Semenua, Sekaban

Malam ari enam tu tadi bala anak petunggal Dadi ngatur pengerami makai lemai ke sida sekaban ke gawa di Bintulu. Kalimpah ari bala sida ari Dijih, bala ari Kua di ulu ka Henry Nabau enggau ari Bauh di uluka Peter Lamat sama bisi enggau. Nyadi kami ke nampil sida lalu mai bala ari sepiak diri empu. Tr Eding ke tuai ngatur pengawa ngelaluka bala, dah nya Dadi bejaku, dah nya baru aku nguluka kami sembiang.

Tiga serak betanda, aku ke tuai ke kami. Pangan aku indai Tim bisi enggau laban iya bala ari bini Jawan. Indai Tim mai lagu "Beperang dalam petang". Kami lekik-lekik ninga iya nusi jerita siku pemesai ke udah mati empai lama mai lagu nya, tang iya enda terus nyebut leka lagu, nyu bakatu munyi, "ukai nya sunang-sunang, ngelebut utai ulang", pia ku.. Enti Nuai mai lagu tu enda masuk iya belagu laban bara ketawa ditundi sida ku indai Tim.

Indai Tim, indai Jerry, indai Aaron. PS: Asai ka nyadi akak Muk (Sebugey) aku ngeripot pengerami bakatu :)

Group urang ke duduk ba bar.
Malam nya mega kami ngerami ari pengada indai Aaron.
Apai Boy enggau bala ari Kua. Belagu "Ngayap" apai Boy malam nya.

Apai enggau anak.
Maie, indai Muntai enggau Lorna.

Sekaban
Rindu meda bala baris ngambi pemakai...

Apai Kumo enggau bala iya.

Indai Nicol enggau Mr Bird beduet.
Pama aki enggau ini, ngasak endar. Aki enda belagu, laban nadai lagu wajip. Ini ngemera ke diri, belagu Killing Me Softly With His Song.
Tu TR Eding nguluka sida lelaki betanda.
Bala uchu, bala kaban.
Indai Bakar, tembu kin kitu ngelapung uchu iya.

Besawit

Igat ke ngepun. Numbuhka aku sawit nuan D, udah aku tembu belajar ila aku nyaga sawit tua, pia ku Igat. Au tau nya, pia ku Jumau. Anang, anang, pia ku Maie enggau Sudan. Seduai udah tuai, nganti ka pinchin aja, mata dadi nyu rabun ni ke dibai driba, pia dadi selalu driba laju-laju, Selangau nya jauh, ni seduai ulih ngundang belama, ukai bisi karan enggau ai din, enda tan seduai diau din, jauh klinik, macham-macham meh ku dua iku nya. Dadi berat amat, menati ke diri ke mansang tuai, enda tentu bepengerai. Nya alai iya enda besawit ari suba, kengka tanah tua iya ke setempap dua ba tisi jalai di asuh iya kereja menyadi ia apai Nyala, endur besawit. Iya sigi meransang bala menyadi iya, dipinta ka iya skim sawit ari upis Betanam Betupi sida nya ba taun 1998, nya alai bala ipar aku urang ke terubah besawit ba Jalai Dijih. Ari skim, bala ipar aku lalu nambah ke diri nanam sawit, mupuk-mupuk datai ke diatu.

Udah Igat nyebut, tua iya lalu ngumbuk dadi. Manage aja tua D, ngambi urang gawa, sebulan mendua kali tua ngabas kin, ila aku nyukung nuan deh, anang irau nuan, pia ku aku. Ninga anak enggau bini ngansak au ga ku tudah dadi. Seduai ke indu lalu shadap (shut up) munyi ku indai aku. Bakanya ku jerita kami menyanak berengkah besawit.

Nya tu gamal urang ke ka besawit.

Ila kitai meda enti iya ngamatka jaku iya. Ku ia iya ka ngiga puku kena iya muka klinik gigi ila, nya alai iya ka besawit. Mar meli perengka klinik mami, pia ku Igat, peda nuan penyanggih kereban ba klinik Dr Aziz, ku iya. Aku besampi arapka iya be amat-amat ila, nampung utai ti udah dipun ke tua dadi. Ukai semina ketegal juluk ati iya, tang kena iya ngidupka diri. Tu nah peda, rauh-rauh dua tiga minggu tu sekumbang iya ke exam, mami, mami, kemaya nuan bisi travelling ka KL nupi nyawa aku tu, deprived aku tu mami, mami, lama amat enda makai utai nyamai, pia ku iya. Iga nya Igat, ku aku, lapa kita sekaban enda nganjung diri ngagai Bukit Bintang makai kia, ku aku. Eh, bala pangan aku enggai dibai makai ngudar pemakai bakanya, sida ka makai utai simple aja. Aku enggai ga kediri dunga-dunga, pia ku Igat. Nya alai laban tua dadi ke sama bisi pengawa dipejalaika ba KL minggu tu, Igat lalu sebiru enggau kami duai. Empat malam din empat malam nganjung iya makai utai ti diketenguk ke iya. Kasih tua dadi meda tudah ke bendar amat belajar, baru tembu trial exam, dah tu bendar baru ga laban AS exam sida berengkah tengan bulan lima tu.

Udah makai dibai iya meda tukis Clash of the Titans, betangkup ke cheremin mata 3D. Di bai iya lepak sebelah Coffee Bean, de malam lepak ba La Bodega, endur urang nyual pemakai Sepanyol. Malam ari enam seduai meda derby (Man U vs Man C) ba Michelangelo, siti endur makai nyual pemakai Itali ba Pavilion. Tudah diri nganti seduai, nama ga pengawa, nyu ngirup kupi, makai torta cicciolata, nyudu gelato di spumoni dadi, ma aku ninga seduai memunyi, dirara aku ga, laban sepiak-sepiak kami urang ribai. Tang iya meh gul, betempap jari seduai, sebuti enda engkajat, dinga ba luar din nginggar nya ga bala ke duduk ba endur bukai betempik jari, nyerauh gaga. Aku ngambi peluang olang tengok olang. Enda rindu aku meda diatu, mayuh amat indu ke biak-biak di KL nginsap. Rusak amat. Kenu ku ba surat kabar, sida ka nginsap ngambika kurus, enda gemu.....tang ba penemu aku, pandak amat ga runding bakanya, ngereja utai ti ngenataika penyakit tubuh ketegal ka ngasuh tubuh ba luar manah dipeda...baka ke nadai chara bukai kena nguruska tubuh. Nya aku belaba ke batang ia, angka sida ngasaika diri cool bakanya kini.....you are so pretty sweetheart, why do you spoil yourself so, ku ati aku din ma aku malik kiba kanan meda sida nginsap.

Dadi ukai bansa ke rindu ngirup kupi enggau makai kek, ta keruan nganjung indai enggau anak iya...
Gaga amat dibai diau ba hotel. Arapka nya nyadi peransang iya bebendar belajar, ngambi ulih nyuluk pengawa ti dikedeka ke iya.

Aku belemati, sekalika Igat bisi pengeransing enggau pengeliat ati ngamatka jaku iya ila.

Ari langkan, Igat sigi angkun ke pengawa rumah panjai. Iya enda keji ke tanah, ari mit suba lebuh kami mula berumah panjai (taun 2000) sigi entuting tua apai iya belama iya, maya nya iya baru berumur 9 taun. Kami gagau berumah, iya melangkan mandi sebelah ai sungai Meruan, ngelunsur ba tebiang semak rumah, betarit ngena randau melebu. Ma chukup jam sida alu main bul ba padang sekula SK Dijih. Dah nya chebul-chebul baru mandi ba pendai. Ma lemai sigi ulih aku merus enggau penamat inat ma meri iya mandi, enda nemu agi daki, pia latak, pia isi nyu baka muam belaban panas. Tang enda beduli, gut-gut aku nganu, iya belagu maya aku ke merus daki. Sekali ringat amat iya enggai dibai dadi pulai ka Bintulu, laban agi ka diau ba rumah panjai, nyu belaya seduai, enda liat dadi ta diketu ka kerita, di asuh dadi pansut, nya bejalai kediri nuan pulai ke rumah ku apai iya. Peda ta enda chamang-chamang, alu angkat ari kerita, alu bejalai nikal ke rumah panjai. Lalu ngapu Apak Win enggau Mak Win ke sama enggau seduai (aku enda enggau). Nyu ulih sida nunduk mai iya pulai...maya nya iya berumur 9 taun.

Igat nadai kala didinga sebana ke nadai karan enggau ai, enda baka kami ke bukai. Iya enda milih makai, nama utai dibantai ke urang di menua sigi di empa iya. Berengkah ari iya nyu udah besai (Pom 4), iya sigi enggau urang bebela maya gawai, maya pengerami rumah panjai. Tumu iya dani enggau urang ngintu babi, nunu manuk, nunu ikan. Iya nemu makai perut manuk tunu, sa upak, sayur-sayur Iban, sigi utai dikerinduka iya magang. Enti di rumah panjai ni macham pengawa dibai bala aya enggau petunggal iya kereja sigi di au ka iya magang. Enda agi dadi enggau urang kin kitu. Akih ku bala petunggal iya nganggauka iya, akih ga ku iya nimbal urang. Sebiru sampai dini pagi iya enggau bala ke serebak. Iya gaga amat dibai apai iya ngabas tembawai sida di Luau, minta bai dadi kin baru, ka nyelambau, ka enggau urang nebang mulung meh iya.

Tu ba tembawai di Luau, pulai mandi.

Ba Luau.

Ngelamatu ma iya bisi chuti, sigi nadai beleman iya dibai pulai ke rumah. Iya pin sama enggau urang gawa, ta ni pengawa ke dibai dadi kereja ia. Ngipak ka tubuh iya ke tegap, iya sigi kering ngangkatka guni baja, enda mesa kambut 50 kg dima iya.

Iya rindu ke menua, rindu ke pengidup di rumah panjai, iya nemu bekaling, besaum enggau urang di menua, iya kering gawa. Utai ti enda tau nadai nya pemakai ti dikerindu ke iya, ba senentang pemakai sigi sebaka seduai menyanak. Nya alai enti pulai ke rumah panjai sigi bepeluh-peluh tudah diri mela laki, mela anak, mela urang ke enggau gawa. Arapka Igat ransing ati meh ila, enda mudah leju, enda mudah ngetu nyepi bisi penanggul.

Tu gamal urang ke beterengking enda ngasuh.

Seduai dua tu bedau pass diau ba rumah panjai. Enda nemu nama utai dikerandau enggau urang meh ku seduai, malu nunga urang meh seduai. Di badu enda, di mayuh amu sama amu enggau nuan berandau, ukai kami sebaka enggau di, pia ku nganu aku. Dulu agi Maie nujah kebun sawit sida Cris ari iya ke ngabas sawit kami. Sekali enggau Cris nganjung barang ke bala ke gawa, sekali dibai Cris enggau apai Cris (Alex) ngabas sawit di Batu 9. See what love does to my eldest daughter. Amat meh utai ti ku iya nganu aku, I love you mami, but I love him (Cris) more, pia ku iya wai, maya iya ka bekejang chuti ka London Christmas taun tu suba.

Tu gamal urang ke enda tentu ka.

Nya, peda kita gamal nya, bisi enggai nya diatu? Nyu tua Igat ke enda tetitihka iya. Enggai lubah ma ka ngereja utai. Ma pulai ke rumah, sigi udah dani iya pukul 4 pagi, biar iya meda CNN dulu nganti aku ke angkat endur nurun. Time management iya superb, iya ga urang menua enda lembau ngerah bala. Iya nyima-nyima ngerah aku, enggai ka karan sut, munyi ku bala anak menyadi iya. Nama utai ke enda ulih dikereja kitai indu di rumah, se agi ke mela pemakai, ngibun bilik, betemuai, agi lempung dikereja kitai. Ma iya ngasuh ipar aku mai urang gawa, di asuh iya milih ke kering gawa, ke enda ngular. Tang ba rumah panjai ni nya sepeneka kitai milih. Bisi ke bagas-bagas, bisi ke kurang, ke ulih urang narit belama. Kasih ga D, pia ku aku, enda tegal gawa kenyadi ke bakanya ga, kena tudah meli tusu anak, pama meh sida bisi dikenyadi ka tua. Kadang-kadang enda ngutuk ga dadi geram, laban sida nyu enda nitihka peneka kitai maya ke gawa. Kitai ka berumban, sida nge au, madahka diri ka ngereja, tang nyu minggu baru ila gawa, ukai diatu...dini kitai ulih nganti sida, ku dadi mutap.

Tu Jumau ke nge au.

Tang ke udah aku enda au belau. Se agi aku gerai, aku sigi nyukung dadi enggau Igat. I'll remain the woman behind the man. Ke bendar ia aku sigi lama udah ka besawit, tang dadi enda nge au ke aku. Many thanks, son.

Kami duai melaki bini enda nyangka pengawa tua iya ke besawit nyadi peransang bala di menua. Meda kami duai besawit, kami serumah ke bedau besawit sama besawit magang, semina empat pintu ke enda besawit ketegal nadai tubuh, nyu udah tuai, kedua baru ngidupka diri. Nya meh ma dadi meli baja urea ari urang ke gawa di ABF, tauka meli deram plastik, dadi lalu nyangkung sida, gaga sida ngari baja enggau deram ari dadi. Kami duai gaga ga bisi urang enggau gawa.

Pia mega, bala di ulu Dijih sama besawit diatu. Bisi siku petunggal apai Maie enda kebut-kebut enggau urang, enda tentu ka ke batang. Tak dibeli ke anak iya igi sawit ari MPOB, diasuh anak iya terenak, asuh iya jaga apai iya, asuh iya nebas tanah endur besawit apai iya tadi. Nama nuan ke nadai pengawa, sigi urang bumai, tau tak enggai besawit, peda di apai Maie enggau indai Maie, bekereja urang di nengeri, besawit meh urang, pia ku anak petunggal iya ngelicha apai iya. Nya, nyu besawit meh tudah petunggal iya diatu...petunggal iya nusi jaku anak iya maya kami ke nyenggai antu empai lama.

Aku beratika enti kitai Iban besawit, ulih amat kitai angkat ba penatai pemisi. Kitai bisi tanah, kitai semina beguna ke puku kena ngaga jalai enggau meli paung sawit. Ke diatu rega paung sawit RM10 sepun. Ke mar nya nyendiaka tanah, enti bebukit mayuh amat kos laban perlu ditiris, tang enti tanah landai, semina ngaga jalai aja. Ke tebal amat kitai di rumah panjai sebana nadai puku, tang kedua ke mayuh tanah enda nemu ngena tanah ke puku, uji jual sekeda tanah ngambika rega nyadi ka puku besawit, ngambi ulih nyamin penatai pemisi dalam timpoh 20 taun ka datai. Rega sawit tau kena kitai meli tanah di bukai kena nganti tanah ke dijual, kena meli rumah di nengeri, enda pia. Tu dikumbai musin ka duit. Tu nusi utai ulih bala ke udah besawit - ari 600 pun sawit (10 ikar) tau ngasilka enda kurang ari 5 tan dalam tiga minggu. Enti rega buah sawit RM500 setan, kitai bulih RM2500 sebulan. Tang urang ke kur ngibun sawit tulihka sampai 10 tan sebulan ari 600 pun. Udah tulak kos kitai kira-kira 30-40%, bisi amat belanja kena nyungkak ke ekonomi diri sebilik. Maya rega buah sawit RM700-800 setan taun 2008 suba, sigi durian runtuh amat bala ke besawit. Mayuh bala di Niah enggau Suai ke meli rumah kedai, ari asil nanam sawit.

Kami duai apai Maie bisi nemuai ngagai ladang endur siku Haji K (urang kaya di Bintulu, ngembuan mayuh kedai) nyemai sawit. Dia haji tu lalu bekunsi jerita enggau kami duai. Ku iya, mayuh pengawa udah dikereja aku sanu, tang nadai ngelaban besawit tu pengawa ke pengabis untung udah dikereja aku ku iya.

Nya, enda ingin kitai ninga utai ku iya nya? Sebedau iya nanam sawit Haji K sigi udah nyadi jutawan. Belematika ayat tu. Sebedau iya nanam sawit Haji K sigi udah nyadi jutawan. AND iya madah nanam sawit pengabis untung ari semua utai bukai ti udah dikereja iya. Get it?

Tu pemanah besawit dibanding ka enggau kitai ngiga pengidup nengah chara bukai.

(1) Enda perlu agi enggau urang masuk tender ngiga kontrek ke munggang mit, enda perlu regap-regap ngelaku ka servis tauka product kempeni, enda perlu keciwa munyi ku sa anak ma tender enda bulih, ma servis tauka product enda laku. Enda perlu arapka niki gaji ninting taun ke beratus dua. Ari kitai ke begaji kontrek di nengeri bulih RM1000-RM2000 sebulan, manah agi kitai besawit, mayuh agi penatai, sigi bisi setiap bulan.

(2) Kitai enda perlu marketing, perintah ngemasarka sawit. Amat bisi sekeda nengeri milih diatu, enggai meli sawit ari menua ke enda masa pemanah enggau pemeresi rampa menua, ke ngasuh bala jelu babas pupus ketegal ke nadai agi kampung, ke nambahka carbon emission ari peat soil ke angus, pia ku sida bejai sawit. Tang anang irau kitai ke pekebun mit, kitai di belakang urang ke gerasi nading - sa IOI, sa Sime Darby, sa KL Kepong, sa Felda, kelebih agi perintah empu, meruan menteri nyaga dagang sawit kitai. Ma nyu enda tau enda ila, mupuk ga kitai nitihka urang ngereja sawit nitihka chara ti sustainable. Ila aku ngenang RSPO (Round Table on Sustainable Palm Oil).

(3) Kitai nyadi bos - nyadi urang dagang. Kati enda deh, tanah sendiri punya, tanam, jaga sendiri bikin, jual sendiri dapat harga 100%, sendiri bayar gaji pekerja. Bos meh ma kitai bakanya enda pia. Urang ba rumah panjai nanya kami, nama kebuah ka besawit laban bisi kereja. Ee, bedagang nya ku aku. Tu kunchi kena muka ati urang di rumah panjai, laban sida nganggap nanam sawit pengawa ti baruh, enda aruh dikereja kitai ke pandai nyurat, kelebih agi ke bisi degree. Sida di rumah panjai begunaka paradigm shift.

(3) Endur nyual sigi bisi, rega sigi tetap nitihka gred, kitai enda ulih dikelakar urang ke meli

(4) Kitai bisi penatai ti tetap tiap bulan. Sekali dalam 3 minggu numbuk sawit.

(5) Kitai enda perlu bumai laban rega sawit sebulan chukup kena meli beras empa setaun (say 20 kg beras - RM90 sebulan, tauka RM1080 setaun), nya alai kitai ke ba rumah panjai bisi amat awak ditumpuka ngibun sawit. bala ipar aku udah enda bumai dalam kandang 3 taun tu, enda di asuh dadi, enggai ke sida enda meruan ngintu sawit.

(6) Sawit tu enda tentu bepenyakit baka lada.

(7) Tanah kitai nyu enda tebiar agi, nyu nyadi productive, mansutka asil ti tinggi. Pelaba aku gaga sida niang aki ini kitai ke udah nadai meda kitai ke ngereja tanah ke diperimba sida kelia. Indeed, ari ke besawit, kitai sigi masa, sigi enda ngelebu ke pemagas, penganas aki ini ke betemuda berimba kelia.

(8) Kitai nemu antara tanah enggau sepiak-sepiak, nya alai ngurangka penyarut, nguntungka bala anak uchu kitai dudi ari ila.

(9) Kitai ulih nyungkak ke pemansang menua pesisir, ngeninggika tikas pengidup diri sebilik. Ari nya kitai ulih melanja anak sekula, ulih meli bup kena sida belajar, ulih meli pemakai ti chukup ngambi sida besai enggau manah, ngambi untak sida ulih bepikir enggau tajam. Kitai ulih meli TV, nyambung ASTRO, meli komputer, ngambi anak kitai tebuka mata meda pemansang di nengeri, di menua bukai, ulih belajar jaku omputih, ulih telenga runding, enda ngembuan provincial upbringing ti ngasuh sida enda ulih besemekih enggau urang bukai ma sekula tauka gawa di nengeri. Au, ba kami ke nadai karan, ulih meli injin api enggau minyak disel...

Semina rega iya meh kadang-kadang niki, kadang-kadang turun. Tang ku bala betusi, seagi rega buah sawit enda turun ari RM350 setan agi bisi untung. Ba kitai ke nadai tubuh, ke enda diau mendam ba rumah panjai, siti penusah sigi ngiga urang gawa. Tusah amat. Iya ga atur baru diatu enchabar amat, atur tu netapka kitai pekebun kecil muti ulih minta permit ngambi pekerja ari luar nengeri baka bala ari Indonesia enti tanah kitai bisi pala. Dini meh tanah asal kitai ke bisi pala. Arapka atur pasal permit tu di ubah, ngambi enda nekul kitai ke ka nikika tikas pengidup diri, kelebih agi bala di menua pesisir. Taja pia arapka bala enda enggai nguji nanam sawit, ta pupuk bakanya meh, naka ni ulih dikereja. Kitai Iban peturun urang bagas, enda patut kitai ngeri ngereja sawit, nda pia? Iya ke berat dikereja nya numbuk buah, tang kitai tau beduruk enti nadai indon digaji. Utai bukai baka ke manchit rumput, maja enggau nyarau dan ulih amat dikereja kitai, nadai mesa.

Hm, baka ke kering amat Jumau tu nyebut utai munyi nya, baka ke besai kebun sawit, ia ta ka setempap aja - tang sigi munyi, laban ati ka deh, gaga ke bala nyu udah bisi jalai ngangkatka pengidup diri di menua. Pia mega urang ke ngembuan kebun sawit ke besai enda blogging bekunsi jerita, enda meransang bala diri enggau jerita pemaju sida, nya alai aku ngambi kediri, ngunsi kengka utai ti ditemu tudah aku.

To my precious daughter across the Java sea

I read my youngest daughter's blog entry and after comforting her over the phone, I just have to share something that has never failed to uplift me even in my lowest moments. I found it in the writings of one of my favourite authors, the late Archbishop Fulton Sheen of the USA. He was a priest, a teacher, an eloquent spokesman for Catholicism. Gifted with words and showered with graces, he delivered sermons that both inspire us to do good and evoke contrition of the hearts. He had the gift of giving spiritual reflections from varied perspectives that quickens the heart and refreshes the soul.

This reflection is one of my favourites.

He said "it is not our will that matters, it is the Lord's. This is the difference between prayer and worship. Prayer is the expression of my will; worship is the acceptance of God's will. The two are quite distinct. Just run through the Old Testament and see how very often, one of the great biblical characters, like Abraham, prays to God, expresses his own will, and then God says to him, "Offer your son, Isaac". And he prostrates himself. That is his worship"

Archbishop Sheen also gave the beautiful example of David's response to his son's death.

As we read in 2 Samuel, after the prophet Nathan told David that he (David) had killed Uriah, "The Lord struck the boy whom Uriah's wife had borne to David. And he was very ill. David prayed to God for the child, he fasted and went in and spent the night fasting, lying on the ground. The older men of the household tried to get him to rise from the ground, but he refused and would eat no food with them. On the seventh day the boy died, and David's servants were afraid to tell him 'While the boy was alive', they said, 'we spoke to him and he did not listen to us; how can we now tell him that the boy is dead? He may do something desperate'. David saw his servants whispering among themselves and guessed that the boy was dead. He asked, 'Is the boy dead?' And they answered, 'He is dead'. Then David rose from the ground, washed and anointed himself, and put on fresh clothes; he entered the house of the Lord and prostrated himself there. Then he went home, asked for food to be brought, and when it was ready, he ate. The servants asked him,'What is this? While the boy lived you fasted and wept for him, but now that he is dead you rise up and eat? He answered, 'While the boy was still alive I fasted and wept, thinking, 'It may be that the Lord would be gracious to me, and the boy may live'. But now that he is dead, why should I fast? Can I bring him back? I shall go to him, and he will not come back to me'.

David worshipped the Lord. The difference between praying and worshipping is the difference between my will and God's will.

What struck me when I first read this reflection was the realisation that my prayer is the expression of MY WILL. It has made me accepted with grace the things that came my way that were different from what I prayed for. I know God loves me, I am precious in His eyes, He has written my name in the palm of His hands (Isaiah 49:16), He knows what is good to give to me (Mathew 7:7-8) and if I should walk in the valley of darkness, no evil shall I fear, for He is there with His crook and His staff" (Psalm 23).

Worship the Lord, my precious daughter, pray for wisdom to discern HIS WILL and submit to HIS WILL in sweet surrender.