Pulai Ka Rumah Panjai

Nyu lama ruai tu enda ditungkunka api, lebih sebulan. Ukai nama, laban ke bara rindu begulai enggau bala anak maya sida ke chuti tu kemari. Sudan baru pulai ka Jogja 10 Ogos tu tadi udah bekau ke chuti sebulan di rumah. Maie agi di rumah, bedau gawa. Nitihka atur perintah Malaysia, Maie enda tau enda gawa 4 taun enggau perintah: setaun kena ngulihka lisen pharmacist & 3 tahun compulsory service. Udah nya baru peneka iya ila, sekalika lalu tetap gawa perintah tauka gawa ba kempeni luar. Maie baru udah nganjung application ngagai SPA, nganti maya ke endur interbiu. Aku gaga iya bisi di rumah, bc ka pangan, bc enggau berandau, bc mela, bc enggau Igat kelebih agi maya diatu Igat nyendiaka diri SPM. Nyamai amat tua dadi diatu, datai di rumah pukul 5.30 lemai, pemakai & ai irup udah sedia. Puji Tuhan.

Au, sekeda ari jerita aku, kami bc pulai ke rumah panjai mai bala kami serumah & kaban belayan sembiang terima kasih ketegal Maie ke udah tembu belajar. Tu sekeda gambar kami ke rami kena 19 Julai tu suba.

Apai Maie rising-rising. Nama baju nyu basah ulu, bendar poco-poco & karaoke? Bendar apai Maie ngelayan temuai, bisi 300 iko bala kami sekaban rami malam nya.

Ir. Jawan & wife. Ma gamal bakatu nyu well into the night party.. indai Aaron baru udah belagu.
Anang berebut kita belagu Apai Boy ... urang ke empu gawai enda nemu ngerara..meda aja.
Anang guai dulu ku DJ, anang berebut ka belagu, nganti aku udah nukar CD..
Tu kami semadi enggau bala anak kami.

Enggau bala anak indu

Sudan, Maie & Mak Win (petunggal sekali apai Maie) Peda chat buok Sudan deh, ba belakang bisi se strip chat mirah. Nyu ngapu aku meda maya ngambi iya ba airport. Uh ku aku, tubuh tu Sudan, buok nya enggi urang. Anang muchau Mi, ku iya, aku udah stress belajar maya exam, nya alai aku did something crazy, ngechok buok aku dua iti chura ku iya. Eh, ku apai Maie, manah nya deh.. Ga ia kami sebilik enda sebaka. Udah nya maya sembiang ari minggu guai-guai ngatur buok ngambi blond ke ari dalam & mirah ke ba luar enda berupai. Nya meh maya Fr Dominic gaga ka kami menyanak udah tembu missa, dinga aku Maie ngasuh adik iya nyelalaika buok pirang, enggai ka dirara Fr Dom. Seduai belalai semak tiang, Maie lalu berumban nulung adik iya ngatur buok, enggai ke ia ke pirang berupai dipeda. Udah nya baru mansutka diri endur Fr. Dom merekat kami menyanak. Ga kita ku ati aku din, tak mayuh penumbuh. Nyu baka bayat indon ke selalu lepak ba pasar Bintulu.

Tu sida menyadi. Gaga amat sida begulai, kelebih agi Igat laban maya pulai sekula bc bala kakak di rumah endur iya meraya.
Sigi bulih tahan akak aku tu (indai Ana), enggau adi aku (Apai Sampai) & pengkuan kami menyadi indai Muntai, betundi enggau ipar aku.

Fr Connors ari Gerija Saint Charles ba Selangau nguluka sembiang kena ngepunka pengerami malam nya.
Henry Nabau (ngena chermin mata), pangan rapat apai maie. Henry (apai Boy) ari Kua, rumah panjai sida enda jauh ari rumah kami. Apai Boy gawa nyadi senior chemist/HSE Manager ba Bintulu Port Authority. Sepiak iya ke tuchum nya cikgu Mengiring.
Nama wai? udah beganti baju? Apai and indai Muntai, indai Julie and Ana.
Bala belelak nganti ke poco-poco baru.
Muntai nguluka bala geng iya sida dara mit benung makai tunu ngut.Kami munuh 3 iku ngut sari nya.
Tu meh sebengkah ari pengerindu maya rami, ulih begulai enggau pangan diri. Ke baju burak tu menyadi indu apai Maie, indai Ngayan. Ke melakang ngena baju biru indai Nyelang, menyadi iru apai Maie.Indai Ngayan enda serumah enggau kami, iya serumah enggau sida Jawan ba ulu Dijih.
Bala anak menyadi apai Maie ngintu manuk.
Bini TR enggau indai Nyelang mela upak pisang. Urang rumah panjai enda tentu ka makai upak pisang, nyu puas ku sida, muti kami ari Bintulu ke bendar amat belauk upak gulai manuk tengah ari nya.
Tu maya ngalih ari, ari ujan mesi-mesi nya alai sida ke manggang jani nyu pindah ba ujung bilik anak menyadi apai Maie.

Glasgow City

Tu sekeda ari gambar bandaraya Glasgow. Bandar tu tebilang nyadi palan ngaga kapal tang udah bekau perang dunya kedua, industri ngaga kapal berengkah surut, ti ngujungka industri tu lalu mati. Dia beratus iti dockyard ba tebing sungai Clyde nyadi tebiar lalu mayuh bala ke diau dia ngiga pengawa ke menua bukai. Perintah mutarka ekonomi enggau muka industri baru, ia nya industri dagang temuai enggau services sector. Nya kebuah diatu palan dockyard suba nyu nadai agi, diganti enggau hotel, convention centres, leisure centres, restaurants.. semua palan ti endur ngelantangka ati.

Industri dagang temuai sida maju amat - sida benasit laban Scotland ngembuan rampa menua ti manah amat, enda jai tauka rusak baka ba sekeda menua bukai. Sungai sida agi beresi, ai chiru, bukit sida agi mayuh, penuh enggau vegetation, enda dipapar baka ba menua kitai. Palan endur temuai singgah ba sebelah tisi jalai (baka kedai runcit/cafe, toilets) sigi manah, beresi.

Siti ari bangunan ba Glasgow
Siti ari bangunan ba Glasgow
George Square, Glasgow
Shopping ba Buchanan Gallery.

Shopping ba Buchanan Street. Glasgow nyadi palan shopping ti lumur dua tebesai di UK nangkan ka London. Kedai sida ba Buchanan Street, Sauchiehall Street, Argyl Street, besemak enggau pangan diri. Kedai ti nyual gari ti tebilang nya Dorothy Perkins, Topshop/Topman, Debenhams, Marks & Spencer, Next, H & M, New Look enggau mayuh boutique shops ti bukai. Maya tu benung sale, lalu sale sida sampai 50-70%. Taja pia, enti dipulai ngagai duit kitai sigi pama ga rega. Aku meli gari ke sida anak, ke diri empu muti meli sepasang baju enggau accessories. Kualiti accessories manah, kedua nyu baka kualiti Monet, Liz Clairborne.

Tu gambar kami udah badu sembiang missa ari minggu ba Gerija St Mungo, benung berandau enggau bala apai indai pangan Maie ke bisi datai ari KL ngulu pengerami convocation.
Park semak Glasgow University
Siti ari pemandangan George Square

Siti roadside cafe (endur alfresco dining). Laban ari ditu selalu ujan, bemua enggau beribut, (taja diatu musin summer), nya alai urang ke empu cafe tu bc masang sarang kaca ti ulih ngeluarka api endur urang bediang.

Raun ngagai Loch Ness, Scotland

Kami tiga sempat raun ngagai Loch Ness (bakatu ke nyebut Loch "Lockk") munyi ke engkurak nyawa kitai nyebut iya. Kami diajar malin temuai ke mai kami nyebut Loch.

Loch Ness sigi tebilang di serata dunya laban bisi sekeda urang kala meda jelu ti baka naga kala ngayanka diri pansut ari danau tu. Urang ke terubah meda jelu tu Saint Columba, beratus taun ti udah. Pemanjai danau 23 batu, buka sebatu & penalam 750 kaki. Tu danau fresh water, tang ai iya chelum & visibility dalam nyin enda datai sekaki. Kebuah ai chelum laban danau tu betumbuh ari tanah/ menua peat beratus taun ti udah.

Indai & anak ba kedai ba tebing Loch Ness.
Gambar Urquhart Castle, ba tebing Loch Ness.
Apai & anak posing sebedau merau ba Loch Ness
Siti ari gambar Loch Ness
Benung ngirup teh & makai scones ba siti kedai palan temuai maya kami ngetu ngalih ari udah bekau ngagai Loch Ness.

Celebrating Daphne Maie Gima, Master of Pharmacy (University of Strathclyde, Glasgow)

Daphne Maie Gima, 22 years on 12 July, on her graduation on 30 June, 2008 at Barony Hall, University of Strathclyde, Glasgow, Scotland.

Apai, indai & anak tuai. Dadi enggau aku terebai ngagai Glasgow kena 25 June ngulu pengerami convocation Maie. Pelaba aku baka tua apai Maie, bala apai indai urang ke udah bc anak ke graduate mega berasai gaga sereta meri puji ngagai Allah Taala laban ari berkat enggau intu Iya utai ti dijuluk udah ulih. Ba kitai ke apai indai, maya tu meh kitai meda tanggung pengawa kitai ari anak agi mit datai ke badu sekula, udah, ari kuasa Allah Taala, mansutka buah.

Daphne begulai enggau bala pangan iya ke semak kaul enggau iya.

Indai Maie & Maie. Maie ngangkatka menyadi ini Sudan, ini Labai. Nama ini Labai kami Maie. Aku enda ngangkatka ini Sudan mula ia laban Sebugey udah ngangkatka nama tu dulu agi (Jill Sudan). Tang iya meh anak aku ke lumor dua indu, diangkatka aku ga Sudan laban aku enda berapa minatka nama ini Latah, (Anggit), itu siku agi menyadi ini Sudan. Acih ini Latah. May God bless her soul.

Apai Maie & anak.

Tu seduai apai urang ari Scotland enggau ari Sarawak, enggai alah, enggai enda enggau urang beposing.

Ba dalam Barony Hall, sekeda ari apai indai anembiak. Enda tentu ulih ngambar iga, malu laban omputih enda kiasu baka kitai. Bala apai indai urang Malaysia lembau, sida ke semalau nyu kin kitu bejalai ngmabar urang. Tang maya ceremony udah berengkah nemu ga sida belalai ari tisi ngambar, laban udah bisi jaku lalau diberi urang ngagai apai indai ke datai.

Bala pansut ari hall udah graduate.
Ba reception, apai & anak.
Maie & her friend.