Lemai tu kami sebilik, mindai & menyadi nerima penatai temuai ari Asap enggau Sibu. Sida datai, ka melepa pun bungai ke ditanam tua dadi, pia ku jaku aki urang lelaki. Ka tanda melepa, dia apai urang lelaki meri dadi parang ilang. Kenu ku adat bansa Kayan, ilang ke tanda urang melepa temuda ke endur bumai, ngambika enda di ambu urang bukai. Ku adat kitai Iban nuku. Pengawa ke nangkan ka tu bedau ditetap, nganti penembu pengawa ke ka dikereja seduai empu tubuh. Iya ke lelaki ka ngambi postgraduate setaun di LSE, bekejang ari enam tu ila. Tu gambar kami.
Begambar bebala mayuh: aki ini & apai indai Cris, dadi, Tuai & aku.
Ini & indai Cris
Aki, menyadi & bala ari sepiak lelaki
Apai Cris & mandal Tuai Rumah ari Asap.
Indai Kumo, Maie & indai Muntai
Dadi, ika aku apai Julie & menyadi aku apai Sampai.
Indai Sampai, apai Kumo, Tuai duduk begulai enggau ibu Cris ke nyadi Tuai Rumah sida di Asap.
Bala ari sepiak lelaki ari Asap & Sibu.
7 comments:
Congratulations Rita! Nyu ka bemenantu da nuan nya!
Kitai ka bisi nanam bungai, tentu lah bisi kesulai datai nutu bungai! Hehehe.
Congrats :-)
Dor,
Thank you. Ka buya kekok kami duai apai Maie, enda kala ngereja pengawa nya..aki Cris mai jaku Iban ke dalam, ia ga Temenggong, dini ia enda nemu...tudah apai Maie nimbal ngena jaku biasa aja...he he...ila maya urang nganjung tinchin baru ngiga urang ke sigi nemu bejaku bakanya!
Chris,
Thank you. Arapka kaki nuan gerai.
Congratulations!! Kini urang mai paung bungai deh?! :D Paduhal Indai Betty (bini Temenggong) enda enggau kami baum kemari, ngabas bungai tanam deh! ;)
Le sigh.
Alice,
Thank you. Diatu agi di ibun aku bungai, ila ni ku urang meh mai iya! Au, ini & aki Cris kitu ari minggu suba, dah pulai kemari.
Met
Cant wait to have you home tomoro!
congrats wai - bungai ditanam nuan yu dah dipelepa urang. Anang enda madah wai ama berami besai ila nulong nuci pingai ( ka engau ngajat enda ga nemu ka engau poco2 jauh meh agi hehehe nuci pingai pama meh kenu)
Post a Comment