Nyu lama ruai tu enda ditungkunka api, lebih sebulan. Ukai nama, laban ke bara rindu begulai enggau bala anak maya sida ke chuti tu kemari. Sudan baru pulai ka Jogja 10 Ogos tu tadi udah bekau ke chuti sebulan di rumah. Maie agi di rumah, bedau gawa. Nitihka atur perintah Malaysia, Maie enda tau enda gawa 4 taun enggau perintah: setaun kena ngulihka lisen pharmacist & 3 tahun compulsory service. Udah nya baru peneka iya ila, sekalika lalu tetap gawa perintah tauka gawa ba kempeni luar. Maie baru udah nganjung application ngagai SPA, nganti maya ke endur interbiu. Aku gaga iya bisi di rumah, bc ka pangan, bc enggau berandau, bc mela, bc enggau Igat kelebih agi maya diatu Igat nyendiaka diri SPM. Nyamai amat tua dadi diatu, datai di rumah pukul 5.30 lemai, pemakai & ai irup udah sedia. Puji Tuhan.
Au, sekeda ari jerita aku, kami bc pulai ke rumah panjai mai bala kami serumah & kaban belayan sembiang terima kasih ketegal Maie ke udah tembu belajar. Tu sekeda gambar kami ke rami kena 19 Julai tu suba.
Au, sekeda ari jerita aku, kami bc pulai ke rumah panjai mai bala kami serumah & kaban belayan sembiang terima kasih ketegal Maie ke udah tembu belajar. Tu sekeda gambar kami ke rami kena 19 Julai tu suba.
Apai Maie rising-rising. Nama baju nyu basah ulu, bendar poco-poco & karaoke? Bendar apai Maie ngelayan temuai, bisi 300 iko bala kami sekaban rami malam nya.
Ir. Jawan & wife. Ma gamal bakatu nyu well into the night party.. indai Aaron baru udah belagu.
Anang berebut kita belagu Apai Boy ... urang ke empu gawai enda nemu ngerara..meda aja.
Anang guai dulu ku DJ, anang berebut ka belagu, nganti aku udah nukar CD..
Tu kami semadi enggau bala anak kami.
Enggau bala anak indu
Sudan, Maie & Mak Win (petunggal sekali apai Maie) Peda chat buok Sudan deh, ba belakang bisi se strip chat mirah. Nyu ngapu aku meda maya ngambi iya ba airport. Uh ku aku, tubuh tu Sudan, buok nya enggi urang. Anang muchau Mi, ku iya, aku udah stress belajar maya exam, nya alai aku did something crazy, ngechok buok aku dua iti chura ku iya. Eh, ku apai Maie, manah nya deh.. Ga ia kami sebilik enda sebaka. Udah nya maya sembiang ari minggu guai-guai ngatur buok ngambi blond ke ari dalam & mirah ke ba luar enda berupai. Nya meh maya Fr Dominic gaga ka kami menyanak udah tembu missa, dinga aku Maie ngasuh adik iya nyelalaika buok pirang, enggai ka dirara Fr Dom. Seduai belalai semak tiang, Maie lalu berumban nulung adik iya ngatur buok, enggai ke ia ke pirang berupai dipeda. Udah nya baru mansutka diri endur Fr. Dom merekat kami menyanak. Ga kita ku ati aku din, tak mayuh penumbuh. Nyu baka bayat indon ke selalu lepak ba pasar Bintulu.
Tu sida menyadi. Gaga amat sida begulai, kelebih agi Igat laban maya pulai sekula bc bala kakak di rumah endur iya meraya.
Sigi bulih tahan akak aku tu (indai Ana), enggau adi aku (Apai Sampai) & pengkuan kami menyadi indai Muntai, betundi enggau ipar aku.
Fr Connors ari Gerija Saint Charles ba Selangau nguluka sembiang kena ngepunka pengerami malam nya.
Henry Nabau (ngena chermin mata), pangan rapat apai maie. Henry (apai Boy) ari Kua, rumah panjai sida enda jauh ari rumah kami. Apai Boy gawa nyadi senior chemist/HSE Manager ba Bintulu Port Authority. Sepiak iya ke tuchum nya cikgu Mengiring.
Nama wai? udah beganti baju? Apai and indai Muntai, indai Julie and Ana.
Bala belelak nganti ke poco-poco baru.
Muntai nguluka bala geng iya sida dara mit benung makai tunu ngut.Kami munuh 3 iku ngut sari nya.
Tu meh sebengkah ari pengerindu maya rami, ulih begulai enggau pangan diri. Ke baju burak tu menyadi indu apai Maie, indai Ngayan. Ke melakang ngena baju biru indai Nyelang, menyadi iru apai Maie.Indai Ngayan enda serumah enggau kami, iya serumah enggau sida Jawan ba ulu Dijih.
Bala anak menyadi apai Maie ngintu manuk.
Bini TR enggau indai Nyelang mela upak pisang. Urang rumah panjai enda tentu ka makai upak pisang, nyu puas ku sida, muti kami ari Bintulu ke bendar amat belauk upak gulai manuk tengah ari nya.
Tu maya ngalih ari, ari ujan mesi-mesi nya alai sida ke manggang jani nyu pindah ba ujung bilik anak menyadi apai Maie.
7 comments:
Hehe, Mak aku enggai amat meda bok warna-warni, Aunty. Bendar iya ngerara aku suba laban aku ka selalu betukar kaler bok. Diatu munyi ko orang, nadai ngawa enti ka bok berwarna-warni asal meh pandai belajar, pandai ngidup ke diri, enda ngenusah ka apai indai.
Ya ka enggai kitai, bok warna pirang, mata warna biru taja bedau kala terengkah menoa org putih. Hehehe.
Endu Flo, kami indai sigi conservative. Ulih kami accept buok bekaler tang conservative colour. Colour ke terang agi - it takes time for us to accept. True, apa-apa pun munyi ku laut, aku sigi beterima kasih laban Sudan ke diatu mujur dalam pelajar iya sereta selamat, nadai apa nama diau di menua urang.
Mata biru ku nuan? Maie meli contact lens warna silver grey! Enda tentu berupai, tang anang aja seduai iya Sudan nundi aku ila masang lens warna gadung & biru!
Aku suba selalu terang kaler bok, mata warna grey meh... hahaha. Maya zaman universiti suba taja bedau datai menoa orang putih. Fesyen ko orang deh... enggai enda betukar-tukar gamal.
Diatu baru bisi peda bok aku chelum... tang enda lama agi tukar baru kaler nya. Mata aja tetap chelum diatu laban ka enggai dikumbai orang indu venezuela baka suba!
Nama indu Sarawak enda bajik ko sida ya? Hehe.
Apu Rita, takes time to accept? Heheh, kita ga bisi anak dara! Enggi aku nadai anak dara, aku empu enggau orang bechok ka bok!! Color more daring than your daughter's! Hehe.
wai,
rindu macha cerita kita menyanak. Blog aku dah tukar aku asoh www.sebugey.blogspot.com ( just incase nuan bisi rigau-rigau ngiga..cheeeehhhh!
Hi Dor,
Nya meh, ba gambar enda terang chat buok Sudan, tang ke bendar sigi tak repok-repok burak, nyu baka buok CM. Umbas ia ga bc anak dara Dor, quite costly to maintain. Pama ga Maie nyu ka gawa enda lama agi ila, iya ulih melanja diri empu.
Hi wai,
Sigi meh aku rigau-rigau ngiga blog nuan, semadi apai Maie madahka url nuan ti baru udah bekau iya macha komen nuan tu. Lelenggau ka betemu, Igat ka amat mai ke Miri weekend tu kemari tang tua apai Maie ke Kuching ngulu pengerami melah pinang anak Dr. Richard Manie, siku varsity mate kami suba. Weekend tu ka pulai ka Dijih laban ka supervise urang gawa.
Two weeks ago indai Lutong bc nemuai di ambi Jonie, nya meh seduai indai bendar amat besulu. Udah gerai iya diatu, puji Tuhan.
Hai Aunty... lama aku dah maca blog nuan tang nadai kala ngaga komen. Tahniah ngagai kita sebilik. Enti bisi ari tau meh lalu ke kemiding.blogspot.com
Post a Comment