Ndau-ndau ting, Sibu pasar Maling

Kami menyanak ke Sibu kena 27 Dec ngulu pengerami nikah anak pangan apai Maie, William Ngien. William tu manager Tractors Malaysia di Sibu, suba iya gawa di Bintulu lalu maya nya bekelala enggau apai Maie. Seduai kala begulai ngagai Norway bejalaika pengawa suba lalu berengkah ari nya seduai bepangan, dataika diatu, taja pin William udah transfer ke Sibu.

Kami menyanak lama enda ke Sibu, bisi setaun setengah, nya meh tekenyit meda mayuh amat rumah kedai enggau rumah endur diau baru ke udah digaga. Kami diau ba RH Hotel, keterubah ia diau dia. Manah amat view ari hotel nya, tu nyah, aku sempat ngambi gambar pagi tu tadi.

As usual pasar Sibu sigi mayuh amat mensia, kelebih agi semak wet market enggau terminal express ba tebing ai. Ari kami ke datai muti tama enda lama ngagai Wisma Sanyan, udah nya berumban pulai ngagai bilik nyau enda tan ninga lagu taun baru China nginggar-inggar nya dipasang ba dia. Rigau-rigau ngiga endur afternoon tea sebelah nya, meda nadai endur ke dikerindu ka bala anak kami menyanak lalu ngirup ba coffee house hotel RH. Apai Maie makai sup oxtail, aku muti ngirup & makai cheesecake, bala anak terus makai lemai, laban enggai nurun baru udah tua apai iya mupuk ngagai wedding reception ba Dewan Suarah. Verdict, enda berapa penyamai utai pakai ba hotel nya, enda rugi enti give it a miss.

Ari siti udah pulai sembiang kami makai mee sapi ba kedai seberai hotel Li Hua, sigi selalu endur kami menyanak ngirup laban bala anak rindu makai mee sapi. Udah nya apai Maie & Igat be urut kaki, kami tiga musin-musin kedai Daesim meda utai di jual. Empa pemayuh mensia, nyau meri awak dulu ngagai pangan diri mansa kaki lama endur bejalai. Ia ga Cina Sibu tak abis kaki lima endur bejual, enda baka di Bintulu, ditu terit BDA nuatka adat, ngambi kaki lima enda sekut endur bejalai.

Ba pejalai kami ke Sibu, kami ngetu merarau di Selangau. Angka sekeda kita enda nemu, bisi dua iti kedai makai ba Selangau ke bisi manduk mayuh bengkah lauk ke jarang bisi di jual ba nengeri, ia nya babi babas, ikan kedebu, pama, lelabi nyentukka ukui. Dadi & bala anak sigi minat makai ikan kedebu steam, pama goreng chili, undang sungai masak masam manis enggau braised lelabi - favourite Igat. Enti bisi mansa Selangau, anang enda ngetu merarau dia. Aku rinduka kedai mua ari tisi seberai Shell station laban dia beresi. Kedai ke ba tengah ka buya kamah, taja urang mayuh makai din. Ku dadi ikan kedebu ba kedai tengah nyamai agi. Tu nya gamal utai di pakai kami ba Selangau.

Kalimpah ari nya, sida mega bisi nyual mee undang sungai. Suba RM6 semangkuk tang diatu udah niki ngagai RM8. Tu aja mee ke ka di pakai aku ba Selangau, mee bukai temasuk kam pua tak enda chun ba nyawa aku.

Selamat Ari Krismas

Kami menyanak sembiang malam 24 Dec. Kami tumu nurun laban tua Igat sama-sama gawa, Igat nyadi altar server lalu aku nyadi commentator. Ujan balat amat, taja pia gerija Stella Maris penuh, sampai ke luar gerija. Ba St Anthony mayuh agi bala sembiang, bisi lebih ari 500 iku ba car park, bediri laban enda chukup kerusi agi. Puji Tuhan laban mayuh ulih enggau ngintu hari pengada Penebus, Raja kitai.

Igat enggau bala pangan iya nyendiaka diri mela maya missa malam nya.

Aku seilu-ilu sebedau nurunka gerija ngenang Sudan ke kediri ba hotel di KL, ia terengkah ari Jogja lemai nya tang enda sempat ngena flight ke Bintulu, nya alai iya datai kena ari Krismas. Udah tembu sembiang naka pemalatnya ari ujan. Kami menyadi lalu begempuru ba rumah menyadi aku ke lelaki, apai Sampai. Kami supper dia, makai utai ke dilulun apai Sampai. Nyu tengah malam baru kami pulai, ngelaban ujan baru ga.

Bala kami menyadi, mipar & anak supper ba rumah apai Sampai di Jade Garden, Jln Tun Hussein Onn. Stidi amat perut jani lulun entua apai Sampai.Chun amat laban ari ujan, isi chelap, kami di beri apai Sampai ngirup wine & rum.

Pagi hari Krismas kami breakfast ngagai menyadi aku ke biak, indai Muntai ba rumah iya di Taman Putra Jaya. Kami makai mee jawa. Best, sedap kuah mee jawa. Tau dipinta resipi. Indai Muntai menyanak rajin amat begaga kuih & biskit. Iya nadai meli, semua digaga magang. Muntai kontrak ngaga biskit laban iya minta gaji indai iya rebonding buok. Nya, peda meh buok ti udah di rebonding. Nya Muntai ke duduk ba kerusi. Indai Muntai mayuh ngaga kek lapis, nyamai kek iya, enda sebaka enggau ke mayuh dijual di bukai.

Kami menyadi enggau indai aku begempuru ba rumah aku merarau maya hari Krismas. Tua Maie berapi berengkah ari tumu pagi. Maie manduk manuk kulok, nitihka kala dipanduk iya maya ba Glasgow suba. Udah nya iya manduk ikan salmon, di marinate ngena mayonaise gulai wasabi udah nya dipanggang. Maie mega ngaga mash potato. Aku manduk leg of lamb, nunda stail greek, isi ditebuk-tebuk lubang, isi enggau oregano enggau bawang burak, udah nya dipanggang sejam, udahnya dituangka white wine, lemon juice enggau olive oil lalu panggang baru dua jam. Apai Maie rindu makai stail tu, nya alai bakanya belama aku manduk iya. Pia mega aku nge roast jani, simple aja, ngena Lee Kum Kee char siu sauce. Sida Igat, Igat aku enggau Igat (Belayong) anak menyadi aku ke tuai rindu makai jani panggang ngena char siu. Aku bisi manduk chapi masak hitam kena bala pengabang makai lemang ke digaga mak Win ke aku.

Manuk kulok.

Ba baruh tu leg of lamb enggau jani panggang

Kami ngirup dulu sebedau makai.

Tu baru badu makai pineapple cheesecake ke dessert. Cake tu sigi dikerinduka bala anak aku kelebih agi dua iku Igat. Udah nya Igat ngenatka telan, meda TV, Muntai ketawa begagai enggau Tika, indu ari menua sepiak ke nguan sida. Aku nadai meli kek, ngaga magang. Aku ngaga fruit cake, banana cheesecake, lemon cheesecake enggau pineapple cheesecake. Kati enda cheesecake magang, ga aku meli 2kg cream cheese. Tambah nyawa sa anak enda tentu ka makai kek bukai, enti kek lapis milih ke nyamai baru ka. Aku tu ngelusu enggau urang ngagai kek lapis nyu bejam-jam. Suba agi biak agi sampai pukul 5 pagi tua indai Muntai baking. Sekali aku nyau tinduk baruh mija dapur nganti indai Muntai tembu ngaga kek sisik ikan, maya kek tu famous kelia...

Tu gambar indai aku begulai enggau apai Sampai enggau Nathanial Sigah, anak apai Sampai ke biak amat. Indai aku ngeluji bala uchu, masukka ketapu Jawa (dikumbai urang Jawa "blankon"). Apai Sampai mesan minta Sudan melika iya ketapu nya kena iya begagai enggau urang maya gawai ba rumah panjai.

Tu kami tiga menyanak belelak udah bekau bala menyadi aku pulai merarau ba kami. Kami nyendiaka diri deka nerima pengabang malam nya. Malam nya aku cater ari Peace Garden restaurant laban enda tekabir berapi agi, ni ngintu kami menyadi udah pama amat.

Tu gambar sekeda pengabang kami. Nasit ga ari enda ujan, tang udu beribut, nyu chelap aku ke kuang kuit ke luar ke bilik ngelayan pengabang.Bala ke datai ngabang mayuh kaban belayan ari sepiak apai Maie enggau ari aku sereta bala ari upis.
Bala anak petunggal apai Maie.

Tu gambar bala cikgu enggau Maureen Jelek (duduk ba kerusi), anak petunggal apai Maie ke gawa ba siti shipping company ditu.

Tu bala staffs ari upis.

Indai Sira nyayat kaki kambin, kena bala sida pengabang indu ngirup. Sida tu bala bini enggau anak staffs apai Maie.

Sudan, Maie enggau mak Win (indai Maureen) tukang masu gelas malam nya.

Tengah ari 26 kami merarau ba rumah Rampai, anak menyadi apai Maie ke gawa nyadi fireman ba Bintulu Port. Iya ke duduk ba belakang Maie nya Marilyn Sumba (ngangkatka nama entua aku ke indu), anak Rampai ke tuai, diatu iya benung ngambi diploma nursing di KL. Sepiak nya indai iya enggau menyadi iya ke biak, Moses, ke selalu dikayam kami. Best amat kami merarau dia, makai kasam jani gulai daun kepayang enggau lauk upak pantu. Aku enda nyeput sida manuk enggau daging ke dinahka endu indai Sumba, laban ke tembu makai kasam...

Malam 26 kami semadi ka rumah panjai sida ika aku di Sepaduk, Jalai Sebauh, laban menyadi aku ke tuai ngintu Krismas dia. Seduai bisi bilik dia, nya alai tiap kali chuti sekula sida menyanak pulai ke rumah panjai. Rumah sida moden, bisi karan enggau ai paip, nya alai nyamai amat sida iya. Rumah panjai muti setengah jam ari pasar Bintulu. Kami makai begulai enggau bala menyadi enggau ipar ari sepiak ika aku. Bala menyadi & ipar ika aku bisi manduk lauk rumah panjai, manduk daun ubi, temedak muda gulai daun sabung, akak aku manduk daun entimun, sambal petai, ika aku mansuh manuk enggau perut jani gulai isi & atau. Stidi amat lulun jani iya, numbas ia pemasin. Hmm... dini enda dua kali nyingkau asi... best amat belauk sayur bakanya.

Tu gambar bala anak ba bilik menyadi aku di Rh Madel, Sepaduk. Ari kiba nya Igat besai (Barry Belayong Igai, anak menyadi aku ke tuai. Igat electrical engineer, diatu iya gawa ba oil & gas company Foxboro di Shah Alam. Sepiak iya Igat aku (Igat biak) aka Gavin Man Gima - Igat biak benung nganti pemutus peresa Form 5, chita-chita ka nurunka berat badan sebedau nyambung pelajar ngagai kolej. Udah nya Sudan, Maie, Pearl Muntai enggau adi Igat tuai, Wendy Kulan. Wendy anak akak aku ke pengkuan sekali, diatu benung Form 6 ba SMK Bintulu.

Indai aku duduk enggau bala anak aku, ichit iya Ann-Marie Jeburi, anak Julie ke lumur dua. Bujang mit ke dua iku nya menyadi Muntai, Abraham Rasit enggau Isaac King.

Kami menyanak nadai ngabang ke bukai, laban ari siti , 27 ari bulan kami ke Sibu ngulu pengerami urang nikah.