya aku di bai tama ngagai ops room, enda lama aku enda nemu utai agi. Aku dani ninga urang nyebut nama aku, sepi aku tubuh chelap amat. Aku di bai pulai ngagai wad, tudah dadi nganti aku. Aku kasih amat meda dadi. The third lesson I learnt is this, tusah kitai ke sakit, tusah agi diri sebilik ke nyaga kitai. Sida iya ngembuan pengirau, penakut baka kitai, lebih agi sida perlu ngira mayuh utai, ngaduka tu, ngaduka nya. Nama kitai ke sakit, nadai perlu megai tanggungjawab agi, kitai ga sakit, tang tudah ke enda sakit nyau mayuh utai di ma.

Dr Goh madah results biopsy deka di temu dalam kandang seminggu. Ila iya telefon aku ku iya. Aku discharged jam 5 lemai, tua dadi pulai ngagai hotel. Maya ba teksi, nyau ngelu pala aku, asai ka mutah, laban agi bc effect ubat bius. Dadi mai aku ba lounge, ngambi ulih ngirup juice laban maya nya sigi cocktail hour. Tang meh aku nyau ngelu, nyau melusut duduk ba kerusi. Meda bakanya dadi mai aku pulai ke bilik. Manah bala sida ke gawa ba executive lounge, sida lalu nganjung utai dempa ke bilik. Di anjungka sida tusu, buah, juice, snacks. Enti madam ka makai bubur tau ngudar ku siku nembiak Bidayuh ke sigi selalu berandau enggau aku. Aku nadai asai ka makai utai. Apai Maie pia meh, enda makai iya, muti makai utai ke dianjung urang ke bilik tadi.

And the 4th lesson that I learnt, maya kitai di tuntung penyakit ke serius baka kanser, semua utai ba dunya nadai berega agi. Baju, barang kemas, rumah, tanah, semua pemisi nadai rega agi, muti mikirka Tuhan, muti begantung ba pengasih Tuhan.It was a time for deep personal reflection for me. I went through deep bouts of sorrow -sorrowful over my sins, over my lack of piety, for taking God for granted. As Maie said when she called me, "not that we want this thing to happen, mom, but the fact it happened during Lent is opportune, for not only you but the whole family to repent" That's my eldest daughter, ever so insightful. Yes, it was during Lent, 40 days of fasting, prayer and almsgiving for Catholics. Indeed, I responded, it was indeed opportune to respond to prophet Joel's call for believers to come back to the Lord, to rend their hearts and not their clothes (Joel 3:13). In Greek it is called "metanoia",a time for conversion and renewal, kitai ngesal ati ke penyalah kitai lalu pulai bebaik enggau Tuhan.

Tua dadi pulai ke Bintulu ngena early morning flight, it was a Sunday. Igat nganti di rumah, maya nya aku agi bc helper, kak Ros. Kami lalu ke pasar breakfast, ngagai tamu, act as if nothing, taja ngembuan penakut. Menyadi aku enda madahka indai aku mula, enggaika indai tekenyit. Maya aku ke operation, Jacinta meri offertory ba morning mass ngasuh Father Dominic sembiang ke aku. Father Dom mega nanya ka pemedis aku. Two consecutive morning iya sembiang ke aku. Enda puas ati iya bedau nemu nama penyakit aku ke bendar, iya telefon nagai Jacinta, nanya. Ukai ati kini Fr Dom, laban tiap kali iya sakit, masuk spital, kami menyanak ngabas belama, aku selalu mai ka iya bup pasal pengarap ngambika di bacha iya maya ia recuperate. Rindu iya di bai ke aku bup.Baka iya ke sembiang ke aku, bakanya mega kami intercessors sembiang ka iya maya iya sakit.

Malam Sunday aku muti ulih tinduk mimit, udah nya enggai tinduk, agi takut. Pukul 4 pagi aku lalu angkat, nyandih ba katil lalu nyapai rosary, aku besampi. Bakatu sekeda leka sampi ke di keingatka aku. 'Lord, I surrender myself to You, all my fear, all my worries, all my pain. Help me Lord, take away my fear, take away my worries. If I should have cancer, so be it Lord. I trust that You will heal me, although I am unworthy. I trust that You will care for my family, I trust that You will give me and my loved ones the strength to go through the treatments" I cried out to God, aku nyabak sikuk-sikuk, nyau enda ulih sembiang rosary. And at that very moment, after I surrendered myself to the Lord, He took away all my fear. To me it was a miracle, laban tekala nya ati aku nadai takut, nadai irau agi. Aku chukup gaga sereta meri terima kasih ngagai Tuhan laban Iya udah nyaut peminta aku.

Pagi nya aku gawa baka selama, pia kami gagau laban Menteri Dato Chan Kong Choy ka nemuai ngagai kami laban bc dialogue enggau bala customers kami. Nya meh chun amat, laban ke kiruh strategise utai ke patut disebut CEO maya nyaut complaint customers ba mua menteri maya dialogue, aku nadai mikirka pemedis agi. 8th March, jam 3.00 lemai kami baris ngambat menteri & maya ke nganti menteri datai, handphone aku memunyi, Dr Goh manggil. Aku lalu nyaut iya calmly, iya madahka nadai nama-nama nuan Rita ku iya, it is not cancerous ku iya, nya microcalcification aja, legi aku fax results biopsy ngagai nuan ku iya. Aku lalu nelai dadi ke bediri enda jauh ari aku, tua sama senyum, iya nabi aku, aku uttered a silent prayer, thank you Lord, thank you Lord, ku aku.

Nya meh bala pangan, esp bala indu, anang enda mammogram kitai laban enti bc utai menawa agi mit, enda ulih temu ari breast examination tauka ultrasound, ia muti ulih peda ari mammogram. Diatu perintah malaysia bc subsidise kos mammogram, muti mayar RM50 aja. Enti ba private hospital, enda bangat mar, b/w RM150-RM200 aja. Manah ia enti kitai mammogram tiap taun, ngambi bejaga.

Udah aku ke ngasaika penusah nya, aku lalu research ba internet senentang breast cancer. Cell ba tusu kitai sigi berubah enggau umur, sigi nyadi abnormal penumbuh cell. Kedua nyadi cancer, kedua nyadi ductal hyperplasia aja, tu ukai cancer. Nya meh urang ngajar anang makai kasam (urang bidayuh mayuh sakit nose & throat cancer laban udu makai kasam), anything preserved laban bc carcinogen. Dagin ke di bbq, balat agi isi ia angus, balat agi hydorcarbon dia ti tau ngasuh bulih kanser. Sudan ke pulai chuti krismas tu kemari madahka aku sida udah belajar senentang kanser, lalu mayuh amat utai di empa kitai ngembuan carcinogen ke tau ngasuh kitai sakit kanser. Sekeda nya pemakai ke dikerindu ka bala anak, baka peanut butter - ia ngundan aflotoxin, jai amat. Sudan nagang aku meli glazed cherries, laban bc carcinogen ku iya. Pokoknya, munyi ku pangan aku apai tuai Jawa ke bejanggut, anang makai utai ke enda fresh, exercise selalu, kurangka makai dagin. Sama-sama meh kitai bejaga, ngintu pengerai diri empu. Enti bc tips bukai, tau madahka pangan diri ngambi sama ngamalka nya.

Tell your mother, tell your wife, tell your sister, tell your friends to go for mammogram!

Reading, my passion

I must have caught the blogging bug, how else could you explain that I am now blogging again after 2 hours from my last posting. Hmm..tambah ulih laun tinduk & laun dani pagila laban public holiday (awal muharram) & enda perlu tumu angkat nyendiaka breakfast & lunch Igat.. best amat..

I was dusting my shelves & books some time ago and it gave me an idea of what to blog about, to share my passion with whoever is interested to read my blog. I took pictures of my mini library and dadi ngumbai aku tuyu, abis utai digambar. Pia iya ngumbai aku tuyu, ka ga iya upload gambar ke aku. Sayau ke aku meh nya. Aku enggai kiruh enggau urang ngaduka gadgets di rumah, enti aku ka print & printer bc menawa, aku rauh-rauh minta tulung urang. Enti streamyx nadai connection, rauh-rauh aku ngasuh urang ngecheck ke aku. Semua utai technical, aku sigi enda kiruh enggau urang. Enti urang mut-mut nganu aku, aku bc standard answer, "nya utai ke enda temu aku, enti aku nemu enda aku ngasuh kita, sapa agi di asuh aku deh.." Mut-mut ga urang, tang sida iya ngadu utai ke aku. But back to my story, tu nah gambar collection bup aku.

My collection of religious books

The girls' collection

My collection

My collection - classics

Bup ditulis favourite aurhors aku



Collection bup bala anak, meruan disimpan.

I just love reading. I started the habit early in my childhood years, when I was about 9 years old. I have my eldest sister, Jacinta (she's a retired teacher) to thank for as I developed my reading habit after reading the books she took home for the school holidays. I started with Women's Weekly, a thin novel of jerita cinta, kenu ku ini Sudan kami. Ini Sudan enda entu rindu meda aku & my cousin, Mary, macha laban kami di peda iya kadang-kadang telunga-lunga enda mela ketegalka macha. Nya meh maya indai Lutong nanya ini Sudan nama pengawa kami, ini Sudan lalu nyaut, "anang ngiga, di bilik sida iya, macha jerita cinta!". Once Dian came to visit and I was in Form 5 then and Dian asked about my studies & told me to study hard. Sebedau aku ulih nyaut, Ini Sudan dulu nyaut enggau penuh geram, ku iya, "macha amat macha iya, tang meh macha bup cinta!" Thank God Dian nyaut Ini Sudan bakatu, "bup cinta nadai ngawa, tau dibacha magang". Rega siti bup WW muti RM1.10, affordable amat for a longhouse kid, so aku nyimpan pocket money tiap-tiap minggu & tiap-tiap minggu enda miss ari siti bup dibeli aku.

Kena nambahka utai dibacha, aku sigi nginjau bup tiap minggu ari library sekula - aku sekula Form 1 to Form 3 ba SMK Subis, Batu Niah. To be expected, the library had a meagre collection but at the time quite adequate for me. I read anything - from children's folk tales by Hans Christian Andersen to crime mysteries by Agatha Christie,including novels by Indonesia's well-known writers such as the late Pramoedya Anantatur. Maya nya mega aku berengkah macha bup Mills & Boon, ke dibai Tuai pulai chuti.

Udah aku masuk Form 4 & 5, di Lutong, aku bepangan rapat enggau pangan baru, baka sida Doris Sophia Brodie (indu politik PRS), Roslind Vincent (diatu iya diau ba Bintulu, tua iya selalu betemu laban sama gerija)Ho Chee Foon (indu China ari Miri), lalu semua sida tu rindu macha Mills & Boon. Kami lalu besilih injau bup, lalu pia mega beinjau-injau bup ari bala sida junior kami baka sida Roslind & Flavia Kandau.

In the late 70s Tv program bedau canggih baka diatu, video bedau bisi, nya alai sigi bup meh dibacha kena merindang ati. Aku macha Mills & Boon and period romance ba Form 6 - bakanya mega, bala kami sepangan (Doris Bilal, Jane Donald, Nancy Bijam) besilih injau bup. I was lucky I got spare bucks to spend laban aku bulih scholarship ari Bank Negara (maya nya tiap taun Bank Negara meri scholarship ngagai dua iko bumi students di Kolej TDPTHB based on the Form 5 (MCE) results and for that year, aku enggau anak kelabit siku benama Edith bulih scholarship nya). I received RM80 each month - that was a lot of money in those days and I spent most of it on books. Munyi ku jaku sida anak, bahagia amat aku, tau enda makai, asal meh bc bup dibacha.

Iya ke paling ngasuh seronok (ngupi jaku sida anak baru)nya udah macha aku lalu berangan-angan, aku baka character (selalu heroine ke diidam-idamkan)ke dibacha, aku makai utai ke enda kala dipeda, disepi, aku raun ngagai London, Paris, Amsterdam, Las Vegas, San Francisco, Rome, Zurich, Sydney, mandi ba pantai di Hawaii, aku gawa di opis mangku pengawa besai, bisi kerita, bisi rumah lawa, hero nya boyfriend aku....endless...angan-angan.

Now here's the important lesson I want to share with readers, and if you would, to tell your children: aku nyadika angan-angan aku nyadi motivator ngambi belajar bendar, ngambi utai ke diangan-anganka aku tau nyadi nyata. I never, ever entered the exam room without revising all chapters at least three times. Lima enam kali bc meh, enti utai nya enda tentu temu aku. And praise the Lord, mayuh utai ke diangan-anganka aku, utai ke dibacha aku dulu suba udah nyadi nyata ba aku.

Aku angan-angan nemuai ngagai Paris, meda Eiffel Tower, ngirup ba sidewalk cafe ba Champs Elysees and angan-angan tu nyadi nyata ba taun 1988 maya dadi bc attend seminar ba Marseille & aku & Maie enggau iya (Maie baru berumur 2 taun). Nama deh, aku enda chamang-chamang ngirup ba side walk cafe semak Champs Elysees, pait amat kupi di irup (dini enda, iya ga expresso, suba enda tentu nemu mida ke jenis kupi, ukai baka diatu. Munyi ku sa anak, suba ga jakun). Aku gaga amat laban at last bc peluang meda painting ke tebilang, ke suah disebut dalam sekeda bup ke bacha aku, ia nya Mona Lisa ba museum di Paris ke dikumbai urang Louvre. I've been to Paris three times since then, the last was in 2001 maya dadi & aku mansang ngagai Lourdes, on a pilgrimage.

Aku angan-angan ka London, and I've been there four times, nemuai ngagai endur ke di bacha aku ba bup, makai fish & chips, sheperd's pie, baka dalam bup. Aku mega nemuai ngagai Stonehenge & Baths, ngenataika angan-angan aku udah bekau aku ke macha pasal tugung batu ba Stonehenge. Dataika diatu aku chukup iran meratika ari ni, bakani urang kelia ngangkut & nusun batu ba Stonehenge.

Aku angan-angan nepan feri to cross the English channel (suba ga bedau bc Eurotunnel), and angan-angan tercapai. I could experience nama utai ke dijerita dalam bup, nepan feri.

Aku macha pasal pemanah sungai Rhine, pemanah babas di Bavaria and kami menyanak chuti ke Germany in 1998. In 2001, aku enggau dadi ke bc official duty ke Frankfurt & Dusseldorf. Makai bratwurst naka pemesai, maya dadi gawa aku kediri bejalai semak hotel, tiap pagi aku enggau mass laban bc gerija semak hotel.

Aku mikir bakani asai clam chowder ke ditulis dalam bup, and I got to taste it in 1992 when I went to Canada on official duty. Aku begulai enggau GM kami suba enggau bala pemesai ari Ministry of Transport nemuai ngagai Ottawa, Montreal & Vancouver on a fact-finding mission and ba siti fishing village benama Squamish, I had my first taste of clam chowder and halibut steak.

Ba Ottawa mega aku tetemuka siku agi writer ke dikerinduka aku, ia nya Judith Mcnaught. Aku ngagai convenience store ke semak hotel endur kami diau, sigi ka meli bup ngambika dibacha ba hotel. Datai aku din, aku lalu milih bup, udah nya tepeda ka bup betajuk "Paradise" ti bisi di sempulangka store owner ngena notis "Recommended". Meda bakanya aku lalu meli bup nya, lalu macha, enda tinduk semalam-malam dataika pukul 3 pagi laban ka nembuka bup nya. Nya meh aku ari Ottawa ngagai Montreal, Vancouver udah nya kami ngagai Hawaii, nemuai ngagai Matson Container Terminal (maya nya kami baru ka ngaga container terminal and GM ka meda gaya terminal din). Nya meh ba the whole visit (lebih seminggu), aku ngumpul bup Judith Mcnaught. Ba Honolulu aku meli 3 iti bup Judith Mcnaught ba mall ke dikumbai Mauna Loa. Bahagia amat aku macha bup sepemanjai visit. Ba bilun urang meda TV, sekeda berandau, sekeda tinduk, aku tembu macha bup, ngirup wine, makai nuts. Bc ga sekeda urang macha bup baka aku, kelebih agi urang kulit burak. Thank you, Lord, for those great times.

Aku angan-angan nemuai ngagai Rome, meda Trevi fountain. Kenu ku jerita ke dibacha aku, enti dik udah kin, you are going to come back again. Angka amat utai ku sida, laban aku udah 3 kali ukai semina ke Rome tang ke Italy, the first in 1995 and the latest in 2006 maya aku mai indai aku raun kin & in 2003 kami sebilik pilgrimage sampai ngagai Assisi. Sebugey sms aku, ngasuh aku makai gelati (ice cream di Italy), nama deh makai meh kami, tang best agi sepi aku ice cream di New Zealand, aku enda ingatka nama. And dadi & aku ngirup Chianti.

Aku macha pasal Venice & angan-angan nepan gondola & nemuai ngagai bridge of sighs and I've been there twice.

Aku macha senentang pemanah rampa menua Switzerland, Lake Lugano, the Swiss Alps and naka iya aku ngarapka diri ulih kin. Angan-angan nyadi nyata, dua kali aku kin, sekali tua dadi, sekali kami menyanak maya tour ke Europe ngena Reliance Tour.

Aku angan-angan nemuai ngagai Sydney harbour, ka meda Opera House ke ditusi dalam bup, ngagai New Zealand meda bala Maori ngajat war dance, makai hangi feasts, nimpai beautiful lakes and kami sebilik begulai enggau two families chuti ngagai Sydney, Rotorua, Auckland, in 1997. Harbour cruise meh kami di Sydney, standard tourist item. Meli mangga bekutak baka ke nadai ditu, sanggup mai utai berat. Ketenguk amat ka meli dried flowers ba NZ, tang nya banned item suba, enggai ke ditangkap Kastam, nya alai enda. And kami ngirup & bebelika wine di Sydney.

Aku mayuh macha bup di tulis Janet Dailey agi biak kelia, iya mayuh nyerita ka pengidup ba ladang jelu ke ditupi & aku udah ngasaika utai ke dijerita iya ari penemuai kami menyanak ke Texas taun 1994 suba - we went on a night hay ride, stayed on a ranch, nunu marshmallows, bbq dagin, sosej naka pemesai ba ladang jelu di Texas. Dadi nyaga operations maya nya and iya perlu inspect equipment ke dibeli kempeni kami, digaga di Longview, Texas. Kami menyanak ikut. On the way back ngetu ba Los Angeles mai bala anak nemuai ngagai Disneyland. Disneyland enda masuk ba angan-angan aku, tang Tuhan meri peluang kin, puji Tuhan. Bala anak ringkak-ringkak gaga. Indai tembu ka begaya, apai tembu megai kamera, ngambi gambar. Enda tau enda ngagai Escada hotel begambar ba mua dia, laban nya endur tukis Pretty Woman digaga, naka pengerindu meda movie nya suba..hai.. maya agi biak suba. Last stop kami ngagai Honolulu, nemuai ngagai siti kempeni ke benung negotiate enggau kami. Sekali tu amat mandi ba Waikiki beach, nguluka bala anak. Gaga sa anak.

Aku macha senentang Golden gate bridge, the famed Japanese garden, the trolley tram ba San Francisco & maya dadi belajar ba UCLA ngambi advanced management course in 1996, kami duai sempat nemuai ngagai San Francisco & Las Vegas maya weekend. Nya meh meda endur urang ke nikah secara expresso di Las Vegas, munyi ke ditusi dalam bup.

Maya aku ba universiti, aku enda entu ulih macha bup jerita laban semampai mayuh utai dipelajar dibacha. Tambah mega sigi seruran macha law reports, nyau ka tiap ari, laban enti enda macha law reports kami enda nemu rasional tauka pemutus chara siti-siti kes.

Udah aku gawa, aku macha baru tang kalimpah ari jerita cinta, aku macha Times, Newsweek, Readers' Digest (enda tau enda, sigi meli tiap bulan).Udah nya aku lalu berengkah macha macham-macham bup, ari bup pasal pengarap ngagai bup thrillers. Aku rindu macha bup ke ditulis Sidney Sheldon, Tom Clancy, Nicholas Sparks, Paul Coelho, Jeffery Archer (aku berengkah meli bup iya udah iya di jel), Robert Ludlum, Frederick Forsyth, Stephen King, David Baldacci, John Grisham, Kathy Reichs, Patricia Cornwell, Michael Crichton, Erich Segal, medical thriller writers (Michael Palmer, Robin Cook),Jodi Piccoult (very heartwarming stories) Judith Mcnaught (you will believe in the power of love, of love so great, so intense) Nora Roberts, Sandra Brown, Iris Johansen, Jack Higgins, Jane Austen etc..

Diatu nitihka pengawa, aku macha mayuh management books, kelebih agi senentang strategic management. Collection management books aku disimpan aku di ofis, ngambika nyamai di refer maya ke ngaga pengawa. Aku bahagia amat munyi ku sa anak laban diatu bc bookstore Popular di Bintulu & ia bc nyual latest books. Nyamai meh, enda aku perlu nganti aku travelling maya meli bup.

Enti aku rindu ka penulis nya, aku sigi meli bup ke ditulis sida iya, di anti aku pungka sida iya ngeluar ke bup baru endur aku meli, nya alai aku umbas iya ga bc nyimpan hardcover books, laban ke berumban ka macha. Dadi iran amat, nama enda tanti ka meli paperback, tang between my two daughters and I, kami tiga sigi ngemenuhka jemari buku. I inculcated the reading habit ba bala anak, and they love reading since Pry 1(altho Igat kurang agi macha, ia muti ka macha utai non-fiction, bup fiction ke rindu di bacha iya bup Nicholas Sparks & Dave Peltzer). My daughters have a collection of their own and their Enid Blyton, Famous 5, Sabrina, RL Stine, Anthony Horowitz, Buffy books agi mengkang disimpan datai ke saritu, angan-angan kami menyanak ngambika dibacha bala anak sida iya ila. God willing, weather permit ku lecturer Gurcharan Singh Khera ke ngajar sida dadi ba Econ faculty di UM kelia.

Pia mega enti aku bejalai ke menua tasik, aku sigi enda miss ngiga kedai bup. Taun 2006 kemari aku ngagai Mumbai, naka pemurah bup din laban market sida iya besai & reprint ba India empu. Nya meh aku meli management books ke ditulis sida Peter Drucker, Jim Collins, Prahalal. Sekali aku ngagai London, bc ngagai kedai buku, enda tentu besai, ba corner tang nasib amat sida iya bc bup ke dijual ngena warehouse price, muti 1 pound siti, nya meh aku ngangkut bup classics - bc digambar aku di atas (sida Jane Austen, Bronte). Naka penguntung aku. Aku rindu amat macha Pride & Prejudice, bekali-kali aku macha, meratika leka jaku ke dikena sida. Nya meh berentak aku meda movie Pride & Prejudice, iya ga Keira Knightly bajik amat dia.

Diatu aku macha bup for pleasure, enda angan-angan agi.

So tell your children of the power of books to inspire, to dream big dreams, and to drive those dreams. It worked with me and surely for many other anak rumah panjai bukai, nyengkaum bala ke sama berblogging. Paul Coelho nyebut utai munyi tu, if you want something so badly, the universe will conspire to ensure that you get what you want. Believe in God, believe in yourself.

Belemai enggau bala pangan lama

Pagi kemari tua dadi enda breakfast di rumah, nya alai tua iya ngetu ba Farley, ngirup dia dulu. Benung aku dia, datai Intai Tap, sigi pangan lama aku ari taun 1987 kelia, maya kami sama-sama numbuhka SIDS. Indai Tap mai bas sekula, iya kala nyadi kepala gerempong bas sekula ditu. Indai Tap sigi landik amat ngasuh kitai ketawa, enti tua iya betemu sigi nadai nemu nadai jerita iya ngasuh ketawa. Nya meh enti tusah ati, tau kanggau ke iya, laban iya nemu amat ngiburka kitai. Thank God laban bisi pangan ke bakanya. Indai Tap geduk, jauh lebih geduk ari Sebugey, tang iya enda bedulika diri geduk, iya tetap well-dressed belama, tetap bc make-up.

Tua iya lalu besalam-salaman munyi ku laut, lalu betanya berita, lalu aku ngasuh iya mai bala pangan lama ke bukai datai ke rumah, agi mayuh biskut Xmas aku u, ku aku nganu iya. Tengah ari iya lalu sms aku, madahka iya, Ala, Amoi & Kedebu deka ngabang pukul 8 malam. Aku lalu sms ok, tang aku nanya sapa ke dikumbai iya Kedebu. Aku sigi bc ati nyangka nya nama tundi pangan kami siko, chun amat description iya, nya aku malas sms nundi iya, "sapa kedebu nya u. nyamai amat kedebu di pakai, Cina ngumbai ikan kedebu ikan paloi". Iya lalu confirm sapa bagi pangan kami ke ditundi sida ngena nama kedebu, iya lalu madah "dik anang nyebut ba mua iya u, enti enda manah angin legi enggai ke ringat" ku iya. Sida sigi selalu ngaga ke pangan diri nama, muti aku enda digaga ke sida nama (nya meh faedah nyadi kepala SIDS, dikanggau ke urang "madam". Maya agi mit suba enti Igat ka enggau aku mindah ngantu aktiviti SIDS, iya lalu ngelobi munyi tu, "enda urang nganu nuan mai aku Mi, nadai hal nuan mai aku, laban aku kan anak madam", ku iya. he he).

Pulai aku gawa lemai, aku lalu berumban-rumban nyendiaka utai dipakai kami. Aku lalu sms Nuai & Idu, ngasuh seduai datai mega. Jam 8 malam, apai Maie lalu keluar,"eh, nadai aku ka ninga bala kita chapoh ketawa legi" ku iya. Igat tuition, nya meh kami had the house to ourselves.

Rindu amat betusi ke jerita, bekenangka diri jauh amat ubah diatu enti dibandingka enggau maya agi biak suba. Kami sama-sama nusi diri selalu tinduk tumu enti nadai pengawa lemai, bekenangka exercise, diet, bakani urang ngintu tubuh & pengerai, jerita pasal bejual pemakai, pasal bedagang, pasal politik. Udah nya nusi bala diri sebilik, nusi pasal laki, penyakit, Ala & Muk (tu nama Indai Tap digaga kami, iya pin ngumbai diri empu Muk) nusi jerita uchu seduai. Ala bc 7 iku uchu, Muk bc siku, Idu bc 1. Ala landik amat belagu, nyau begema-gema nyawa iya enti iya belagu. Udah nya bc ga siti dua jerita sensasi terkini di Bintulu ke enda temu aku ditusi sida. Sebut ngena jaku lembut, nusi jerita pendiau urang meh nya, sebut ngena jaku ke bendar, begosip meh kami nya.

Maya aku ke nulis tu, sigi amaze aku ke pemayuh utai dikenang kami ari pukul 8 datai ke 10.30 malam, diselit-selit ka enggau utai ngasuh ketawa. Tambah mega kami dibai aku ngirup pelincir mimit, ngirup Hardy's cabernet sauvignon & udah nya ngerampit Jack Daniel apai Maie.

Bc pangan kami siku, iya diau ba rumah panjai diatu laban laki iya polis, diatu udah retire,nama iya indai Man. Indai Man tu lumor satu luchu, sekali kami ke Saratok, enggau urang ngerami SIDS din (bc 10 taun ti ke udah)& kami bemalam ba rumah panjai sida Ala, nya kami nyau enda tinduk semalam-malam, aku nyau abis tekemi ninga jerita indai Man. Indai Man nusi utai ke nyadi ba diri empu. Iya udu amat latah, udu enda ingat ke utai, nya meh iya mayuh jerita.

I really had a good time with my old friends last night. We had real good laughs. I promise myself to rekindle old friendships this year, to visit old friends or invite them to come over to my house. I realised I have been too preoccupied with work, church activities and my personal life over the last five years that I had little time to cultivate new friendships and maintain old ties. This year I want to balance my personal life and working life, to share the joy, tears and laughter of friends as much as I will let them share mine.

Thank you Lord, for those friends. Teach me Lord to love as you love. Amen.