Empai lama tu kemari tua dadi nemuai ngagai sida apai Kumo, nunga bala ke bisi datai ari menua. Sigi baka sida sekaban, ma begempuru sigi nadai jerita bukai, ngenang sawit aja. Diatu bala anak menyadi, anak petunggal dadi ke gawa di Bintulu sama besawit magang, nya alai sida gagit amat. Urang di menua pin gaga laban ari ke besawit bala anak suah agi pulai ke menua, meri penampak ngagai pengidup sida.
Lebuh ke berandau, Bakar (au, anak apai Bakar ke lelingut nya meh) lalu nusi tanah ke diungkup apai enggau indai iya ke seduai apai Cassie berimbai enggau pendam. Sekali lebuh sida biak suba kala sida me-indai-indai lari meda utai ta guyap-guyap semak babas mua ka pendam. Nemu nya tudah niang apai B, ngiga daun sabung semak nya. Apai B enggau indai B benung ngumpul buah engkabang. Seduai nadai nemu takut ku sida, seruran ta bemalam sebelah tanah. Ma ka tinduk seduai ngelamun tubuh enggau buah engkabang, ambi enda empa nyamuk!
Sida pin lalu mulaika pengingat, bisi lebih 10 taun ti udah, sida sekaban begau pulai ke menua tengah malam laban indai B udah lelang kenu ku urang di menua. Sida sekaban di Bintulu lalu begau, datai ngagai rumah kami, baum ka pulai. Siku ari sida nadai minyak, nyu ulih ngumpa minyak ari kerita kami ke siti, namaka ngagai tangki kerita ia. Maya nya stesin minyak enda buka 24 jam baka ke diatu (nya alai dadi enda ngelak ka kerita nadai minyak, enggai ka tusah ka ngesah urang di menua ku iya. Taja diatu bisi stesin 24 jam, dadi mengkang enda ngeleka ka pengawa ti bejaga-jaga bakanya).
Datai di menua, sida lalu ngagai langkau kebun apai B, seduai melaki bini diau di kebun laban nanam sawit. Apai B nusi seduai melaki-bini bisi becheregay lemai nya, nya alai indai B lari. Abis sebelah madang sawit enggau umai seduai di tujah sida malam nya, rauh-rauh nganggau, tang lalu enda tetemuka indai B. Nyu dini ari bedau ga indai B temu, nya alai sida ngetu, lalu berunding ngiga baru pagi siti. Laban ke nyau lapar, bala pin lalu bebela, munuh serati. Nyu makai meh sida dini ari nya. Ia enda lama udah nya, urung pukul 4 pagi, peda ta nyunggah indai B. Urang pin lalu nanya iya, kini nuan tadi, ku urang. Peda ta enda tentu stidi jaku enggau pejalai indai B, iya lalu nusi diri baru pulai ari langkau ini Yi, ngirup tuak din ku iya. He he he, uhang ke digiga nyu happy hour dataika dini ari!!! Pama bintis manuk indu kami nya!!!
Tembu nusi jerita apai enggau indai B, sida lalu ngenang pendam lama sida di ai Dijih, naka pengerepa ku jaku. Takut mansa diatu ku sida. Udah nya Bakar lalu nusi baru ga jerita L ke mansang mukat enggau nginti ba tebing ai semak pendam di Sg Dijih. Ka geli-geli L ke nginti kia, tang iya ka kia laban dia mayuh ikan. Endur iya ke mukat melakangka pendam lama. Baru ka ngenan pukat, dia L lalu ninga urang nganggau ka iya, nyebut nama. Antu!! pia ku L, iya pin lalu lari enda be apai enda be indai. Utai di tinggal ka iya magang. Datai di rumah iya lalu madah ngagai entua iya, ku iya
'apu apai, enda lama agi mati aku laban antu udah nemu nama aku'.
Sida sebilik pin lalu besudi, ngambi semengat L. Apin lama udah sida ke besudi, L betemu enggau apai tuai siku ke dikelala iya, apai tuai nya diau enda jauh ari rumah panjai sida. Ku apai tuai nya nganu L, ia nama kebuah nuan ta lari maya aku nganggauka nuan sari nya, aku ba puchuk kayu enda jauh ari nuan ke nginti. Aku nginau babi meda balat amat bekau pelangkan dia ku apai tuai nya. He he baru la L nemu ukai antu ke nganggau ka iya, tang mensia!!! Aku lalu lekik-lekik ketawa... amat pahai kitai enti antu udah nemu nama...
Lebuh ke berandau, Bakar (au, anak apai Bakar ke lelingut nya meh) lalu nusi tanah ke diungkup apai enggau indai iya ke seduai apai Cassie berimbai enggau pendam. Sekali lebuh sida biak suba kala sida me-indai-indai lari meda utai ta guyap-guyap semak babas mua ka pendam. Nemu nya tudah niang apai B, ngiga daun sabung semak nya. Apai B enggau indai B benung ngumpul buah engkabang. Seduai nadai nemu takut ku sida, seruran ta bemalam sebelah tanah. Ma ka tinduk seduai ngelamun tubuh enggau buah engkabang, ambi enda empa nyamuk!
Sida pin lalu mulaika pengingat, bisi lebih 10 taun ti udah, sida sekaban begau pulai ke menua tengah malam laban indai B udah lelang kenu ku urang di menua. Sida sekaban di Bintulu lalu begau, datai ngagai rumah kami, baum ka pulai. Siku ari sida nadai minyak, nyu ulih ngumpa minyak ari kerita kami ke siti, namaka ngagai tangki kerita ia. Maya nya stesin minyak enda buka 24 jam baka ke diatu (nya alai dadi enda ngelak ka kerita nadai minyak, enggai ka tusah ka ngesah urang di menua ku iya. Taja diatu bisi stesin 24 jam, dadi mengkang enda ngeleka ka pengawa ti bejaga-jaga bakanya).
Datai di menua, sida lalu ngagai langkau kebun apai B, seduai melaki bini diau di kebun laban nanam sawit. Apai B nusi seduai melaki-bini bisi becheregay lemai nya, nya alai indai B lari. Abis sebelah madang sawit enggau umai seduai di tujah sida malam nya, rauh-rauh nganggau, tang lalu enda tetemuka indai B. Nyu dini ari bedau ga indai B temu, nya alai sida ngetu, lalu berunding ngiga baru pagi siti. Laban ke nyau lapar, bala pin lalu bebela, munuh serati. Nyu makai meh sida dini ari nya. Ia enda lama udah nya, urung pukul 4 pagi, peda ta nyunggah indai B. Urang pin lalu nanya iya, kini nuan tadi, ku urang. Peda ta enda tentu stidi jaku enggau pejalai indai B, iya lalu nusi diri baru pulai ari langkau ini Yi, ngirup tuak din ku iya. He he he, uhang ke digiga nyu happy hour dataika dini ari!!! Pama bintis manuk indu kami nya!!!
Tembu nusi jerita apai enggau indai B, sida lalu ngenang pendam lama sida di ai Dijih, naka pengerepa ku jaku. Takut mansa diatu ku sida. Udah nya Bakar lalu nusi baru ga jerita L ke mansang mukat enggau nginti ba tebing ai semak pendam di Sg Dijih. Ka geli-geli L ke nginti kia, tang iya ka kia laban dia mayuh ikan. Endur iya ke mukat melakangka pendam lama. Baru ka ngenan pukat, dia L lalu ninga urang nganggau ka iya, nyebut nama. Antu!! pia ku L, iya pin lalu lari enda be apai enda be indai. Utai di tinggal ka iya magang. Datai di rumah iya lalu madah ngagai entua iya, ku iya
'apu apai, enda lama agi mati aku laban antu udah nemu nama aku'.
Sida sebilik pin lalu besudi, ngambi semengat L. Apin lama udah sida ke besudi, L betemu enggau apai tuai siku ke dikelala iya, apai tuai nya diau enda jauh ari rumah panjai sida. Ku apai tuai nya nganu L, ia nama kebuah nuan ta lari maya aku nganggauka nuan sari nya, aku ba puchuk kayu enda jauh ari nuan ke nginti. Aku nginau babi meda balat amat bekau pelangkan dia ku apai tuai nya. He he baru la L nemu ukai antu ke nganggau ka iya, tang mensia!!! Aku lalu lekik-lekik ketawa... amat pahai kitai enti antu udah nemu nama...
6 comments:
hahahaha naka meh ti antu nemu nama kitai ney!
akai bendar tuchum kediri ngenang bala ke begiga ke indai B sekali nemu kaban ngemendarnya happy hour akaiiiiiii
hahahah rindu amai maca crita nuan tuk Aunty..nyau baka crita sida dalam tibi.
Tudah L ni enda takut..antu nyau ngelala haha..mati kitaii
Kelalu takut ke antu, nyu nyawa mensia dipelabaka nyawa antu ngangau! Hehehahahahaa! Mali bula, enda kala aku meda antu, sigi enggai pen, takut!! Tang ipar aku madah diri kala meda antu puchung lebuh ke romantik duduk ba tebing tasik. Iya amat bisi pendam lama sida laut semak nya! Hehehehh. Beguai meh seduai menyadi aku lari ke antu!
Hi wai Lily, endu Debbie & Dor,
Aku kala ninga urang nusi meda mata antu, etc tang tu baru keterubah aku ninga urang nyebut antu udah nemu nama, nya alai ka ngambi kaban!! Lama aku enda ketawa dataika belai mata, tang malam nya nyu belai mata aku ketawa!!!
Hahahaha.... Sapa enda takut nti ninga utai baka nya...
Nti aku, gerenti enda beapai-indai aku belanda ngerembang babas...ka ngidup ke diri kenu. Kada nda luput tengkering aku diak...hahaha
Hi Chris,
Aku bisi jerita antu baru, ulih aku ke pulai ari rh panjai ujung minggu tu tadi. Ila becherita baru!
Post a Comment