Sunday, March 16, 2008

Aku datai baru

Tabi semua bala pangan bloggers. Lama ruai aku tu enda di wan, tak dipansa aja ngelamatu. Nya meh aku sibuk, bejalai kin kitu, nama aku enda bejalai nyau nadai mood ga nulis utai ditu. Suah aku ka nulis maya aku ke bejalai, tang meh enda tentu terenah. Apin lama aku ka Kuching, endang ka baka iya, enti malam aku sigi enda kin kitu, muti lepak ba executive lounge, surfing and snacking.Ni ka nyamai, solitary meal.

Enti aku ke KL rindang amat, ga mayuh endur alai bejalai. Aku rindu diau ba Melia Hotel, laban bc urang belagu ba Piano lounge. Cosy amat, enti kitai duduk kediri enda berasai malu laban sofa ia besayap, bisi endur belalai asai.

Kalimpah ari nya, aku mega bisi begulai enggau bala menyadi indu enggau ibu aku, Indai Lutong. Kami nemuai ngabas petunggal aku ke raya sakit di Miri (iya udah nadai minggu tu kemari, May the good Lord bless her soul). Rindu ga aku nyadi chauffeur kami, betemu enggau Apai & Indai Jill for lunch, udah nya kami stop ba Kopitiam ngirup kopi sebedau mulaika diri ke Niah & Bintulu.Sepemanjai jalai endang nadai ngetu berandau, ketawa meh laban akak aku ke lumur dua, Dut, sigi nemu amat nusi jerita ke ngasuh ketawa.

Tu menyadi aku ke tuai, Jacinta (indai Julie) enggau ke biak, Lily (Indai Muntai)



Tu menyadi lumur dua, Dut and ibu aku, indai Lutong



Tu Jacinta & indai Lutong.



Minggu tu tadi tak dua iku petunggal aku nadai, siku petunggal sekali aku, Ramah sida iya ba Teluk Batu di Tatau. Tua apai Maie tumu pagi enggau urang nyenggaie, udah nya ke Dijih laban ka meresa pengawa bala ke di asuh apai urang ngeracun & maja sawit. Nganti ke mulai kediri, lepak enggau bala kami serumah.

Gambar tu dituju aku ka Maie & Met, gambar Yang Gantung Kibung tua Yang & entua iya, Kumang.Aku nemu seduai lelenggau ka YGKY.








Aku lama enda pulai, nyau sinu meda bilik, lembau tai tichak sebelah tisi dinding. Pama ga empai lama ti udah maya Apai Maie ke pulai semalam, bc bala anak menyadi iya nyapu & ngemop bilik kami. Taun baru mobile agi aku, ulih aku enggau apai urang pulai belama laban Igat aku udah abis Form 5, God willing nyau masuk college maya nya ila.

Enti aku travelling, enda tau enda meli utai ke anak bengkang (Igat), pama nyawa sida anak. Bekenanas aku meli sushi, donut ke dibai pulai. Tu peda utai ke diangkut aku, laban di Bintulu nadai Secret Recipe. Sida rindu makai kek Chocolate Indulgence. Di malama Maie telephone nusi diri makai chocolate cake din, nyamai ku iya, lalu di saut Igat " ee best amat neh, nyamai nya". Lemai mari nyau baka ukai bulan Lent, nyau makai leg of lamb kami tiga. Seduai me apai ketenguk, nya alai dipanggang aku, di panduk ke seafood sup enggau potatoes. Nya meh ke di empa kami tiga makai lemai. Siuk nyau cuti pulai ke Dijih.




Ila aku nusi jerita baru, nganti bulih inspirasi. Kin kitai, ngagai ruai Sebugey, meda gambar bala sida iya ke cuti ke Bali.