Aku tu bedau ka tindok, benung diau ba meligai di tebing tasik ba negeri di bawah bayu. Datai lemai tu tadi, di asuh urang ninga ka urang bejaku pasal oil and gas: tu pengawa aku enggau bala bukai ke ngulu conference tu pagila di Magellan Sutera- begari gap, bemakeup (enda chun makeup nda gawa nya Mau) duduk jenuh, ma ka mansutka penemu tauka bisi utai ditanya bejaku, ma enggai tak mending aja, ma urang ke bejaku enda landik narit pemerati kitai ke ninga alu bepangan enggau blackberry ga kitai (sori kih, nemu aku bendar kita nyendiaka paper) anang aja bisi urang ngambi video nangkap ulah kitai. Ujung taun tu kemari aku bisi ngulu Energy Week conference ba BCCK di Kuching, bisi nangkap gamal kitai, di ayanka video feed ngagai urang mayuh maya urang ke bejaku. Sigi bisi dipansa meh, peda ta dunga-dunga gamal kitai pansut ba skrin di mua din, ngachau amat, nyu mereti amat ngaga pendiau, enda alah ta dipeda urang rangap-rangap tinduk, tauka tuchum kambin kediri beblackberry. Maya ngetu ngirup betemu enggau pemesai siku, menteri iya suba, lalu nabi, au bisi nuan sanu ku iya, nya aku meda gambar nuan ba skrin tadi, ku iya. Alamak, nasit aku enda dadak tadi ku ati aku, enti enda nyu ngemalu apai indai, diri sekaban, diri sebilik, bala bos enti aku tak hangap-hangap. Enti kitai empu malu enda ngawa, keba anang enda mereti, urang nganjung kitai kursus ngambi nambahka penemu, kitai nyu enda mending utai ku urang. Tapi bang, kadang-kadang banyak bosan la..he he uji enti kitai di asuh urang bejaku kati asai kitai ma urang ngumbai kitai memboringkan, nda ensiban ati kitai. Ga ia, pagila mereti ke dik Jumau, pending amat ka jaku Musa Aman, jaku urang ke ngajar. Amat munyi ku anak menyadi aku, study high high stupid never finish.
Au, nampung utai ti disebut aku tadi, ma chukup maya ngirup, dah nya makai, dah nya lemai pagila bisi gala dinner, maya ngirup enggau makai kitai be networking. Baka manuk nitir-nitir kitai milih raban endur nabakka diri berandau. Dah nya mindah ga ngagai raban bukai, bakanya baru ga, nitir-nitir. Kaban aku ke sama ari Bintulu ke ngarika kempeni iya empu sama ketawa bekenang ka kebuah kami ke kitu, di asuh kempeni makai angin enggau rileks pia ku kami betundi. Tang nya jaku tundi aja, enda bakanya ia, sigi naka ulih dua ari tu ila mupu penemu enggau nyidi berita laban nya utai ti dipeguna.
Nyidi berita nya ke ka tusah-tusah, laban urang enda entu ka madahka berita ka sensitive ka bisnes sida kelebih agi future plans, kitai ke nanya pin enggai ga entu madahka kebuah kitai ke beguna berita sida, enggai ka urang nemu langgur projek ti ka digaga kitai. Bendar amat ngelalau diri dalam ati ngambi enda nyebut utai ti enda amat kena ngelalaika kebuah ke bendar aku ke ka begunaka berita nya. Ma aku ngasuh bala executives aku ngiga market info, sigi ditangkan aku belama sida ngasuh sida creative ngiga info tang anang ngelanggar business ethics, anang bula. Ingat amat aku ke ajar professor ke ngajar kami ba business school suba pasal business ethics. Tambah Urang Ke Diau ba endur ti ngelui remang seruran ngemataka ulah enggau utai ti disebut kitai, Urang nya ke enda tau enda disenakut, laban Iya ukai semina merus, Iya ulih muai, ulih nunu.
Kadang-kadang urang ke di atas enda puas ati enggau asil utai ti disidi kitai, kati kita enda nemu latest development ko nganu kitai. Enti utai udah dipansutka ba salur berita, sigi jarang enda nemu enti berita nya sigi utai ti disidi/diperatika kitai. Tang enti utai nya bedau dipansut alu sida enggai madah ma ditanya, tauka kitai nadai bulih berita ari salur bukai ke nemu, kati ku kitai ulih nemu deh? Ukai kitai tu sepai baka James Bond. Tak tat ka bakanya meh maya urang ngembalka kitai. Tang aku suah mikir, sekeda market info ti beguna amat semina tau dipadahka urang ke di atas, urang ke bos-bos besai. Uji bos besai ke merus aku nya mukul talipun ngagai bos besai sepiak nyin, ku ati aku din, baru ka urang muka mulut laban sida sigi bisi kuasa madahka utai sensitive bakanya, tambah sida sama setipak deh, sama besai pangkat, sama masa pangan diri. Uji sinu sida ka aku, ma nulung aku ga nanya info, sida ga dikelala urang agi, dikemaluka urang. Tudah diri nama, sigi ari urang ke baruh baka aku meh ke endur aku ngeluit berita. Urang ke baruh baka aku sama pandak kuasa, enti nemu jerita, enda tau madah tauka enti madah enda enggau penuh utai dipadah, kadang dikemulaka urang. Ma urang nganggap kempeni kami ka nyemekih sida, sigi enggai sida madah, datai ka enggai nerima kitai nemuai.
Puji Tuhan bisi internet, mayuh amat utai ulih dia. Kadang-kadang ta besari-sari bala aku mansik info. Ngiga credible, latest market information sigi siti pengawa ti enchabar.
Bulan sigi tu kemari aku nemuai ngagai siti kempeni di luar menua Sarawak, mula enggai branch manager nerima penatai aku, tang udah nya nyu ka ga iya. Oo ku ia, enda untung kami nyendiaka servis tu ditu, semadi kami empu bisi beguna servis tu, nuan pin nemu sigi mar rega charter hire diatu ku iya. Sejam tu penyampau caj kami ku iya. Urang enda semaya mayar, kadang-kadang nyu bebulan baru mayar, ku iya. Enti kita sama ka meri servis nya nyadi competitor kami kita ku ia. Randau punya randau, dah nya ia madah sida ka upgrade, ngiga ke bisi dynamic positioning.
Ari jaku iya aku nemu iya bula ke aku: enti kempeni sida rugi, kati alai sida agi tubah bebisnes, ukai semina agi berbisnes tang ka nyua utai ti changgih agi, ti mar agi, ti bisi DPS? Iya terus terang madahka kami competitor iya, ka iya madahka caj ti amat ngagai aku laban sigi nemu kami competitor sida? Reti nya caj ti disebut iya nya utai ti enda amat, kena iya manjuk aku, ngambi enti sema kami nyadi, kami netapka rega baruh agi ari rega sida, ngambi kempeni kami rugi. Pia mega nitihka industry practice, urang ke dikemendar ke kitai mayar dalam timpuh kredit sigi dipinta meri bank guarantee. Enti enda mayar, tarit enggau jamin bank, alu ngetu meri servis dataika sida mayar utang. Iya madah kempeni sida china man company, enda patut china man company enda neritka credit management, ngelak urang enda mayar utang bebulan-bulan. Labu anun iway iway.
Tuhan sinu ka aku, nya alai aku tulihka scale caj servis sida ari urang ke suah ngena sida (sigi bakanya chara, ma ka nemu pasal pengelemi enggau pengering competitor tanya ari urang ke ngena servis sida). Jauh lebih tinggi meh caj ke amat, ukai munyi utai ti ku iya. Taja pia aku beterima kasih ga ngagai iya, angka iya asai besalah ngemulaka aku, iya lalu nganjung aku ngagai endur ti ka dituju aku.Aku paham kebuah ia labu, baka ukoi, nanka tulang.
Aku ke ka KL empai lama diberus urang ke enggau aku betemu, bisi nembiak siku dibai aku. Sida enda lantang ati pasal sekat sida ke megai pekara wang kami, meda bil laun dibayar lalu ditan servis, nyu tepekul sida ke ka ngereja pengawa. Akai dai, tak kebil-kebil mua, tak peli-peli mata aku di embalka urang, nyu minta ampun aku, dah nya aku alu minta kemendar sida mukul ngagai kaban aku ke nyaga pekara wang, nanya kebuah ke bendar. Sida ka laun mayar bil, madahka nadai nerima bil, diberi bil baru bedau ga mayar, pia ku kaban aku. Nama guna bank guarantee kami ngemayuhnya deh, penyampau utai ti bedau dibayar mimit aja, ku sida. Amat ga utai ku sida iya, tang amat ga ku pangan aku, enti suba amat enda nerima bil tu ga udah bisi bil baru, bayar ga, anang bekelikuh. Tang endang ke baka iya, laban kempeni urang besai, kempeni tebilang, bisi upis betingkat-tingkat ti manah, ari communications diatu nyu nyadi conglomerate ti bedagang ke power production ngagai oil and gas. Kami baka ikan enseluai dibanding enggau sida ke empurau, nya alai urang enda kakang meri kitai jaku. Ah deh, ngachau amat ku aku, aku ka amat ngulihka ensenis ari sida nya, laban sida mayuh ngudar barang, mayuh nganjung barang kena urang gawa ba pelantar minyak, sida ngena jelatung kami. Nyebut meh aku, madahka nama utai dikemisi kami ti tau di kena sida. Enti kita ngena ulih kami berunding ngaga package ke kita, pia ku aku ngumpan. Meda baka meh, baka kami sida pin ngira kos ga sebedau ngaga pemutus runding.
Taja bisi tetemuka penanggul, aku enda leju bejalaika pengawa. Kedua manah, ka nulung, nya ti ngasuh kitai gagit bejalaika pengawa.
Tu aja jerita aku, ka ngalika diri. Selamat malam.
Au, nampung utai ti disebut aku tadi, ma chukup maya ngirup, dah nya makai, dah nya lemai pagila bisi gala dinner, maya ngirup enggau makai kitai be networking. Baka manuk nitir-nitir kitai milih raban endur nabakka diri berandau. Dah nya mindah ga ngagai raban bukai, bakanya baru ga, nitir-nitir. Kaban aku ke sama ari Bintulu ke ngarika kempeni iya empu sama ketawa bekenang ka kebuah kami ke kitu, di asuh kempeni makai angin enggau rileks pia ku kami betundi. Tang nya jaku tundi aja, enda bakanya ia, sigi naka ulih dua ari tu ila mupu penemu enggau nyidi berita laban nya utai ti dipeguna.
Nyidi berita nya ke ka tusah-tusah, laban urang enda entu ka madahka berita ka sensitive ka bisnes sida kelebih agi future plans, kitai ke nanya pin enggai ga entu madahka kebuah kitai ke beguna berita sida, enggai ka urang nemu langgur projek ti ka digaga kitai. Bendar amat ngelalau diri dalam ati ngambi enda nyebut utai ti enda amat kena ngelalaika kebuah ke bendar aku ke ka begunaka berita nya. Ma aku ngasuh bala executives aku ngiga market info, sigi ditangkan aku belama sida ngasuh sida creative ngiga info tang anang ngelanggar business ethics, anang bula. Ingat amat aku ke ajar professor ke ngajar kami ba business school suba pasal business ethics. Tambah Urang Ke Diau ba endur ti ngelui remang seruran ngemataka ulah enggau utai ti disebut kitai, Urang nya ke enda tau enda disenakut, laban Iya ukai semina merus, Iya ulih muai, ulih nunu.
Kadang-kadang urang ke di atas enda puas ati enggau asil utai ti disidi kitai, kati kita enda nemu latest development ko nganu kitai. Enti utai udah dipansutka ba salur berita, sigi jarang enda nemu enti berita nya sigi utai ti disidi/diperatika kitai. Tang enti utai nya bedau dipansut alu sida enggai madah ma ditanya, tauka kitai nadai bulih berita ari salur bukai ke nemu, kati ku kitai ulih nemu deh? Ukai kitai tu sepai baka James Bond. Tak tat ka bakanya meh maya urang ngembalka kitai. Tang aku suah mikir, sekeda market info ti beguna amat semina tau dipadahka urang ke di atas, urang ke bos-bos besai. Uji bos besai ke merus aku nya mukul talipun ngagai bos besai sepiak nyin, ku ati aku din, baru ka urang muka mulut laban sida sigi bisi kuasa madahka utai sensitive bakanya, tambah sida sama setipak deh, sama besai pangkat, sama masa pangan diri. Uji sinu sida ka aku, ma nulung aku ga nanya info, sida ga dikelala urang agi, dikemaluka urang. Tudah diri nama, sigi ari urang ke baruh baka aku meh ke endur aku ngeluit berita. Urang ke baruh baka aku sama pandak kuasa, enti nemu jerita, enda tau madah tauka enti madah enda enggau penuh utai dipadah, kadang dikemulaka urang. Ma urang nganggap kempeni kami ka nyemekih sida, sigi enggai sida madah, datai ka enggai nerima kitai nemuai.
Puji Tuhan bisi internet, mayuh amat utai ulih dia. Kadang-kadang ta besari-sari bala aku mansik info. Ngiga credible, latest market information sigi siti pengawa ti enchabar.
Bulan sigi tu kemari aku nemuai ngagai siti kempeni di luar menua Sarawak, mula enggai branch manager nerima penatai aku, tang udah nya nyu ka ga iya. Oo ku ia, enda untung kami nyendiaka servis tu ditu, semadi kami empu bisi beguna servis tu, nuan pin nemu sigi mar rega charter hire diatu ku iya. Sejam tu penyampau caj kami ku iya. Urang enda semaya mayar, kadang-kadang nyu bebulan baru mayar, ku iya. Enti kita sama ka meri servis nya nyadi competitor kami kita ku ia. Randau punya randau, dah nya ia madah sida ka upgrade, ngiga ke bisi dynamic positioning.
Ari jaku iya aku nemu iya bula ke aku: enti kempeni sida rugi, kati alai sida agi tubah bebisnes, ukai semina agi berbisnes tang ka nyua utai ti changgih agi, ti mar agi, ti bisi DPS? Iya terus terang madahka kami competitor iya, ka iya madahka caj ti amat ngagai aku laban sigi nemu kami competitor sida? Reti nya caj ti disebut iya nya utai ti enda amat, kena iya manjuk aku, ngambi enti sema kami nyadi, kami netapka rega baruh agi ari rega sida, ngambi kempeni kami rugi. Pia mega nitihka industry practice, urang ke dikemendar ke kitai mayar dalam timpuh kredit sigi dipinta meri bank guarantee. Enti enda mayar, tarit enggau jamin bank, alu ngetu meri servis dataika sida mayar utang. Iya madah kempeni sida china man company, enda patut china man company enda neritka credit management, ngelak urang enda mayar utang bebulan-bulan. Labu anun iway iway.
Tuhan sinu ka aku, nya alai aku tulihka scale caj servis sida ari urang ke suah ngena sida (sigi bakanya chara, ma ka nemu pasal pengelemi enggau pengering competitor tanya ari urang ke ngena servis sida). Jauh lebih tinggi meh caj ke amat, ukai munyi utai ti ku iya. Taja pia aku beterima kasih ga ngagai iya, angka iya asai besalah ngemulaka aku, iya lalu nganjung aku ngagai endur ti ka dituju aku.Aku paham kebuah ia labu, baka ukoi, nanka tulang.
Aku ke ka KL empai lama diberus urang ke enggau aku betemu, bisi nembiak siku dibai aku. Sida enda lantang ati pasal sekat sida ke megai pekara wang kami, meda bil laun dibayar lalu ditan servis, nyu tepekul sida ke ka ngereja pengawa. Akai dai, tak kebil-kebil mua, tak peli-peli mata aku di embalka urang, nyu minta ampun aku, dah nya aku alu minta kemendar sida mukul ngagai kaban aku ke nyaga pekara wang, nanya kebuah ke bendar. Sida ka laun mayar bil, madahka nadai nerima bil, diberi bil baru bedau ga mayar, pia ku kaban aku. Nama guna bank guarantee kami ngemayuhnya deh, penyampau utai ti bedau dibayar mimit aja, ku sida. Amat ga utai ku sida iya, tang amat ga ku pangan aku, enti suba amat enda nerima bil tu ga udah bisi bil baru, bayar ga, anang bekelikuh. Tang endang ke baka iya, laban kempeni urang besai, kempeni tebilang, bisi upis betingkat-tingkat ti manah, ari communications diatu nyu nyadi conglomerate ti bedagang ke power production ngagai oil and gas. Kami baka ikan enseluai dibanding enggau sida ke empurau, nya alai urang enda kakang meri kitai jaku. Ah deh, ngachau amat ku aku, aku ka amat ngulihka ensenis ari sida nya, laban sida mayuh ngudar barang, mayuh nganjung barang kena urang gawa ba pelantar minyak, sida ngena jelatung kami. Nyebut meh aku, madahka nama utai dikemisi kami ti tau di kena sida. Enti kita ngena ulih kami berunding ngaga package ke kita, pia ku aku ngumpan. Meda baka meh, baka kami sida pin ngira kos ga sebedau ngaga pemutus runding.
Taja bisi tetemuka penanggul, aku enda leju bejalaika pengawa. Kedua manah, ka nulung, nya ti ngasuh kitai gagit bejalaika pengawa.
Tu aja jerita aku, ka ngalika diri. Selamat malam.
No comments:
Post a Comment